Дар Давҳа машваратҳои сиёсӣ байни вазоратҳои корҳои хориҷии Тоҷикистон ва Қатар баргузор гардиданд
ДУШАНБЕ, 16.07.2025 /АМИТ «Ховар»/. 15 июл дар шаҳри Давҳаи Давлати Қатар машваратҳои сиёсӣ байни вазоратҳои корҳои хориҷии Ҷумҳурии Тоҷикистон ва Давлати Қатар баргузор гардиданд. Дар ин хусус ба АМИТ «Ховар» аз Вазорати корҳои хориҷии Ҷумҳурии Тоҷикистон хабар доданд.
Ҳайатҳои ҷонибҳоро муовини Вазири корҳои хориҷии Ҷумҳурии Тоҷикистон Фаррух Шарифзода ва Вазири давлатии корҳои хориҷии Давлати Қатар Султон бин Саад бин Султон Ал Мурайхӣ роҳбарӣ намуданд.
Зимни машваратҳо ҷонибҳо ҳолати кунунӣ ва дурнамои рушди муносибатҳои дуҷониба ва бисёрҷонибаи сиёсӣ, иқтисодӣ, фарҳангӣ ва башардӯстона байни Тоҷикистону Қатарро мавриди баррасӣ қарор доданд. Таъкид гардид, ки робитаҳои дипломатии ду давлат дар асоси эҳтироми мутақобил ва манфиатҳои муштарак рушд ёфта, дар тамоми соҳаҳо барои густариши ҳамкорӣ заминаи мусоид фароҳам овардаанд.
Баррасии роҳҳои ҷалби сармояи Қатар ба иқтисоди Тоҷикистон, бахусус ба соҳаҳои инфрасохтор ва энергетика мавриди таваҷҷуҳи махсус қарор гирифт.
Ҷонибҳо масоили мубрами рӯзномаи байналмилалӣ ва минтақавиро низ муҳокима намуданд. Таъмини амният, мубориза бо терроризм ва ифротгароӣ, тағйирёбии иқлим, амнияти озуқаворӣ ва об, инчунин таҳкими ҳамкории ду мамлакат дар чаҳорчӯби созмонҳои байналмилалӣ ва минтақавӣ аз мавзуъҳои меҳварии суҳбатҳо буданд.
АКС: Вазорати корҳои хориҷии Ҷумҳурии Тоҷикистон
Сарвазири Тоҷикистон бо Вазири иқтисод ва сайёҳии Амороти Муттаҳидаи Араб мулоқот намуд
Дар Тянҷин мулоқоти вазирони корҳои хориҷии Тоҷикистон ва Чин баргузор гардид
Сафири Тоҷикистон бо мудири кулли Фонди кувайтии рушди иқтисодии араб мулоқот намуд
Сироҷиддин Муҳриддин дар ҷаласаи Шурои вазирони корҳои хориҷии давлатҳои аъзои Созмони ҳамкории Шанхай иштирок намуд
Густариши робитаҳои молиявии Тоҷикистон ва Қатар мавриди муҳокима қарор гирифт
Байни мақомоти стандартизатсияи Тоҷикистон ва Узбекистон «Харитаи роҳ» омода карда мешавад
Ҳамкорӣ байни Тоҷикистон ва Узбекистон дар соҳаи таҳсилоти томактабӣ ва миёнаи умумӣ баррасӣ гардид
Сафири Тоҷикистон бо раиси Агентии маълумот ва зеҳни сунъии Арабистони Саудӣ мулоқот намуд
Сафири Тоҷикистон бо роҳбари Институти дипломатии Кувайт ба номи Сауд Ан-Носир Ас-Сабоҳ мулоқот намуд
Хуттали Қадим ба Феҳристи мероси ҷаҳонии ЮНЕСКО ворид гардид
Сироҷиддин Муҳриддин бо роҳбарияти Дафтари Швейтсария оид ба ҳамкорӣ мулоқот намуд
Дар Душанбе Муколамаи сатҳи баланд оид ба сиёсат ва амният байни Иттиҳоди Аврупо ва Осиёи Марказӣ баргузор гашт
