Аз моҳи сентябри соли 2025 музди меҳнати кормандону омӯзгорони Донишгоҳи давлатии Бохтар 10 фоиз зиёд карда мешавад
ДУШАНБЕ, 26.07.2025 /АМИТ «Ховар»/. Раёсати Донишгоҳи давлатии Бохтар ба номи Носири Хусрав тасмим гирифтааст, ки дар пайравӣ ба сиёсати иҷтимоии Президенти Тоҷикистон муҳтарам Эмомалӣ Раҳмон аз моҳи сентябри соли 2025 музди меҳнати кормандону омӯзгоронро аз ҳисоби суратҳисоби махсуси донишгоҳ 10 фоиз зиёд намояд. Дар ин хусус ректори Донишгоҳи давлатии Бохтар Маҳмадалӣ Қурбонзода зимни нишасти матбуотӣ ба рӯзноманигорон иттилоъ дод.
Ба маълумоти ректор, ин иқдом ҳамзамон дар заминаи амалӣ гардидани қарорҳои навбатии Ҳукумати Ҷумҳурии Тоҷикистон пеш гирифта шуда, тибқи дастури Президенти Тоҷикистон, маоши омӯзгорон аз 1 сентябри соли 2025 боз 20 фоиз зиёд карда мешавад.
Маҳмадалӣ Қурбонзода дар ҷараёни нишасти матбуотӣ аз сохтмони студияи таҷрибавии телевизионӣ барои донишҷӯёни бахши рӯзноманигорӣ хабар дод. Ба иттилои ӯ, ҳоло сохтмон ва таъмири студия пурра анҷом ёфта, тамоми таҷҳизоти зарурии техникӣ ворид карда шудаанд. Ин студия, ки дар асоси талаботи замони муосир ва ба хотири таҳкими маҳорати амалӣ ва касбии донишҷӯёни ихтисоси журналистика бунёд шудааст, қарор аст дар соли таҳсили 2025-2026 ба таври расмӣ ба истифода дода шавад.
АКС: Донишгоҳи давлатии Бохтар ба номи Носири Хусрав
Дар Донишгоҳи давлатии Хуҷанд озмуни «Беҳтарин эҷодкори достонҳои «Шоҳнома»» ҷамъбаст гардид
Дар Донишгоҳи давлатии молия ва иқтисоди Тоҷикистон оид ба ҳифз, эҳё ва рушди забони миллӣ машварати омӯзишӣ доир шуд
Қабули довталабон барои таҳсил дар муассисаҳои таҳсилоти олии Ҷумҳурии Мардумии Чин оғоз гардид
Дар Донишгоҳи байналмилалии забонҳои хориҷии Тоҷикистон даври муассисавии Озмуни ҷумҳуриявии «Шоҳномахонӣ» доир шуд
«БАҲОРИ МАЪРИФАТ: МОДАР, ҚАЛАМ ВА НАВРӮЗ».Таҳти ин унвон дар Душанбе ҳамоиши идона доир шуд
Дар Донишгоҳи техникии Тоҷикистон оид ба таҳсилоти муҳандисӣ ва технологияҳои рақамӣ конфронс баргузор шуд
Донишгоҳи технологии Тоҷикистон бо панҷ муассисаи таҳсилоти олии Узбекистон созишномаи ҳамкорӣ ба имзо расонид
Байни Донишгоҳи давлатии Бохтар ва се донишгоҳи Узбекистон созишномаи ҳамкорӣ ба имзо расид
Байни Институти илмию таҳқиқотии сайёҳӣ ва соҳибкорӣ ва Донишкадаи соҳибкорӣ ва педагогии Деҳнави Узбекистон санади ҳамкорӣ ба имзо расид
ТАЪТИЛИ БАҲОРӢ. Хонандагони муассисаҳои таълимии Тоҷикистон чанд рӯз истироҳат мекунанд?
Густариши ҳамкории Тоҷикистон ва Узбекистон дар соҳаи маориф ва илм баррасӣ гардид
Ректорони муассисаҳои таҳсилотии Узбекистон бо зарфияти таълимӣ ва илмии Донишгоҳи байналмилалии сайёҳӣ ва соҳибкории Тоҷикистон шинос шуданд
