Дар Бонки миллӣ бо ҳайати Дафтари Швейтсария оид ба ҳамкорӣ дар Ҷумҳурии Тоҷикистон вохӯрӣ доир гардид
ДУШАНБЕ,10.07.2025 /АМИТ «Ховар»/. Раиси Бонки миллии Тоҷикистон Фирдавс Толибзода дар иртибот ба анҷом расидани ваколати мудири пешин ва таъини мудири нави Дафтари Швейтсария оид ба ҳамкорӣ дар Ҷумҳурии Тоҷикистон (SECO) бо ҳайати ин ниҳод мулоқот намуд.
АМИТ «Ховар» бо истинод ба Бонки миллии Тоҷикистон иттилоъ медиҳад, ки Фирдавс Толибзода ба хонум Саломе Штайб барои саҳми арзанда дар рушди ҳамкории Тоҷикистон ва Конфендератсияи Швейтсария арзи сипос намуда, кӯшиши ӯро дар рушди устувори мамлакат, ҳамкории самарабахш бо бахши молиявӣ, бахусус бо Бонки миллии Тоҷикистон дар самти таҳкими иқтидори низоми бонкӣ, мусоидат ба шаффофият ва дастгирии ислоҳот махсус таъкид намуд.
Инчунин Фирдавс Толибзода хонум Денис Люсиро ба муносибати таъин гардидан ба ин вазифаи масъулиятнок табрик карда, изҳори боварӣ намуд, ки ҳамкории Бонки миллии Тоҷикистон бо SECO минбаъд низ аз рӯи принсипҳои эҳтироми ҳамдигар, эътимод ва муколамаи созанда рушд хоҳад кард.
Иброз гардид, ки Бонки миллии Тоҷикистон барои татбиқи ташаббусҳои нав, ки ба рушди устувори иқтисодии кишвар, хусусан ислоҳоти бахши бонкӣ нигаронида шудаанд, ба муколама бо шарикони байналмиллалии рушд омода буда, дар ин самт ба дастгирии SECO ҳамчун яке аз муассисаҳои бонуфузи байналмилалии молиявӣ умед мебандад.
Зимни мулоқот ҷонибҳо инчунин роҷеъ ба тақвияти ҳамкории тарафайн бо истифодаи самараноки зарфиятҳои мавҷудбуда ва самтҳои гуногуни ҳамкорӣ мубодилаи афкор намуданд.
АКС: Бонки миллии Тоҷикистон
Дар Душанбе истифода ва ҳифзи захираҳои обии мамлакат дар шароити тағйирёбии иқлим баррасӣ гардид
Ҷаласаи сеюми Гурӯҳи кории муштараки Тоҷикистону Покистон оид ба савдо, сармоягузорӣ ва нақлиёт баргузор шуд
ҚУРБИ АСЪОР: 1 рубли русӣ аз 0.1150 то 0.1168 сомонӣ муқаррар шудааст
Рисолати «Амонатбонк» ҳимояи ҳуқуқи истеъмолкунандагон ва кафолати хизматрасонии босифати бонкӣ аст
Бонки миллии Тоҷикистон ба Эъломияи Кейптаун ҳамроҳ шуд
35-СОЛАГИИ ИСТИҚЛОЛИ ДАВЛАТӢ. Дар ноҳияи Восеъ сохтмони иншооти таъйиноти гуногун идома дорад
Дар Душанбе натиҷаҳои COP30 ва раванди такмилсозии NDC 3.0-и Тоҷикистон баррасӣ гардид
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
Дар ноҳияи Деваштич Маркази ҷумҳуриявии инноватсия ва технологияҳо дар соҳаи картошкапарварӣ таъсис дода мешавад
Бахшида ба Рӯзи байналмилалии ҳимояи ҳуқуқи истеъмолкунандагон корҳои фаҳмондадиҳӣ доир гардид
