Ҳамкории Тоҷикистону Узбекистон дар мубориза бо коррупсия тақвият меёбад
ДУШАНБЕ, 31.07.2025. /АМИТ «Ховар»/. 30 июл вохӯрии роҳбарияти Агентии назорати давлатии молиявӣ ва мубориза бо коррупсияи Ҷумҳурии Тоҷикистон бо ҳайати Агентии муқовимат ба коррупсия ва Департаменти мубориза бо ҷиноятҳои иқтисодии назди Прокуратураи генералии Ҷумҳурии Узбекистон баргузор гардид. Дар ин хусус ба АМИТ «Ховар» аз маркази матбуоти Агентии назорати давлатии молиявӣ ва мубориза бо коррупсияи Ҷумҳурии Тоҷикистон хабар доданд.
Вохӯрӣ бо мақсади татбиқи талаботи нақшаҳои чорабиниҳо оид ба амалисозии Созишномаи ҳамкорӣ барои солҳои 2025-2026 ва Ёддошти тафоҳум барои солҳои 2024-2025, ки байни ҳар ду ниҳод ба имзо расидаанд, баргузор карда шуд.
Дар вохӯрӣ таъкид гардид, ки муносибатҳои шарикии стратегии Тоҷикистону Узбекистон имкон медиҳанд, ки дар соҳаҳои гуногун, аз ҷумла мубориза бо коррупсия ҳамкории самаранок анҷом дода шавад.
Ҷонибҳо ба рушди муносибатҳои судманд дар самти муқовимат ба ҷиноятҳои иқтисодӣ ва коррупсионии фаромиллӣ таваҷҷуҳ зоҳир намуда, барои густариши равобит дар чаҳорчӯби санадҳои ҳамкории дуҷониба изҳори омодагӣ намуданд.
Ёдовар мешавем, ки дар доираи сафари ҳайати мақомоти зиддикоррупсионии Ҷумҳурии Узбекистон ба Ҷумҳурии Тоҷикистон давоми ду рӯз дар Агентии назорати давлатии молиявӣ ва мубориза бо коррупсия баргузории семинари омӯзишӣ ба нақша гирифта шудааст. Зимни он ҷониби узбекистонӣ бо сиёсати зиддикоррупсионии Тоҷикистон ва натиҷаҳои ноилгардидаи Агентӣ дар ин самт шинос мешавад.
АКС: Агентии назорати давлатии молиявӣ ва мубориза бо коррупсияи Ҷумҳурии Тоҷикистон
Дар Тоҷикистон маҷмуи маҳсулоти дохилии мамлакат қариб 100 баробар афзоиш ёфт
Дар Тоҷикистон беш аз 66 технологияи инноватсионии парвариши зироати кишоварзӣ тарҳрезӣ ва татбиқ гардид
Ҳавопаймои дуюми Boeing 737-8 MAX-и «Сомон Эйр» ба Тоҷикистон ворид карда шуд
Дар давраи соҳибистиқлолии Тоҷикистон музди миёнаи меҳнат 178 баробар зиёд гардид
ЗЕҲНИ СУНЪӢ ВА ТАҲДИДҲОИ НАВИ КИБЕРӢ. Ин низом аз таҳдидҳо чӣ гуна муҳофизат карда мешавад?
Кишоварзони шаҳри Турсунзода дар 5539 гектар шолӣ кишт намуданд
ЗЕҲНИ СУНЪӢ: ТАЪРИХ, ИМКОНИЯТ ВА МАСЪУЛИЯТ. Андешаҳо оид ба ин мавзуъ
Таъсиси Маркази миллии маълумоти зондкунии фосилавии Замин дар шаҳри Душанбе баррасӣ шуд
Тавсеаи ҳамкории Тоҷикистон бо ЮНИСЕФ дар соҳаи ҳифзи муҳити зист баррасӣ гардид
Дар Душанбе Форуми байналмилалии нассоҷии Тоҷикистон – 2026 доир мегардад
РАШТ ДАР ДАВРОНИ СОҲИБИСТИҚЛОЛӢ. Мулоҳизаҳо оид ба нақши сиёсати давлатӣ дар рушди иқтисодию иҷтимоии ин ноҳия
Дар Тоҷикистон шумораи субъектҳои хоҷагидори амалкунанда беш аз 100 ҳазор зиёд гардидааст
