Дар Китобхонаи миллии Тоҷикистон бахшида ба Рӯзи маъюбон ҳамоиш доир шуд
ДУШАНБЕ, 06.07.2025 /АМИТ «Ховар»/. Бахшида ба Рӯзи маъюбон дар Китобхонаи миллии Тоҷикистон бо иштироки намояндагони ташкилотҳои гуногуни ҷамъиятии маъюбон ва хонандагони фаъоли шуъбаи хизматрасонӣ ба шахсони имконияташон маҳдуди китобхона ҳамоиш баргузор гардид, хабар медиҳад АМИТ «Ховар» бо истинод ба Китобхонаи миллӣ.
Дар ҳамоиш иброз шуд, ки бо талошҳои Ҳукумати Ҷумҳурии Тоҷикистон, бахусус таваҷҷуҳи махсуси Президенти мамлакат муҳтарам Эмомалӣ Раҳмон дар ҷумҳурӣ барои маъюбон дар тамоми соҳаҳо имконияти баробари кору зиндагӣ фароҳам оварда шуда, сол то сол шароити иқтисодиву иҷтимоии онҳо беҳтар мегардад.
«Аз ҷумла, дар Китобхонаи миллии Тоҷикистон шуъбаи хизматрасонӣ ба шахсони имконияташон маҳдуд амал мекунад, ки дар он баҳри мутолиаи онҳо тамоми шароити муосир фароҳам оварда шудааст»,-хотиррасон гардид дар ҷамъомад.
Дар ҳамоиш таъкид гардид, ки дар асоси Қонуни Ҷумҳурии Тоҷикистон «Дар бораи рӯзҳои ид» аз 2 августи соли 2011, ҳамасола дар ҷумҳурии мо 8 июл ҳамчун Рӯзи маъюбон таҷлил карда мешавад. Мақсад аз эълон доштани ин рӯз ва ба таври анъанавӣ таҷлил кардани он, пеш аз ҳама ҷалб намудани таваҷҷуҳи ҷамъият, ташкилоту идораҳо ва ҷомеаи шаҳрвандӣ ба масъалаҳои маъюбӣ буда, барои таъмини кафолатҳои иҷтимоии шахсони маъюб ва шароити арзандаи зиндагӣ мусоидат хоҳад кард.
АКС: Китобхонаи миллии Тоҷикистон
Имрӯз дар Тоҷикистон ҳавои тағйирёбанда мешавад
Имрӯз дар Тоҷикистон ҳавои тағйирёбандаи бебориш пешгӯӣ карда мешавад
Таомҳои тоҷикӣ дар шаҳрҳои Федератсияи Русия ба таври шоиста муаррифӣ мегарданд
Имрӯз дар Тоҷикистон ҳавои камабри бебориш пешгӯӣ мешавад
Дар Ҳисор ҳамоиши минтақавии раисони шуроҳои ҷангу меҳнати шаҳру ноҳияҳои тобеи ҷумҳурӣ доир шуд
Имрӯз дар ноҳияҳои алоҳидаи Тоҷикистон туман мефарояд
«АСРИ ЗАРРИН»-И ТАЪРИХИ ТОҶИКОН. Замони давлатдории Сомониёнро муҳаққиқони илми таърих чунин ном гузоштаанд
Зуд, мувофиқ, осон: чат-боти «Доно» ба муштариён чӣ тавр кумак мерасонад
Дар Панҷакент филиали Муассисаи давлатии «Ташаккул ва рушди соҳибкории Тоҷикистон» ифтитоҳ гардид
Имрӯз дар Тоҷикистон ҳавои камабри бебориш пешгӯӣ мешавад
СОЛИ ОБОДКОРИЮ СОЗАНДАГӢ. Мактаб-интернати ятимон ва бепарасторони ноҳияи Муъминобод таъмир карда мешавад
Дар шаҳри Бӯстон барои баланд бардоштани сифати таҳсил ҳамоиш баргузор гардид
