Тоҷикистон ва Қирғизистон ҳамкориро дар самти муросилоти почта тақвият медиҳанд

Май 17, 2025 11:40

ДУШАНБЕ, 17.05.2025. /АМИТ «Ховар»/. Байни Корхонаи воҳиди давлатии «Почтаи Тоҷик»-и Тоҷикистон ва Ҷамъияти саҳомии кушодаи «Кыргыз почтасы»-и Қирғизистон Ёддошти ҳамкорӣ ба имзо расид, хабар доданд ба АМИТ «Ховар» аз Хадамоти алоқаи назди Ҳукумати Ҷумҳурии Тоҷикистон.

Ин Ёддошти ҳамкорӣ дар доираи Форуми роҳбарони почтаҳои давлатҳои Аврупо ва Иттиҳоди Давлатҳои Мустақил, ки таҳти унвони «Уфуқҳои нав: Рушди тиҷорати электронӣ, инноватсия ва занҷирҳои таъминот барои ноил шудан ба муваффақият дар оянда» дар шаҳри Бокуи Ҷумҳурии Озарбойҷон баргузор шуд, ба имзо расид.

Иброз гардид, ки ин санад ба таҳкими шарикӣ, рушди хизматрасониҳои электронӣ ва такмил додани ҳалли логистикӣ байни давлатҳо нигаронида шудааст. Ёддошти ҳамкорӣ ба ҷонибҳо имкон медиҳад, ки хизматрасонии муосир, мувофиқ ва боэътимод ба вуҷуд оранд.

Муосиргардонии фаъолияти «Почтаи тоҷик» яке аз афзалияти фаъолияти соҳаи алоқаи Тоҷикистон эътироф гардидааст. Рақамикунонии соҳаи муросилоти почта, вусъати фаъолияти маркетплейсҳо (пешниҳоди онлайнии мавод), тиҷорати электронӣ ва иқтисоди рақамӣ, инчунин рушди ҳамкории байналмилалӣ ва ҷалби ширкатҳои бонуфузи дар ин соҳа фаъолияткунанда ба Ҷумҳурии Тоҷикистон аз ҷумлаи тадбирҳое мебошад, ки давра ба давра амалӣ карда мешаванд.

Ёдовар мешавем, ки аз 13 то 15 май дар шаҳри Бокуи Озарбойҷон Форуми роҳбарони почтаҳои давлатҳои Аврупо ва Иттиҳоди Давлатҳои Мустақил таҳти унвони «Уфуқҳои нав: Рушди тиҷорати электронӣ, инноватсия ва занҷирҳои таъминот барои ноил шудан ба муваффақият дар оянда» баргузор гардид, ки дар он намояндагони Тоҷикистон иштирок намуданд.

Форум бо мақсади ташкили платформаи стратегии минтақавӣ барои муҳокимаҳо, муқоиса, табодули дониш ва инноватсия баргузор шуда, дар он табдили бахши почта дар посух ба тамоюлҳои ҷаҳонӣ дар муҳити рақамӣ баррасӣ гардид.

АКС: Хадамоти алоқаи назди Ҳукумати Ҷумҳурии Тоҷикистон

Май 17, 2025 11:40

Хабарҳои дигари ин бахш

Нашри сеюми Китоби сурхи Ҷумҳурии Тоҷикистон муаррифӣ гардид
«ПОМИРИНВЕСТ-2025». Барои рушди иқтисодӣ ва сармоягузории шаҳри Хоруғ 17 созишномаи ҳамкорӣ ба имзо расид
Кишоварзони шаҳри Панҷакент дар беш аз 3 ҳазор гектар кишти такрорӣ мегузаронанд
Палатаи савдо ва саноати Тоҷикистон бо Палатаи миллии савдо ва саноати Муғулистон робитаҳои тиҷоратию иқтисодиро таҳким мебахшад
Лоиҳаи «Барномаи миллии рушди Ҷумҳурии Тоҷикистон барои солҳои 2026–2030» баррасӣ гардид
Кишоварзони Тоҷикистон дар беш аз 21 ҳазор гектар бо усули обёрии зери плёнка чигит кишт намуданд
НИШАСТИ МАТБУОТӢ. Иншооти энергетикии Тоҷикистон дар рушди соҳа нақши муассир мегузоранд
НИШАСТИ МАТБУОТӢ. Беш аз 3 ҳазор гектар заминҳои нав ба гардиши кишоварзӣ ворид карда мешаванд
«FlyDubai» дар масири Дубай-Душанбе-Дубай ҳамарӯза парвозҳои ҳавоӣ анҷом медиҳад
Президенти Муғулистон Ухнаагийн Хурэлсух Неругоҳи барқи обии «Роғун»-ро барои минтақа муҳим арзёбӣ намуд
Дар Хоруғ Форуми байналмилалии соҳибкорию сармоягузорӣ «Помиринвест – 2025» доир гардид
Тоҷикистон ва Муғулистон ҳамкориро дар соҳаи инноватсия ва технологияҳои рақамӣ тақвият медиҳанд