Сардорони мақомоти гумруки Тоҷикистон ва Эрон таҳкими ҳамкории гумрукиро баррасӣ намуданд
ДУШАНБЕ, 28.05.2025 /АМИТ «Ховар»/. Масъалаҳои мубрами рушди ҳамкории дуҷонибаи гумрукӣ байни Тоҷикистон ва Эрон дар мулоқоти Сардори Хадамоти гумруки назди Ҳукумати Ҷумҳурии Тоҷикистон Хуршед Каримзода ва Сардори мақомоти гумруки Ҷумҳурии Исломии Эрон Форуд Асғарӣ дар Теҳрон дар ҳошияи ҷаласаи 10-уми Шурои роҳбарони мақомоти гумруки кишварҳои аъзои Созмони ҳамкории иқтисодӣ баррасӣ гардид.
АМИТ «Ховар» бо истинод ба Хадамоти гумруки назди Ҳукумати Ҷумҳурии Тоҷикистон иттилоъ медиҳад, ки Хуршед Каримзода нақши муҳими Созмони ҳамкории иқтисодиро дар таҳкими ҳамкории минтақавӣ, бахусус дар соҳаҳои гумрук, тиҷорат ва нақлиёт муҳим арзёбӣ намуд.
Ҷонибҳо аҳамияти махсуси ҳамоҳангсозии маълумоти оморӣ, рақамикунонии расмиёти гумрукӣ ва мубориза бо қочоқро таъкид намуданд.
Ҷумҳурии Тоҷикистон омодагии худро барои такмили Протокол дар бораи мубодилаи иттилооти гумрукӣ ва рушди ҳамкории техникӣ бо Ҷумҳурии Исломии Эрон баён намуд.
Форуд Асғарӣ изҳор намуд, ки ҷониби Эрон омода аст мушкилоти мавҷударо ҳамаҷониба баррасӣ намуда, роҳи ҳалли онҳоро дар муҳлатҳои кӯтоҳ муайян намояд.
Ҷонибҳо итминон доранд, ки ин мулоқот ба таҳкими робитаҳои гумрукӣ ва рушди минбаъдаи муносибатҳои иқтисодию тиҷоратӣ байни Тоҷикистон ва Эрон мусоидат менамояд.
АКС: Хадамоти гумруки назди Ҳукумати Ҷумҳурии Тоҷикистон
СИЁСАТИ «ОСМОНИ КУШОД». Рушди авиатсияи гражданӣ зери таваҷҷуҳи доимии Президенти Тоҷикистон қарор дорад
Қатъномаи нави минтақавӣ оид ба муқовимат ба коррупсия бо иштироки Тоҷикистон қабул гардид
Агентии «Тоҷикстандарт : «380 тонна молу маҳсулоти муҳлати истеъмолаш гузашта ва ғайристандартӣ нобуд карда шуд»
Дар Токио Форуми тиҷоратии «Тоҷикистон – Ҷопон» баргузор шуд
Дар Вазорати рушди иқтисод ва савдои Тоҷикистон оид ба тайёр кардани кадрҳои сатҳи баланди илмӣ ҷаласа доир шуд
Дар Хатлон ҳамкорӣ бо сармоягузорони хориҷӣ ҷиҳати таъсиси нерӯгоҳҳои офтобиву бодӣ тақвият меёбад
Лоиҳаи «Кодекси экологии Ҷумҳурии Тоҷикистон» муаррифӣ гардид
Дар Душанбе Маркази рақамикунонӣ, инноватсия ва такмили кадрҳои соҳаи кишоварзӣ ифтитоҳ гардид
Дар доираи Муколамаи «Осиёи Марказӣ — Ҷопон» ҳамоиши канории «Tajik-Japan Digital Business Connect» баргузор шуд
«Стратегияи нави шарикии Бонки Осиёии рушд бо Ҷумҳурии Тоҷикистон барои солҳои 2026–2030» муаррифӣ карда шуд
СОЛҲОИ РУШДИ САНОАТ. Дар шаҳри Турсунзода зиёда аз 100 корхонаи хурду бузурги саноатӣ фаъолият менамояд
Соли 2026 дар Тоҷикистон сохтмону навсозии 300 километр роҳҳои мошингард оғоз мегардад
