Дар Душанбе ҷаласаи 9-уми Шурои машваратии Соли байналмилалии ҳифзи пиряхҳо баргузор гардид
ДУШАНБЕ, 28.05.2025/АМИТ «Ховар»/. Дар шаҳри Душанбе ҷаласаи 9-уми Шурои машваратии Соли байналмилалии ҳифзи пиряхҳо 2025 дар шакли гибридӣ — онлайн баргузор гардид, иттилоъ медиҳад АМИТ «Ховар» бо истинод ба Кумитаи ҳифзи муҳити зисти назди Ҳукумати Ҷумҳурии Тоҷикистон.
Дар он коршиносони фаъоли байналмилалӣ, намояндагони муассисаҳои илмӣ ва сохторҳои давлатӣ иштирок ва барои пешбурди ташаббусҳо ҷиҳати ҳифзи пиряхҳо ва мубориза бо тағйирёбии иқлим неруҳоро муттаҳид намуданд.
Мавзуи асосии ҷаласа арзёбии натиҷаҳои бадастомада дар доираи Соли байналмилалии ҳифзи пиряхҳо 2025, бознигарии ҳадафҳои стратегӣ то охири соли равон ва омодагӣ ба иштирок дар чорабиниҳои муҳими байналмилалӣ, аз ҷумла Конфронси тарафҳои чаҳорчӯбаи Конвенсияи Созмони Милали Муттаҳид оид ба тағйирёбии иқлим (COP-30) буд.
Зимни ифтитоҳи ҷаласа Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода доир ба нақши муҳими Тоҷикистон дар ташаббуси ҷаҳонӣ оид ба ҳифзи пиряхҳо сухан намуд.
Дар ҷаласа ба масъалаи нуфузи сиёсии натиҷаҳои Соли байналмилалии ҳифзи пиряхҳо 2025 дар сатҳи байналмилалӣ таваҷҷуҳи махсус зоҳир карда шуд. Мубоҳисаҳо оид ба ворид кардани паёмҳои калидӣ ба рӯзномаи чорабиниҳо, аз ҷумла дар ҷаласаи 62-юми ёрирасон дар чаҳорчӯбаи Конвенсияи иқлимии Созмони Милали Муттаҳид, ки баргузории он моҳи июни 2025 дар шаҳри Бонн дар назар аст, Конфронси байналмилалии кӯҳӣ дар Инсбрук, сентябри 2025 ва Ҳафтаи ҷаҳонии захираҳои об, шаҳри Стокҳолм, августи 2025 баргузор мегарданд. Дар доираи ин чорабиниҳо рӯзномаи махсус таҳти унвони «Пиряхҳо ва об» бо иштироки сарони давлатҳо ва ҳукуматҳо доир мешавад. Инчунин фаъолияти эҳтимолӣ дар доираи Ҳафтаи иқлимии Маҷмаи Умумии Созмони Милали Муттаҳид дар Ню-Йорк, COP-30 дар Бразилия, Саммити G20 дар Йоҳаннесбург ва Форуми ҷаҳонии иқтисодӣ дар Давос моҳи январи соли 2026 дар назар дошта шудаанд.
Дар анҷом иштирокдорон бо нақшаҳо оид ба баргузории чорабинии хотимавии Соли байналмилалии ҳифзи пиряхҳо, ки моҳи марти соли 2026 пешбинӣ шудааст, шинос гардиданд. Ин чорабинӣ натиҷагирии Соли байналмилалии ҳифзи пиряхҳоро дар бар гирифта, минбаре барои муттаҳидсозии минбаъдаи кӯшишҳо дар соҳаи ҳифзи пиряхҳо хоҳад буд.
Дар қисмати хотимавии ҳамоиш бахшида ба Соли байналмилалии ҳифзи пиряхҳо 2025 Шурои машваратӣ садоқати худро нисбат ба истифодаи илм, дипломатия ва ҳамкории байналмилалӣ барои нигоҳ доштани масъалаи ҳифзи пиряхҳо дар маркази рӯзномаи иқлимии ҷаҳонӣ бори дигар таъкид намуд.
АКС: Кумитаи ҳифзи муҳити зисти назди Ҳукумати Ҷумҳурии Тоҷикистон
Дар шаҳри Гулистон Форуми сеюми ҷавонони ҳавзаи дарёи Сир баргузор гардид
Рушди ҳамкории Тоҷикистон ва Бонки ҷаҳонӣ дар доираи Стратегияи нави шарикӣ баррасӣ карда шуд
Валиаҳди Шоҳигарии Негери-Сембилани Малайзия: «Таваҷҷуҳи Роҳбарияти олии Тоҷикистон ба татбиқи лоиҳаи НБО-и «Роғун» шоистаи таҳсин аст»
Татбиқи лоиҳаҳои муштарак дар самтҳои афзалиятноки Тоҷикистон бо Корпоратсияи байналмилалии молиявӣ баррасӣ шуд
Тоҷикистон ва Ҷопон ҳамкориро дар самти рушди энергетикаи «сабз» густариш медиҳанд
«ДУШАНБЕ ИНВЕСТ-2025». Соҳибкор аз Аморати Муттаҳиддаи Араб Марям Алшинасӣ: «Тоҷикон воқеан мардуми меҳмоннавоз, самимӣ ва дорои таъриху фарҳанги қадимӣ мебошанд»
Сулаймон Зиёзода дар Муколамаи Рим оид ба масъалаҳои об-2025 мавқеи Тоҷикистонро дар самти истифодаи устувори захираҳои об таъкид намуд
Ҳайати Тоҷикистон бо муовини директори иҷроияи Хазинаи байналмилалии асъор вохӯрӣ намуд
«ДУШАНБЕ ИНВЕСТ-2025». Байни Вазорати энергетика ва захираҳои оби Тоҷикистон ва ширкатҳои ватанию хориҷӣ се протокол ва ду ёддошти тафоҳум ба имзо расид
Ҳамкории Тоҷикистон ва Гурӯҳи Бонки исломии рушд дар пешбурди лоиҳаҳои стратегӣ дар Амрико баррасӣ гардид
Дар Тоҷикистон беш аз 184 ҳазор хоҷагии деҳқонӣ фаъолият менамоянд
«ДУШАНБЕ ИНВЕСТ-2025». Дар маҷмуъ 52 санад ба маблағи беш аз 4 миллиард доллар ба имзо расид
