Дар ҳудуди шаҳри Гулистон сохтмони меҳмонхона ва осоишгоҳу марказҳои солимгардонӣ идома доранд
ДУШАНБЕ, 28.06.2026 /АМИТ «Ховар»/. Дар се моҳи соли равон ба шаҳри Гулистони вилояти Суғд 1047 нафар меҳмонони хориҷӣ ва 3824 нафар истироҳаткунандагони дохилӣ ба осоишгоҳу табобатгоҳҳо ва меҳмонхонаҳои шаҳр ташриф оварданд. Дар маҷмуъ, дар осоишгоҳҳои шаҳр 4871 нафар истироҳат намуданд, ки нисбат ба соли гузашта 536 нафар зиёд буда, 112,4 фоизро ташкил медиҳад. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии шаҳри Гулистон хабар медиҳад.
Бояд ёдовар шуд, ки сайёҳии табобатию солимгардонӣ, санаторӣ ва истироҳатӣ дар шаҳри Гулистон рушё ёфта, сол то сол теъдоди хоҳишмандони истироҳат дар Маркази табобатӣ-солимгардонии «Соҳил», Ҷамъияти дорои масъулияташ маҳдуди «Усмонҷон», «Осоишгоҳи Шифо» ва «Осоишгоҳи Баҳористон», ки дар ин шаҳр фаъолият доранд, меафзоянд.
Дар шаҳр бо мақсади рушди соҳи сайёҳӣ то 35-солагии Истиқлоли давлатии Ҷумҳурии Тоҷикистон якчанд инфрасохтори муосир бунёд гардида, сифати хизматрасонӣ дар сатҳи байналмиллалӣ боз ҳам беҳтар ба роҳ монда мешавад. Аз ҷумла, бинои иловагии шашошёна дар ҳудуди «Осоишгоҳи Баҳористон» ба маблағи беш аз 45 миллион сомонӣ аз тарафи буҷети ҷумҳуриявӣ бунёд гардида истодааст.
Дар ҳудуди шаҳри Гулистон 6 меҳмонхона, 5 осоишгоҳу марказҳои солимгардонӣ, 1 лагер ва 14 ёдгории таърихию фарҳангӣ мавҷуд буда, ҳамаи онҳо ба сайёҳон хизмат мерасонанд.
Дар меҳмонхона ва осоишгоҳҳои хурду калони шаҳри Гулистон шумораи ҷойҳои хоб барои қабули сайёҳон ба 2284 адад дар як вақт расонида шудааст.
Осоишгоҳҳои шаҳр ҳамасола бо таҷҳизоти муосири табобатию ташхисӣ, варзишию солимгардонӣ муҷаҳҳаз гардонида шуда, баҳри ба талабот ва сифати баланд қабул намудани меҳмонону сайёҳон тадбирҳои муҳим андешида мешаванд.
АКС: Мақомоти иҷроияи ҳокимияти давлатии шаҳри Гулистон
Қитъаи муҳими роҳи Душанбе – Хоруғ – Қалъаихумб бо пулу нақб мавриди истифода қарор гирифт
Пешвои миллат Эмомалӣ Раҳмон пас аз анҷоми сафари корӣ дар Вилояти Мухтори Кӯҳистони Бадахшон ба шаҳри Душанбе баргаштанд
Дар ВМКБ беш аз 1000 иншоот ба истиқболи 35-солагии Истиқлоли давлатӣ мавриди истифода қарор гирифт
Президенти Ҷумҳурии Тоҷикистон Эмомалӣ Раҳмон бо роҳбарон ва фаъолони Вилояти Мухтори Кӯҳистони Бадахшон мулоқот намуданд
Президенти Ҷумҳурии Тоҷикистон Эмомалӣ Раҳмон дар шаҳри Хоруғ дар тантанаҳои идона ба ифтихори 28-солагии Рӯзи ваҳдати миллӣ иштирок намуданд
Сарвари давлат Эмомалӣ Раҳмон дар шаҳри Хоруғ бинои нави истиқоматии 5-ошёна барои хизматчиёни давлатиро мавриди истифода қарор доданд
Пешвои миллат Эмомалӣ Раҳмон дар ҳудуди Парки технологии шаҳри Хоруғ коргоҳҳои истеҳсолии маҳсулоти гӯштӣ ва обҳои табиии ташнашиканро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Хоруғ бо лоиҳаҳои биноҳои истиқоматӣ бо маркази хизматрасонию тиҷоратӣ, таваққуфгоҳи нақлиётӣ, меҳмонхона ва майдончаи варзишии кӯдакон шинос шуданд
Сарвари давлат Эмомалӣ Раҳмон дар шаҳри Хоруғ китобхонаи кӯдаконаи вилоятӣ, китобхонаи шаҳрии ба номи Ҳофизи Шерозӣ ва Маркази рушди зеҳни сунъиро ифтитоҳ намуданд
Пешвои миллат Эмомалӣ Раҳмон дар шаҳри Хоруғ Маркази фарҳангӣ, савдо ва Шурои иттифоқҳои касабаи вилоятро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Хоруғ чойхонаи Хатлонро ба истифода доданд
Сарвари давлат Эмомалӣ Раҳмон дар шаҳри Хоруғ пули мошингузарро мавриди баҳрабардорӣ қарор доданд
