Дар Тоҷикистон 5,1 миллион нафар аз интернети мобилӣ ва собит истифода мебаранд
ДУШАНБЕ, 25.07.2025 /АМИТ «Ховар»/. Дар Тоҷикистон 5,1 миллион нафар аз интернети мобилӣ ва собит истифода мебаранд, ки аз ин шумора 4,9 миллион нафар муштариёни интернети мобилӣ мебошанд. Дар ин давра нисбат ба шаш моҳи соли 2024 600 ҳазор нафар истифодабаранда зиёд шудааст. Дар ин хусус 23 июл сардори Хадамоти алоқаи назди Ҳукумати Ҷумҳурии Тоҷикистон Исфандиёри Саъдулло ба хабарнигорон маълумот дод.
Иттилоъ дода шуд, ки дар ҷумҳурӣ интернет аз ҷониби 6 ширкати хизматрасонии алоқаи мобилӣ ва 24 ширкати хизматрасонии алоқаи собит таъмин мегардад.
«Бо рушди технологияҳои иттилоотию коммуникатсионӣ ва истифодаи васеи онҳо, аз ҷумла зеҳни сунъӣ дар равандҳои идоракунӣ, бахши хизматрасонӣ ва истеҳсолот, ҳамчунин афзоиши ҳаҷми иттилоот зарурати амалишавии шабакаи алоқаи мобилии насли 5G дар мамлакат ба миён омадааст. Аз ин рӯ дар доираи Солҳои рушди иқтисоди рақамӣ ва инноватсия татбиқи шабакаҳои насли 5G густариш дода мешавад»,-иброз дошт Исфандиёри Саъдулло.
Дар айни замон дар шаҳри Душанбе 20 адад ва дар Хуҷанд 2 истгоҳи базавии насли 5G насб ва мавриди истифода қарор дода шудааст. Дар назар аст то охири соли равон дар мамлакат 55 истгоҳи насли 5G насб карда шавад.
Дар 3 соли оянда Тоҷикистон нақша дорад дар самти интернети мобилӣ ба наслҳои 4G ва 5G гузарад. Аз рӯйи минтақа то 80 фоиз таъмини дастрасии аҳолӣ ба интернети собит (ноқилӣ) ба нақша гирифта шудааст.
Моҳинави НАВРӮЗ,
Тоҳири САИД (АКС)
АМИТ «Ховар»
Дар Тоҷикистон «Барномаи миллии бехатарии авиатсияи гражданӣ барои солҳои 2025-2030» татбиқ мегардад
Ҳайати Тоҷикистон дар Конфронси дуюми ҷаҳонӣ оид ба истифодаи маълумот барои таҳкими чораҳои зиддикоррупсионӣ иштирок намуд
Дар Вазорати молияи Тоҷикистон бахшида ба Рӯзи кормандони мақомоти молия ҳамоиши идона доир шуд
Барои татбиқи лоиҳаи «Кам намудани талафоти неру» созишномаҳои қарзӣ ва грантӣ ба имзо расиданд
Доир ба Форуми дуюми байналмилалии соҳаи саноати маъданҳои кӯҳӣ-металлургии Тоҷикистон брифинг баргузор шуд
Дар Бонки миллии Тоҷикистон масъалаи бартарафсозии омилҳои коррупсионӣ баррасӣ гардид
Дар ноҳияи Ёвон кишти картошкаи барвақтӣ оғоз гардид
100-сомонии ҷашнии Тоҷикистон беҳтарин банкнотаи ҷашнии соли 2025 дониста шуд
Ҳамкории Тоҷикистон ва Эрон дар самтҳои афзалиятнок рушд меёбад
Дар Душанбе Форуми дуюми байналмилалии соҳаи саноати маъданҳои кӯҳӣ-металлургии Тоҷикистон баргузор мешавад
Оид ба омодагӣ ба Форуми байналмилалии соҳаи саноати маъданҳои кӯҳӣ-металлургии Тоҷикистон брифинг доир мешавад
Кумитаи давлатии идораи замин ва геодезии Тоҷикистон ва Созмони нақшабардории Эрон ҳамкориро дар соҳаҳои заминсозӣ тақвият медиҳанд
