Намояндагони Кумитаи андози Тоҷикистон дар ҷаласаи машваратӣ дар Пекин иштирок намуданд
ДУШАНБЕ, 01.05.2025 /АМИТ «Ховар»/. 24-26 апрел намояндагони Кумитаи андози назди Ҳукумати Ҷумҳурии Тоҷикистон дар шаҳри Пекини Ҷумҳурии Мардумии Чин дар ҷаласаи машваратии соҳавӣ иштирок намуданд.
Тавре АМИТ «Ховар» бо истинод ба Кумитаи андоз хабар медиҳад, ки ҷаласаи машваратӣ ҷиҳати омодагии сатҳи баланд ба баргузории Форуми роҳбарони мақомоти андози Механизми ҳамкорӣ дар соҳаи андоз дар доираи ташаббуси «Як камарбанд-як роҳ» (BRITACOM- BRITACOF) баргузор гардид.
Дар ҷаласаи машваратӣ масъалаҳои ташкили фаъолияти гурӯҳҳои кории Нақшаи амал барои солҳои 2025-2027, омодагӣ ба Форуми 6-уми роҳбарони мақомоти андози Механизми ҳамкорӣ дар соҳаи андоз дар доираи ташаббуси “Як камарбанд-як роҳ” ва таҳияи нақшаи кори инноватсионӣ барои панҷ соли оянда муҳокима шуданд. Аз рӯйи натиҷаи он қарорҳои дахлдор, аз ҷумла барномаи кории Форуми навбатӣ тасдиқ карда шуд, ки моҳи сентябри соли 2025 дар Непал баргузор мегардад.
Муовини якуми Раиси Кумитаи андози назди Ҳукумати Ҷумҳурии Тоҷикистон Аюбҷон Солеҳзода дар ҷаласа оид ба рушди маъмурикунонии андоз ва рақамикунонии соҳа дар Ҷумҳурии Тоҷикистон маъруза намуд.
Инчунин дар ҳошияи ҷаласаи машваратӣ вохӯрии Аюбҷон Солеҳзода бо муовини Комиссари маъмурияти давлатии андози Ҷумҳурии Мардумии Чин Ванг Даошу баргузор шуд. Дар вохӯрӣ оид ба нақши сармоягузории Чин дар иқтисодиёти Тоҷикистон ва ҳамкории Кумитаи андоз бо мақомоти андози Чин табодули афкор карда шуд
АКС: Кумитаи андози назди Ҳукумати Ҷумҳурии Тоҷикистон
Агентии «Тоҷикстандарт»: «Ҳангоми хариди моеи зиддисардӣ — антифриз аз фурӯшанда сертификати мутобиқат талаб намоед!»
Ҳаҷми истеҳсоли маҳсулоти кишоварзии ноҳияи Мастчоҳ соли 2025 ба беш аз 1,6 миллиард сомонӣ расид
Бахшида ба Рӯзи таъсиси мақомоти гумрук дар Душанбе маҷлиси тантанавӣ баргузор гардид
Ширкати «ACWA Power» дар доираи татбиқи тарҳи энергетикӣ дар Тоҷикистон неругоҳи офтобӣ месозад
22 ЯНВАР — РӮЗИ КОРМАНДОНИ МАҚОМОТИ ГУМРУК. Таъмини амнияти иқтисодии Тоҷикистон рисолати асосии ин мақомот аст
Дар Форуми иқтисодии СПЕКА нишондиҳандаҳои гардиши савдои хориҷии Тоҷикистон муаррифӣ карда шуд
Ҳамкории Тоҷикистон ва Бонки аврупоии сармоягузорӣ дар соҳаи гидроэнергетика тақвият меёбад
Дар «Тоҷикаэронавигатсия» масъалаи муқовимат ба коррупсия баррасӣ карда шуд
Барои татбиқи лоиҳа оид ба ҷорӣ намудани нақлиёти ҷамъиятии барқӣ дар Хатлон созишномаҳои қарзӣ ва грантӣ ба имзо расиданд
Дурнамои ҳамкории иқтисодӣ ва афзоиши гардиши савдои Тоҷикистон ва Британияи Кабир баррасӣ гардид
Дар Минтақаи озоди иқтисодии «Данғара» татбиқи лоиҳаҳои нави сармоягузорӣ бо сармоягузорони Чин баррасӣ гардид
Ҳайати Тоҷикистон дар намоишгоҳи «Ҳафтаи байналмилалии сабз» дар шаҳри Берлини Олмон иштирок дорад
