Дар Эрон дастовардҳои Тоҷикистон дар самти ҳифзи ҳуқуқу озодиҳои инсон муаррифӣ карда шуданд
ДУШАНБЕ, 19.05.2025. /АМИТ «Ховар»/. 13-14 май дар шаҳри Теҳрони Ҷумҳурии Исломии Эрон иҷлосияи чоруми омбудсменҳои давлатҳои аъзои Созмони ҳамкории исломӣ доир гардид, ки дар он Ваколатдор оид ба ҳуқуқи инсон дар Ҷумҳурии Тоҷикистон Умед Бобозода иштирок ва суханронӣ намуд. Дар ин хусус ба АМИТ «Ховар» аз хадамоти матбуоти мақомоти Ваколатдор хабар доданд.
14 май Ваколатдор оид ба ҳуқуқи инсон дар Ҷумҳурии Тоҷикистон Умед Бобозода дар мавзуи «Ҷанбаҳои муҳимми фаъолияти Омбудсмени Тоҷикистон дар соҳаи ҳифзи ҳуқуқи инсон» сухан намуда, оид ба дастовардҳои Ҷумҳурии Тоҷикистон дар самти ҳифзи ҳуқуқу озодиҳои инсон ва шаҳрванд ибрози андеша намуд.
Умед Бобозода доир ба фаъолияти Ваколатдор оид ба ҳуқуқи инсон дар Ҷумҳурии Тоҷикистон ва вазифаҳои ин мақомот дар самти ҳифзи ҳуқуқу озодиҳои инсон ва шаҳрванд маълумоти муфассал дода, гуфт, ки “мо бояд аз ҳарвақта бештар муттаҳид бошем ва усулу равишҳои нави ҳимояи ҳуқуқи инсонро пайдо намоем”.
Ваколатдор оид ба ҳуқуқи инсон зимни сафар ба шаҳри Теҳрон бо Раиси Маҷмаи омбудсменҳои кишварҳои аъзои Созмони ҳамкории исломӣ, Раиси Омбудсмени Туркия Мехмед Акарҷа, ноиби раиси Маҷмаи омбудсменҳои кишварҳои аъзои Созмони ҳамкории исломӣ, раиси Бозрасии кулли Ҷумҳурии Исломии Эрон доктор Забиҳуллоҳ Худоиён ва дигар шахсони воломақоми ин ниҳоди бонуфуз мулоқот намуд.
Густариши равобити ваколатдорони ҳуқуқи инсон байни кишварҳои исломӣ, ҳамкории байналмилалӣ дар роҳи адолат, сулҳ ва дифоъ аз ҳуқуқи инсон, табодули таҷриба, густариши ҳамкорӣ дар самти ҳифзи ҳуқуқу озодиҳои инсон ва шаҳрванд аз мавзуъҳои меҳварии вохӯриҳо буданд.
Бояд гуфт, ки Ҷумҳурии Тоҷикистон аъзои Созмони ҳамкории исломӣ мебошад. Бинобар ин, аз Ваколатдор оид ба ҳуқуқи инсон дар Ҷумҳурии Тоҷикистон даъват ба амал оварда шуд, ки ҳарчи зудтар аъзои Маҷмаи омбудсменҳои кишварҳои аъзои Созмони ҳамкории исломӣ гардем.
Умед Бобозода иброз намуд, ки масъалаи дохил гардидани Тоҷикистон ба Маҷмаи омбудсменҳои Созмони ҳамкории исломӣ ҳоло дар баррасии ниҳодҳои дахлдори Ҷумҳурии Тоҷикистон қарор дорад ва изҳори умедворӣ кард, ки ин масъала ҳалли худро меёбад.
АКС: Ваколатдор оид ба ҳуқуқи инсон дар Ҷумҳурии Тоҷикистон
Дар Тоҷикистон ҷарроҳии мураккаби мағзи сар гузаронида шуд
Дурнамои рушди соҳаи таҳсилоти ибтидоӣ ва миёнаи касбӣ дар Тоҷикистон бо намояндагони Ассотсиатсияи кумак ва ёрии Ҷопон баррасӣ гардид
Ҳайати ҳокимияти судии Тоҷикистон дар Женева дар форуми байналмилалӣ иштирок намуд
«СОЛИМИИ ЗАН — СОЛИМИИ МИЛЛАТ». Дар шаҳри Гулистон беш аз 200 нафар занон бо муоинаи ройгон фаро гирифта шуданд
Дар Душанбе оид ба таҳкими ҳамкории минтақавӣ дар самти коҳиши хавфи офатҳо вохӯрӣ доир шуд
Маркази тадқиқоти стратегии Тоҷикистон бо Институти осиёии дипломатия ва муносибатҳои байналмилалии Непал Ёддошти тафоҳум ба имзо расонид
Муовини Сарвазири Тоҷикистон дар Конфронси минтақавии сатҳи баланд вобаста ба пешгирии зӯроварӣ нисбат ба кӯдакон иштирок намуд
Густариши ҳамкорӣ дар самти татбиқи системаҳои рақамӣ дар раванди таълим бо намояндагони Бунёди аврупоии маориф баррасӣ шуд
Дар муассисаҳои кумаки аввалини тиббию санитарии Тоҷикистон шакли намунавӣ амалӣ мегардад
ИМРӮЗ — РӮЗИ БАЙНАЛМИЛАЛИИ ЗАНОНИ ДЕҲОТ. Фаъолияти Раҳима Салимова дар деҳа намунаи ибрат аст
Маркази тадқиқоти стратегии Тоҷикистон ва Гурӯҳи муассисаҳои MERI-и Ҳиндустон ҳамкориро тақвият мебахшанд
РӮЗИ ҶАҲОНИИ КОҲИШИ ХАТАРИ ОФАТҲОИ ТАБИӢ. Барои пешгирӣ аз пайомадҳои офатҳои табиӣ шаҳрвандон низ бояд масъулиятшинос бошанд.
