Директори иҷроияи Бунёди иқлими сабз пешсафии афзояндаи Тоҷикистонро дар ҳалли мушкилоти глобалии иқлим ва ҳифзи пиряхҳо ситоиш намуд
ДУШАНБЕ, 30.05.2025 /АМИТ «Ховар»/. 30 май Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон директори иҷроияи Бунёди иқлими сабз Мафалда Дуартеро, ки барои иштирок дар нахустин Конфронси байналмилалии сатҳи баланд оид ба ҳифзи пиряхҳо ба шаҳри Душанбе ташриф овардааст, ба ҳузур пазируфтанд.
Баъди анҷоми мулоқот Мафалда Дуарте аз пешсафии афзояндаи Ҷумҳурии Тоҷикистон дар самти ҳалли мушкилоти глобалии иқлим ва ҳифзи пиряхҳо ситоиш намуд.
Мафалда Дуарте чунин гуфт: «Мехоҳам ба Президенти Ҷумҳурии Тоҷикистон муҳтарам Эмомалӣ Раҳмон барои истиқболи гарму самимӣ ва иродаи қавӣ барои ҳалли мушкилоти тағйироти иқлим арзи сипос намоям. Маҳз таҳти роҳбарии Президенти Тоҷикистон ҷомеаи ҷаҳонӣ Соли байналмилалии ҳифзи пиряхҳоро эътироф мекунад ва 21 мартро чун Рӯзи ҷаҳонии пиряхҳо таҷлил менамояд. Ин қадамҳои таърихӣ мебошанд, ки нақши муҳими Тоҷикистонро дар ҷалби таваҷҷуҳ ба зарурати фаврии ҳифзи пиряхҳо на танҳо барои Тоҷикистон, балки барои миллиардҳо нафар дар саросари ҷаҳон нишон медиҳанд».
Директори иҷроияи Бунёди иқлими сабз таъкид намуд, ки пиряхҳо манбаи муҳими оби тоза ва энергия, бахусус дар Осиёи Марказӣ мебошанд. Беш аз ду миллиард нафар дар саросари ҷаҳон барои оби ошомиданӣ, кишоварзӣ ва барқи обӣ ба пиряхҳо такя менамоянд.
«Тоҷикистон аллакай бо талафоти зиёди пиряхҳо рӯбарӯ шудааст ва мо бояд барои пешгирии таназзули минбаъда дастҷамъона амал намоем», — афзуд ӯ ва илова кард, ки «мо аз Президенти Ҷумҳурии Тоҷикистон Эмомалӣ Раҳмон ва Ҳукумати мамлакат барои садои ташаббускору ҷасурона ва эҳсоси зарурати фаврӣ дар арсаи ҷаҳонии иқлим ситоиш менамоем».
Мафалда Дуарте ҳамчунин дастовардҳои манбаъҳои барқароршавандаи неруи барқи Тоҷикистон ва нақши содироти неруи тозаи барқро ба минтақаҳои ҳамсоя ҳамчун намунаи рушди устувор таъкид кард. Вай омодагии Бунёди иқлими сабзро барои таҳкими ҳамкорӣ бо Тоҷикистон дар самти иқлим, барқарорсозии ҷангал ва талошҳои мутобиқшавӣ изҳор дошт.
«Президенти Тоҷикистон муҳтарам Эмомалӣ Раҳмон ба таври возеҳ дарк менамоянд, ки ҳифзи пиряхҳо маънои дар зери 1,5°С нигоҳ доштани гармшавии глобалӣ мебошад. Ин гуна назар ва роҳбарии пешсаф маҳз ҳамон чизест, ки ҳоло ҷаҳон ба он ниёз дорад», — гуфт ӯ.
Бунёди иқлими сабз умедвор аст, ки шарикии худро бо Тоҷикистон барои дастгирии устувории дарозмуддати иқлим ва рушди устувори иқтисодӣ густариш диҳад.
АКС: АМИТ «Ховар»
Дар Донишгоҳи давлатии Хоруғ оид ба тағйирёбии иқлим ва пешгирии обшавии пиряхҳо ҳамоиши илмӣ доир гардид
Сулаймон Зиёзода дар Муколамаи Рим оид ба масъалаҳои об-2025 мавқеи Тоҷикистонро дар самти истифодаи устувори захираҳои об таъкид намуд
Тоҷикистон барои рушди устувор ва иқтисоди «сабз» бо Комиссияи иқтисодии СММ ҳамкорӣ менамояд
Соли 2028 дар Тоҷикистон Конфронси Созмони Милали Муттаҳид оид ба захираҳои об баргузор мешавад
Тоҷикистон дар таҳкими ҳамкории сиёсӣ, иқтисодӣ ва башардӯстона дар доираи ИДМ саҳми назаррас дорад
Аҳмад ибни Муҳаммад Ас-Сайид: «Робитаҳои иқтисодии Тоҷикистону Қатар муҳим арзёбӣ мегарданд»
Қоҳир Расулзода бо Валиаҳди Салтанати Негери Сембилани Малайзия Шоҳзода Тунку Алӣ Ризауддин ибни Муҳри мулоқот намуд
Холид Ал-Фолеҳ: «Арабистони Саудӣ дар Тоҷикистон беш аз 14 лоиҳаро тавассути Фонди саудии рушд амалӣ намудааст»
Намояндаи Тоҷикистон дар Форум оид ба сиёсати бетарафӣ, зеҳни сунъӣ (AI) ва ояндаи рақамӣ иштирок намуд
Сафири Тоҷикистон дар Конгресси ҷаҳонӣ оид ба ҳифзи табиат дар Абу Забӣ иштирок намуд
Сироҷиддини Муҳриддин: «Музокироти сарони кишварҳои ИДМ дар фазои созандаю самарабахш ва корӣ баргузор шуд»
Сергей Лебедев аз нав Дабири кулли Иттиҳоди Давлатҳои Мустақил таъйин гардид
