Озмоишгоҳҳои низоми иттилоотии пиряхҳои Тоҷикистон ва сифати об, санитария ва изотопҳо ба истифода дода шуд
ДУШАНБЕ, 26.05.2025 /АМИТ «Ховар»/. Имрӯз дар Маркази омӯзиши пиряхҳои Академияи миллии илмҳои Тоҷикистон Озмоишгоҳи низоми иттилоотии пиряхҳои Тоҷикистон ба истифода дода шуд, хабар доданд ба АМИТ «Ховар» аз Академияи миллии илмҳои Тоҷикистон.
Озмоишгоҳ бо истифода аз аксҳои моҳвораии сифати баланд ва дақиқияти боло пиряхҳоро таҳқиқ намуда, масоҳати онҳоро дар давраи интихобшуда барои ҳар ҳавзаи пиряхӣ муайян менамояд. Сипас аз рӯи муқоисаи маълумоти сарфи об ва маълумоти метеорологии бориш ва ҳарорат равандҳои ташаккулёбӣ ва таназзулёбии пиряхҳо муайян карда мешаванд.
Ҳамчунин дар озмоишгоҳ равандҳои динамикии пиряхҳои Тоҷикистон ва кӯлҳои пиряхӣ таҳқиқ шуда, моделронии ташаккулёбии минбаъдаи онҳо амалӣ мешавад. Ҳамзамон барои дақиқ муайян намудани равандҳои криосфера бо истифода аз дастгоҳҳои худпарвози бесарнишин ва таҳқиқоти саҳроӣ чорабиниҳои илмӣ-таҳқиқотӣ гузаронида мешаванд.
Инчунин дар Маркази омӯзиши пиряхҳо Озмоишгоҳи сифати об, санитария ва изотопҳо ба истифода дода шуд. Яке аз усулҳои дақиқ ва муосири омӯзиши пиряхҳо ва ҳифзи захираҳои обӣ дар озмоишгоҳ истифодаи таҳлили устувори изотопӣ бо истифода аз дастгоҳи лазерии PICARRO мебошад. Бо дастгирии Агентии байналмилалии неруи атомӣ озмоишгоҳ бо ин дастгоҳ, ки он яке аз дастгоҳи гаронарзиш ва нодир ба ҳисоб меравад, таъмин гардид.
АКС: Академияи миллии илмҳои Тоҷикистон
Ҳаракати фарҳангии «Корвони китоб» дар минтақаи Кӯлоб идома дорад
Дар Донишкадаи давлатии фарҳанг ва санъат оид ба нақши фарҳангу санъат дар муносибатҳои байналмилалӣ ҳамоиш баргузор гардид
Ҷилди панҷуми китоби «Таърихи халқи тоҷик» рунамоӣ гардид
Сафири Тоҷикистон дар Ҳамоиши байналмилалии «Ҳафтаи оби Қоҳира-2026» иштирок намуд
«ТОҶИКИСТОН-ВАТАНИ АЗИЗИ МАН». Дар ҳашт сол шумораи иштирокчиёни озмун ба беш аз 33 ҳазор нафар расидааст
Намояндаи Тоҷикистон ба ҳайси раиси Мақомоти ёрирасон ҷиҳати татбиқи Конвенсияи СММ оид ба гуногунии биологӣ интихоб гардид
Моҳи майи соли 2027 Душанбе мизбони Конфронси байналмилалии сатҳи баланд бахшида ба оғози Даҳсолаи байналмилалии таҳкими сулҳ мегардад
Доир ба таъриху фарҳанги Кӯшониён конфронси ҷумҳуриявӣ баргузор шуд
Оид ба тадқиқоти пиряхҳо ва раванди гузаронидани корҳои экспедитсионӣ машварати илмӣ-назариявӣ доир гардид
Маросими ҷоизасупории даври ниҳоии Озмуни ҷумҳуриявии «Илм — фурӯғи маърифат» оғоз гардид
«КОРВОНИ КИТОБ-2026». Беш аз 6 ҳазор нусха китоб ба шаҳру ноҳияҳои минтақаи Кӯлоб ройгон тақдим мегардад
Дар мавзуи «Шинохти Мавлоно дар ҷаҳони муосир» ҳамоиши илмӣ доир шуд
