Юсуф Раҳмон дар ҷаласаи навбатии Кумитаи Котибони шуроҳои амнияти давлатҳои аъзои СААД ва Вохӯрии дуюми Котибони шуроҳои амнияти Осиёи Марказӣ-Русия иштирок намуд
ДУШАНБЕ, 19.06.2025. /АМИТ «Ховар»/. 19 июн дар шаҳри Чолпон-Атаи Ҷумҳурии Қирғизистон Котиби Шурои амнияти Ҷумҳурии Тоҷикистон Юсуф Раҳмон дар ҷаласаи навбатии Кумитаи Котибони шуроҳои амнияти давлатҳои аъзои Созмони Аҳдномаи амнияти дастҷамъӣ (СААД) ва Вохӯрии дуюми Котибони шуроҳои амнияти Осиёи Марказӣ-Русия иштирок намуд, хабар медиҳад АМИТ «Ховар».
Дар ҷаласаҳо самтҳои афзалиятноки ҳамкорӣ байни кишварҳои аъзои СААД, таҳдидҳо ба амнияти дастҷамъӣ ва ҷанбаҳои гуногуни масоили муҳими минтақавию байналмилалӣ мавриди муҳокима қарор гирифтанд.
Иштирокдорон масъалаҳои марбут ба таъмини амнияти минтақавию байналмилалӣ, таҳдиду хатарҳои муосир, аз ҷумла мубориза бо терроризм ва экстремизм, гардиши ғайриқонунии маводи мухаддир, ҷиноятҳои фаромиллӣ ва киберҷиноятҳоро баррасӣ карда, барои тақвияти ҳамоҳангӣ ва тадбирҳои муштарак зидди таҳдиду хатарҳо пешниҳодҳои мушаххас манзур намуданд.
Зимни ҷаласаи Кумитаи Котибони шуроҳои амнияти давлатҳои аъзои СААД Юсуф Раҳмон доир ба татбиқи марҳилаи аввали Барномаи мақсадноки байнидавлатии СААД оид ба таҳкими сарҳади давлатии Тоҷикистону Афғонистон ибрози назар карда, ба давлатҳои аъзо ва Дабири кулли СААД барои ҳамкории судманд изҳори сипос намуд.
Дар анҷом як қатор санадҳои муҳим ба имзо расиданд, ки барои таҳкими низоми амнияти дастҷамъии минтақа заминаи мусоид фароҳам меоранд.
«ПАЁМ-РОҲНАМОИ ЗАНОН ДАР ҶОМЕА». Дар Душанбе ҳамоиши кормандзанони мақомоти корҳои дохилӣ доир шуд
Дар ноҳияи Шаҳритус ба ҷойи дарсхонӣ ба бозиҳои компютерӣ машғул шудани хонандагон ошкор карда шуд
Изҳороти Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон
Дар Душанбе ҷаласаи Комиссияи байниидоравӣ оид ба муқовимат ба савдои одамон доир шуд
Котиби Шурои амнияти Ҷумҳурии Тоҷикистон бо Сафири Чин мулоқот намуд
ЭҲТИЁТ-КАФИЛИ АМНИЯТ. Риояи қоидаҳои бехатарӣ ҳангоми истифодаи гази моеъ омили асосӣ барои ҳифзи ҷони инсон аст
Милитсияи шаҳри Душанбе беш аз 160 ҳолати ба фолбинӣ машғул шудани шаҳрвандонро ошкор намуд
Дар Душанбе масъалаи таҳкими ҳамкорӣ дар самти муқовимат ба хариду фурӯши одамон баррасӣ гардид
Ҳамкории милитсия ва соҳаи маорифи шаҳри Душанбе дар самти пешгирии ҷинояткории наврасону ҷавонон тақвият меёбад
ТАРМАФАРОӢ. Дар Тоҷикистон фаромадани тарма аз нимаи моҳи декабр то моҳи апрел дар назар аст
Соли 2026 дар Тоҷикистон ҷаласаи Шурои вазирони корҳои дохилии давлатҳои ИДМ баргузор мегардад
Дар вохӯрӣ бо аҳли ҷамоати шаҳри Ҳисор масъалаи пешгирии ноболиғон аз ҷинояткорӣ баррасӣ карда шуд
