Дастовардҳои Тоҷикистон дар Форуми иқтисоди рақамии Созмони ҳамкории Шанхай-2025 муаррифӣ гардид
ДУШАНБЕ, 12.07.2025 /АМИТ «Ховар»/. Дар шаҳри Тянзини Чин маросими ифтитоҳи расмии Форуми иқтисоди рақамии Созмони ҳамкории Шанхай (СҲШ) -2025 баргузор шуд, ки дар он ҳайати Ҷумҳурии Тоҷикистон таҳти роҳбарии Вазири рушди иқтисод ва савдо Завқӣ Завқизода иштирок намуд. Дар ин хусус АМИТ «Ховар» бо истинод ба Вазорати рушди иқтисод ва савдои Ҷумҳурии Тоҷикистон иттилоъ медиҳад.
Дар ҷаласа Завқӣ Завқизода иброз намуд, ки баргузории Форуми иқтисоди рақамии Созмони ҳамкории Шанхай — 2025 ҳамчун як платформаи муҳими ҳамгироӣ ва тақвияти муносибатҳои минтақавӣ барои кишварҳои аъзо аҳамияти муҳими стратегӣ дорад.
Таъкид шуд, ки бо иқдомҳои Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ва талошҳои роҳбарони кишварҳои аъзои Созмони ҳамкории Шанхай имрӯз заминаи мусоиди ҳамкорӣ, эътимоди тарафайн ва платформаҳои муҳими ҳамгироӣ фароҳам оварда шудаанд, ки ба тавсеаи робитаҳои иқтисодӣ, рақамӣ ва сармоягузорӣ байни кишварҳои минтақа заминаи мусоид фароҳам оварданд.
Дар форум дастовардҳои Тоҷикистон дар самти рақамикунонӣ, аз ҷумла қабули «Консепсияи иқтисоди рақамӣ», «Барномаи миёнамуҳлати рушди иқтисоди рақамӣ барои солҳои 2021–2025», «Стратегияи рушди зеҳни сунъӣ барои давраи то соли 2040», Қонуни Ҷумҳурии Тоҷикистон «Дар бораи ҳуҷҷати электронӣ ва имзои электронӣ» ва Қонуни Ҷумҳурии Тоҷикистон «Дар бораи савдои электронӣ» муаррифӣ гардид.
Баён гардид, ки дар натиҷаи татбиқи ин санадҳо Тоҷикистон то ин давра якчанд корҳои назаррасро ба анҷом расонидааст, аз ҷумла таъсиси стартапҳои рақамӣ (zypl.ai), портали савдои электронӣ (Tajtrade), рақамикунонии якчанд соҳаҳои афзалиятнок, бахусус низоми дурнамосозӣ, низоми иҷозатдиҳии соҳаи саноат, бақайдгирии соҳибкорӣ, нақлиёт, энергетика, хизматрасониҳои бонкӣ, пардохтҳои андозӣ, маориф, тандурустӣ, муносибатҳои хориҷӣ ва дар шаҳри Душанбе дар доираи низоми «Шаҳри ҳушманд» рақамикунонии барномавии самти мусофиркашонӣ, маориф (E-Donish), тандурустӣ (E-Tib), шаҳри бехатар ва назорати таваққуфгоҳҳо (City Parking) мебошанд.
Дар анҷоми форум Вазири рушди иқтисод ва савдои ҷумҳурӣ, омодагии Тоҷикистонро ҷиҳати таҳкими ҳамкорӣ дар доираи Созмони ҳамкории Шанхай ва татбиқи лоиҳаҳо дар самтҳои афзалиятноки иқтисоди рақамӣ иброз намуд.
АКС: Вазорати рушди иқтисод ва савдои Ҷумҳурии Тоҷикистон
Дар Маркази тадқиқоти стратегӣ вазъи соҳаи роҳу нақлиёт ва таҳлили сатҳи рақамикунонии соҳа баррасӣ гардид
Пулҳои коғазии ҷашнӣ бо арзиши номиналии 100 сомонӣ ба муомилот бароварда шуд
Даромади буҷети давлатӣ барои соли 2026 дар ҳаҷми 65 миллиард сомонӣ пешбинӣ шудааст
РУШДИ САНОАТ. Дар Тоҷикистон ҳамасола зиёда аз 4,4 миллион тонна семент истеҳсол мегардад
Дар Душанбе дар мавзуи «Пули сомонӣ-рукни давлатдории миллӣ» конфронси илмӣ-назариявӣ баргузор шуд
Тоҷикистон ва Арабистони Саудӣ ҳамкориро дар соҳаи энергетика густариш медиҳанд
Иштироки Раиси Палатаи ҳисоб Ҷамшед Каримзода дар Конгресси XXV INTOSAI дар шаҳри Шарм-аш-Шайхи Миср
ОМОДАГӢ БА ЗИМИСТОН. ҶСК «Ангишти Камароб» муассисаҳои буҷавии ноҳияҳои Рашту Тоҷикободро бо ангишти хушсифат таъмин намуд
ПУЛИ МИЛЛӢ – РАМЗИ ДАВЛАТДОРӢ. Имрӯз аз ба муомилот баровардани пули миллӣ — сомонӣ 25 сол сипарӣ шуд
Рӯзҳои наздик дар вилояти Хатлон нақшаи ҷамъоварӣ пахта пурра иҷро мегардад
Роҳбари миссияи Хазинаи байналмилалии асъор ба устувории нишондиҳандаҳои макроиқтисодии Тоҷикистон баҳои баланд дод
«Сомон Эйр» имконияти васеъ намудани парки ҳавопаймоҳоро бо ширкати амрикоии ACG баррасӣ намуд
