Дар Донишгоҳи байналмилалии сайёҳӣ ва соҳибкорӣ бахшида ба Рӯзи Ваҳдати миллӣ ҳамоиш баргузор шуд
ДУШАНБЕ, 23.06.2025 /АМИТ «Ховар»/. Ваҳдати миллӣ яке аз муҳимтарин арзишҳои ҷомеаи мо буда, маҳз бо шарофати он имрӯз Тоҷикистон дар фазои оромиву субот ва рушди устувор қарор дорад. Ин нуктаро Ректори Донишгоҳи байналмилалии сайёҳӣ ва соҳибкории Тоҷикистон Убайдулло Асрорзода дар ҳамоише, ки имрӯз ба ифтихори 28-солагии Рӯзи Ваҳдати миллӣ баргузор шуд, иброз намуд. Дар ин хусус АМИТ «Ховар» бо истинод ба Донишгоҳи байналмилалии сайёҳӣ ва соҳибкории Тоҷикистон иттилоъ медиҳад.
Дар ҳамоиш Убайдулло Асрорзода афзуд, ки бо ҳидоят ва заҳматҳои Пешвои миллат муҳтарам Эмомалӣ Раҳмон дар ҷумҳурӣ сулҳу субот таъмин гардид ва ин дастоварди таърихӣ бояд ҳамеша ҳифз ва таҳким бахшида шавад.
«Дастгириҳои пайвастаи Ҳукумати мамлакат, бахусус Президенти Тоҷикистон муҳтарам Эмомалӣ Раҳмон дар рушди инфрасохтор ва беҳтарсозии шароити таълиму тарбия дар Донишгоҳи байналмилалии сайёҳӣ ва соҳибкории Тоҷикистон ва муаррифии шоистаи он дар арсаи байналмилалӣ муҳим арзёбӣ мегарданд», — илова кард ректор.
Таъкид шуд, ки имрӯз дар донишгоҳ шароити мусоиди таҳсилу фаъолият муҳай аст ва аз ҳар як донишҷӯ ва корманд масъулияту заҳмати содиқона тақозо менамояд.
— Ҳадафи асосии мо тарбияи ҷавонони ватандӯсту хештаншинос мебошад, ки дар пешрафти донишгоҳ ва ободии Ватан саҳмгузоранд, — таъкид шуд дар ҳамоиш.
Дар идомаи ҷамъомад дигар иштирокдорон доир ба ин санаи таърихӣ ибрози назар намуда, Ваҳдати миллиро яке аз дастовардҳои муҳими даврони соҳибистиқлолӣ унвон намуданд.
АКС: Донишгоҳи байналмилалии сайёҳӣ ва соҳибкории Тоҷикистон
Имрӯз дар шаҳри Душанбе ҳаво то 24 дараҷа гарм мешавад
Ҳаракати аввалин қатораи контейнерии озмоишӣ дар хатсайри «Чин – Тоҷикистон» ба самти Душанбе оғоз гардид
Дар ноҳияи Ёвон ба ифтихори Рӯзи Қувваҳои Мусаллаҳи Тоҷикистон ҳамоиш доир шуд
Хизмат дар сафи артиш нишонаи садоқат ба Ватан ва эҳсоси баланди ватандӯстӣ мебошад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар замини Литсейи касбии техникии саноати кишоварзии ноҳияи Ашт боғи зардолу бунёд карда мешавад
Дар қисми низомии Гвардияи миллӣ дар шаҳри Роғун ҳамоиш доир гардид
Дар Суғд соҳаи моҳипарварӣ рушд намудааст
Имрӯз дар Тоҷикистон туман мефарояд
РИОЯИ ТАРЗИ ҲАЁТИ СОЛИМ. Барои пешгирӣ аз бемории диабети қанд чӣ бояд кард?
ТАРЗИ ҲАЁТИ СОЛИМ. Дар боғҳои фарҳангӣ-фароғатии шаҳри Душанбе ҳар ҳафта машқҳои пагоҳирӯзӣ гузаронида мешаванд
Дар Коллеҷи омӯзгорӣ ва рақамикунонии шаҳри Бохтар Озмуни ҷумҳуриявии «Илм — фурӯғи маърифат» баргузор шуд
