Дар доираи Конфронси байналмилалии сатҳи баланд оид ба ҳифзи пиряхҳо дар «Кохи Сомон» зиёда аз 20 гӯша ташкил гардидааст

Май 30, 2025 09:08

ДУШАНБЕ, 30.05.2025 /АМИТ«Ховар»/. Дар доираи Конфронси байналмилалии сатҳи баланд оид ба ҳифзи пиряхҳо дар «Кохи Сомон» зиёда аз 20 гӯша ташкил гардидааст, ки дар онҳо тавассути технологияи муосир иқтидори обию сайёҳии Тоҷикистон, манзараҳои дилфиреби он ва иншооти бузурги гидроэнергетикии Тоҷикистон намоиш дода мешаванд, иттилоъ медиҳад хабарнигори АМИТ «Ховар».

Дар намоишгоҳҳо инчунин ҳамаи ҷонибҳои манфиатдор, аз ҷумла агентиҳои Созмони Милали Муттаҳид, созмонҳои байналмилалӣ, миллии ҳукуматӣ ва ғайриҳукуматӣ, институтҳои молиявӣ, академияҳо, бахши хусусӣ ва созмонҳои ҷомеаи шаҳрвандӣ иштирок доранд.

Дар ин гӯшаҳо, ки тавассути технологияҳои муосир ва бо истифода аз зеҳни сунъӣ ташкил шудаанд, масъалаҳои ҳамкорӣ дар соҳаи ҳифзи пиряхҳо дар сатҳи минтақавӣ ва байналмилалӣ, таъсири тағйирёбии иқлим ба захираҳои об, идоракунии ҳамгироёнаи захираҳои об, пешгирӣ ва идоракунии офатҳои марбут ба об, рушди гидроэнергетика ҳамчун манбаи аз ҷиҳати экологӣ тоза ва барқароршавандаи энергия ва амалӣ намудани технологияҳои сарфакунандаи об нишон дода мешавад.

Меҳмонон зимни тамошои манзараҳои ҷолибу дилфиреб ва нотакрори Тоҷикистон, аз ҷумла кӯҳҳои сарбафалаккашидаи Помир, Зарафшон, Ҳисор, кӯли Сарез, дарёи Сиёма, неругоҳҳои барқи обии «Роғун», «Норак» ва олами бойи набототу ҳайвонот, ки тавассути барнома пешниҳод гардиданд, ба ваҷд омада, мафтуни манзараҳои нотакрори Тоҷикистон шуданд.

Ёдовар мешавем, ки зимни ифтитоҳи конфронс, ки дар «Кохи Сомон» баргузор мешавад, сарони ҳайатҳои давлатҳои хориҷӣ суханронӣ намуда, пас аз он конфронс дар шакли иҷлосияҳои мавзуӣ, муҳокимаҳои панелӣ ва «мизҳои мудаввар» идома меёбад.

Дастгирии иттилоотии баргузории чорабинӣ аз ҷониби беш аз 500 намояндаи воситаҳои ахбори омма, аз ҷумла зиёда аз 150 намояндаи расонаҳои маъруфи хориҷӣ, аз қабили «Ал-Ҷазира», «Euronews», «TRT-Avaaz», «France-Presse», «ИТАР-ТАСС» ва дигарон таъмин карда мешавад. Барои фаъолияти онҳо дар «Кохи Сомон» маркази муосири матбуотии муҷаҳҳаз бо тамоми таҷҳизоти зарурӣ ва интернети баландсуръат ташкил карда шудааст.

    Зарангези ЛАТИФ,
Тоҳири САИД (АКС),
АМИТ «Ховар»

Май 30, 2025 09:08

Хабарҳои дигари ин бахш

МЕҲРГОН ЯКЕ АЗ ИДҲОИ БОСТОНИИ МИЛЛАТ. Иқтибосҳо аз суханрониҳои Президенти Тоҷикистон оид ба аҳамияти ин ҷашн
Ҳайати Тоҷикистон дар ҷаласаҳои гурӯҳи кишварҳои аъзои Хазинаи байналмилалии асъор ва Гурӯҳи Бонки ҷаҳонӣ иштирок намуд
Лоиҳаи бунёди хатти баландшиддати интиқоли барқи сабзи КАСА – 1000 дар қисмати Тоҷикистон, Қирғизистон ва Покистон ба анҷом расидааст
Дар Хатлон ҳаҷми истеҳсоли маҳсулоти саноатӣ беш аз 7 фоиз зиёд гардидаст
Тоҷикистон ва Узбекистон дар самтҳои рушди ҳукумати электронӣ, таҳияи платформаҳо ва ҳамгироии рақамӣ ба мувофиқа расиданд
Ҳамкории Тоҷикистон бо ширкатҳои амрикоӣ дар соҳаи инноватсия ва технологияҳои рақамӣ вусъат меёбад
Тоҷикистон ҷонибдори рушди ҳамкории байниминтақавӣ дар соҳаи захираҳои гидроэнергетикӣ аст
Сертификатсияи стандартҳои ESG барои кормандони Вазорати молия бо намояндаи Nasdaq баррасӣ гардид
Дурнамои таҳкими ҳамкории дуҷониба байни Тоҷикистон ва Русия дар соҳаҳои энергетика ва нафту газ баррасӣ шуд
Дар Душанбе масоили технологияҳои молиявӣ ва навовариҳо ҳамчун муҳаррики сармоягузорӣ баррасӣ гардид
Афзалияти стратегии Тоҷикистон дар самтҳои идоракунии устувори молияи давлатӣ, молияи «сабз» ва иқлим дар Амрико баррасӣ гардид
Ҳайати Тоҷикистон дар ҷаласаи пленарии VIII Форуми байналмилалии «Ҳафтаи энергетикии Русия» иштирок намуд