Нигина Анварӣ: «Тағйирёбии иқлим боиси коҳиши заминҳои ҳосилхез ва паст шудани маҳсулнокии зироат мегардад»
ДУШАНБЕ, 29.05.025. /АМИТ «Ховар»/. Соҳаи кишоварзӣ дар иқтисоди ҷумҳурӣ нақши калидӣ дорад – он чоряки ҳиссаи Маҷмуи маҳсулоти дохилиро ташкил менамояд. Тағйирёбии иқлим боиси коҳиши заминҳои ҳосилхез, таназзули хок ва паст шудани маҳсулнокии зироат мегардад. Яъне, бориши борон кам шуда, он ба баланд шудани ҳарорати миёнаи солона, паҳншавии зараррасонҳо ва бемориҳои растаниҳо мусоидат менамояд. Ин матлабро имрӯз зимни Форуми кишоварзӣ дар замони талафоти (обшавии) пиряхҳо: мубориза бо хушксолӣ, обхезӣ тавассути истихроҷи карбон ва устуворӣ дар минтақаҳои вобаста ба пиряхҳо муовини Вазири кишоварзии Ҷумҳурии Тоҷикистон Нигина Анварӣ баён намуд.
Нигина Анварӣ иброз дошт, ки «имрӯз мо ҷамъ омадаем, то яке аз муҳимтарин мушкилоти замони муосир–таъсири обшавии пиряхҳо ба амнияти озуқаворӣ ва таҳияи стратегияҳои самараноки мубориза бо хушксолӣ ва обхезиҳоро баррасӣ намоем. Муҳим он аст, ки на танҳо таъсири манфии онро коҳиш диҳем, балки равишҳои инноватсиониро низ амалӣ намоем».
Нигина Анварӣ афзуд, ки тақрибан 6 фоизи қаламрави мамлакат бо пиряхҳо пӯшида шудааст. Ин тағйирот метавонад ба захираҳои обӣ, гуногунии биологӣ ва шароити зиндагии аҳолӣ таъсири амиқ гузорад. «Обшавии пиряхҳо низоми гидрологии мамлакатро тағйир дода, хатари хушксолӣ ва обхезиро афзоиш медиҳад, ки ин ҳолат татбиқи фаврии тадбирҳои мутобиқсозиро талаб менамояд»,-гуфт ӯ.
Иброз гардид, ки бо ақибнишинии пиряхҳо ва коҳиши қабати барф интизор меравад, ки дастрасии об боз ҳам мушкилтар гардад ва рақобат барои захираҳои об афзоиш ёбад. Ин метавонад ба ҷомеаҳое, ки ба оби пиряхҳо вобастагӣ доранд, таъсир расонад.
«Тағйирёбии иқлим ин осебпазириро боз ҳам шадидтар мегардонад: тағйирёбии суръати обшавии пиряхҳо ва барф ба вақт ва ҳаҷми маҷрои об таъсир расонида, дастрасии обро барои кишоварзӣ ҳам дар баландкӯҳҳо ва ҳам пастиҳо коҳиш медиҳад», — иброз намуд Нигина Анварӣ.
Фирӯза ДАВЛАТЗОДА,
АМИТ «Ховар»
АКС: АМИТ «Ховар»
Дар Душанбе хатари офатҳои табиии марбут ба пиряхҳоро баррасӣ намуданд
Дар доираи Конфронси байналмилалии сатҳи баланд оид ба ҳифзи пиряхҳо масоили об ва иқлим баррасӣ гардид
Дар Душанбе доир ба маблағгузорӣ барои мутобиқшавӣ, коҳиш ва ҷуброни талафоти вобаста ба пиряхҳо ҳамоиш доир шуд
КОНФРОНСИ БАЙНАЛМИЛАЛИИ САТҲИ БАЛАНД ОИД БА ҲИФЗИ ПИРЯХҲО. Обшавии босуръати пиряхҳо дар Арктика ва Антарктида боиси ноустувории қабатҳои ях мегардад
Дар доираи Конфронси байналмилалии сатҳи баланд оид ба ҳифзи пиряхҳо бо иштироки Сарвазири Тоҷикистон ҷаласаи пленарӣ доир шуд
Лоиқ Раҳмонзода: «Яке аз хатарноктарин пайомадҳо афзоиши шумораи рахнашавии кӯлҳои пиряхӣ мебошад»
Директори Агентии обуҳавошиносӣ: «Конфронси имрӯза заминаи боэътимод дар самти ҳифзи пиряхҳо дар минтақа мегардад»
Амина Муҳаммад аз давлатҳои ҷаҳон дар самти ҳалли масоили марбут ба ҳифзи пиряхҳои сайёраи Замин даъвати оҷилӣ намуд
Кэтрин Рассел: «Бо ташаббусҳои арзишманди ҷаҳонии Президенти Тоҷикистон мо метавонем ба ҳадафҳои назаррас ноил гардем»
Конфронси байналмилалии сатҳи баланд оид ба ҳифзи пиряҳоро гурӯҳи калони хабарнигорони расонаҳои Эрон инъикос менамояд
Президенти Тоҷикистон: «Хокборишҳои шадиди чанд даҳсолаи охир ба раванди обшавии пиряхҳо суръат мебахшанд»
«ПИРЯХҲО ВА ИЛМ». Чорабиние, ки олимону муҳаққиқонро барои ҳалли мушкилоти вобаста ба ҳифзи пиряхҳо ҷамъ овард
