Кормандони милиса дар ноҳияи Шоҳмансури шаҳри Душанбе бо фаъолони ҷомеа вохӯрӣ намуданд
ДУШАНБЕ, 13.06.2025. /АМИТ «Ховар»/. Бо ташаббуси шуъбаи 2-и Вазорати корҳои дохилӣ дар ноҳияи Шоҳмансури шаҳри Душанбе бо фаъолони ҷомеа, эмомхатибон, кормандони соҳаи маориф, ҷавонон ва раисони маҳаллаҳои ноҳия вохӯрӣ бургузор шуд. Дар ин хусус АМИТ «Ховар» бо истинод ба Раёсати Вазорати корҳои дохилӣ дар шаҳри Душанбе иттилоъ медиҳад.
Ҳадафи асосии мулоқот таҳким бахшидани ҳамкории милитсия бо ҷомеа арзёбӣ гардида, иштирокдорон ба масъалаҳои баланд бардоштани маърифати ҳуқуқӣ, таҳкими худшиносиву худогоҳӣ ва пешгирии кирдорҳои зиддиҳуқуқӣ байни наврасону ҷавонон таваҷҷуҳ намуданд.
Дар ҷамъомад сардори шуъбаи 2-и Вазорати корҳои дохилӣ дар ноҳияи Шоҳмансур Фирдавс Шарофзода оид ба вазъи ҷинояткорӣ дар байни наврасону ҷавонон, риояи одоби шаҳрдорӣ, саҳмгузорӣ дар корҳои ободонию созандагӣ, тарғиби тарзи ҳаёти солим, пешгирии хурофотпарастӣ ва машғул шудан ба фолбинию ҷодугарӣ ибрози андеша намуд.
Фирдавс Шарофзода аз суханронии Президенти мамлакат муҳтарам Эмомалӣ Раҳмон дар мулоқот бо фаъолон, намояндагони ҷомеа ва ходимони дини мамлакат, ки 9 марти соли 2024 баргузор шуд, иқтибос овард: «вақте фарзанд бесавод мемонад, бе касб мемонад, бе ҳунар мемонад, дар қади кӯча кораш гадоӣ мешавад ё ҷиноят содир мекунад ё маводи мухаддир истеъмол мекунад, яъне дар зиндагӣ доимо азият мекашанд. Вазифаи мову шумо он аст, ки онҳоро тарбия кунем, соҳиби касбу ҳунар гардонем, илм омӯзонем, ки баъди сари мову шумо онҳо зиндагии мустақилонаи худашонро пеш бурда тавонанд».
Таъкид гардид, ки дар бунёд ва нигаҳдошти солимии ҷомеа ва мубориза бар зидди зуҳуроти номатлуб аз ваколатҳои фаъолони ҷомеа, пирони рӯзгордида ва нафаронони обрӯманди маҳал ҳамчун намояндагони пешсафи ҷомеа бояд истифода бурд.
Дар вохӯрӣ ҳамчунин оид ба ҳолатҳои пешгирии ҳамроҳшавии ҷавонон ба ҳизбу ҳаракатҳои террористиву экстремистӣ ва хурофотпарастиву бегонапарастӣ ибрози андеша карда шуд. Ҳамагон даъват шуданд, ки дар пешгирӣ намудани ин зуҳуроти номатлуби ҷомеа саҳм гузоранд.
Рухсораи НУР,
АМИТ «Ховар»
АКС: Раёсати Вазорати корҳои дохилӣ дар шаҳри Душанбе
ҲАР АМАЛИ НОДУРУСТ ҶАВОБГАРӢ ДАР ПАЙ ДОРАД! Дар Душанбе паҳнкунандагони доруи психотропии «Прегабалин» дастгир шуданд
Ҳайати Тоҷикистон дар Вена дар конфронси Созмони Милали Муттаҳид оид ба мубориза бо қаллобӣ иштирок дорад
Дар Вена ҳамкории Тоҷикистон ва Британияи Кабир дар соҳаи ҳифзи ҳуқуқ баррасӣ гардид
14 МАРТ — РӮЗИ КОРМАНДОНИ МАҚОМОТИ ПРОКУРАТУРА. Бо назардошти вазъи геополитикии ҷаҳон дар назди кормандони он масъулияти баланд меистад
Агентии назорати маводи нашъаовари Тоҷикистон ва Раёсати СММ оид ба маводи нашъаовар ва ҷинояткорӣ ҳамкориро тақвият медиҳанд
Ҷаласаи навбатии Комиссияи даъвати ҷумҳуриявӣ оид ба омодагӣ ба даъвати баҳории соли 2026 ба хизмати ҳарбӣ доир гардид
Нозирони мизҳои ҳарбӣ дар шаҳри Бохтар ба машғулияти такмили ихтисос фаро гирифта шуданд
Дар Хатлон ҳамкории милитсия, омӯзгорон ва волидайн дар самти пешгирии ҷинояткорӣ байни ноболиғон тақвият меёбад
Ташаккул ва рушди фарҳанги киберамният дар низоми таълиму тарбия аҳамияти аввалиндараҷа касб мекунад
Ҳайати Тоҷикистон дар иҷлосияи Комиссияи СММ оид ба воситаҳои нашъадор иштирок дорад
Дар Бадахшон ҷаласаи сайёри Комиссияи байниидоравӣ оид ба муқовимат ба савдои одамон баргузор шуд
Дар вилояти Хатлон ҷаласаи Шурои амният баргузор шуд
