Дар Донишгоҳи технологии Тоҷикистон бахшида ба Рӯзи Ваҳдати миллӣ конфронси илмӣ-назариявӣ доир шуд
ДУШАНБЕ, 24.06.2025. /АМИТ «Ховар»/. Дар Донишгоҳи технологии Тоҷикистон бахшида ба Рӯзи Ваҳдати миллӣ конфронси илмӣ-назариявӣ баргузор шуд. Дар ин хусус АМИТ «Ховар» бо истинод ба Донишгоҳи технологии Тоҷикистон хабар медиҳад.
Дар конфронси илмӣ-назариявӣ донишмандон, коршиносон, муҳаққиқон ва шоирону нависандагон доир ба пойдории сулҳу ваҳдати миллӣ, нақши Президенти Тоҷикистон муҳтарам Эмомалӣ Раҳмон дар таҳкими он, шоҳкориҳо, корҳои ободонию созандагӣ ва дигар дастовардҳои мамлакат дар 28 соли мавҷудияти ваҳдати миллӣ ибрози андеша намуданд.
Ректори Донишгоҳи технологии Тоҷикистон Зоир Раҳмонзода гуфт, ки «имрӯзҳо, вақте ки субот дар мамлакат пойдор аст ва парчами ваҳдат бо ифтихор парафшон аст, ҳар як шаҳрванди Тоҷикистон хуб дарк мекунад, ки ин оромӣ осон ба даст наомадааст. Ин ваҳдат самари ирода, хиради сиёсӣ ва муҳаббати беандозаи Пешвои миллат ба халқу Ватан аст».
Дар фарҷоми конфронс ба устодон ва донишҷӯёне, ки дар озмунҳои ҷумҳуриявии «Фурӯғи субҳи доноӣ китоб аст», «Илм- фурӯғи маърифат», «Шоҳномахонӣ» ва дигар озмунҳои сатҳи ноҳиявӣ, шаҳрӣ ва ҷумҳуриявӣ иштирок намуда, ҷойҳои ифтихориро ишғол намудаанд, бо «Ифтхорнома» ва «Сипоснома»-ҳои донишгоҳ сарфароз гардонида шуданд.
АКС: Донишгоҳи технологии Тоҷикистон
Дар Душанбе Фестивали байналмилалии «Наврӯз-мероси фарҳангию ҷаҳонгардӣ» баргузор мешавад
Имрӯз дар шаҳри Душанбе ҳаво то 24 дараҷа гарм мешавад
Ҳаракати аввалин қатораи контейнерии озмоишӣ дар хатсайри «Чин – Тоҷикистон» ба самти Душанбе оғоз гардид
Дар ноҳияи Ёвон ба ифтихори Рӯзи Қувваҳои Мусаллаҳи Тоҷикистон ҳамоиш доир шуд
Хизмат дар сафи артиш нишонаи садоқат ба Ватан ва эҳсоси баланди ватандӯстӣ мебошад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар замини Литсейи касбии техникии саноати кишоварзии ноҳияи Ашт боғи зардолу бунёд карда мешавад
Дар қисми низомии Гвардияи миллӣ дар шаҳри Роғун ҳамоиш доир гардид
Дар Суғд соҳаи моҳипарварӣ рушд намудааст
Имрӯз дар Тоҷикистон туман мефарояд
РИОЯИ ТАРЗИ ҲАЁТИ СОЛИМ. Барои пешгирӣ аз бемории диабети қанд чӣ бояд кард?
ТАРЗИ ҲАЁТИ СОЛИМ. Дар боғҳои фарҳангӣ-фароғатии шаҳри Душанбе ҳар ҳафта машқҳои пагоҳирӯзӣ гузаронида мешаванд
