НИШАСТИ МАТБУОТӢ. Дар Тоҷикистон 6505 нафар дорои дараҷаи илмӣ мебошанд
ДУШАНБЕ, 23.07.2025 /АМИТ «Ховар»/. Дар Тоҷикистон 6505 нафар дорои дараҷаи илмӣ буда, 986 нафар доктори илм, 5275 нафар номзади илм ва 244 нафари дигар доктори фалсафа (PhD)-доктор аз рӯйи ихтисос мебошанд. Дар давраи фаъолияти комиссия шумораи кормандони илмӣ нисбат ба соли 2017 бамаротиб зиёд гардида, ҳоло ба ҳар сари 1000 нафар аҳолӣ 0,65 корманди илмӣ рост меояд. Дар ин хусус имрӯз зимни нишасти матбуотӣ Раиси Комиссияи олии аттестатсионии назди Президенти Ҷумҳурии Тоҷикистон Сайфиддин Давлатзода иттилоъ дод.
Яке аз самтҳои асосоии фаъолияти комиссия додани унвонҳои илмӣ мебошад. Дар ин замина дар шашмоҳаи якуми соли равон аз ҷониби муассисаҳои илмӣ ва таҳсилоти олии касбии ҷумҳурӣ ҳамагӣ 235 дархост, аз ҷумла 27 дархост барои дарёфти унвони илмии профессор ворид шудааст. Аз онҳо 154 дархост қонеъ (аз ҷумла 14 дархост барои унвони профессорӣ) шуда, 15 дархост бозпас гардонида ва 66 дархост дар баррасӣ қарор дорад.
Дар давраи ҳисоботӣ аз ҷониби муассисаҳои илмӣ ва таҳсилоти олии касбии мамлакат ба Комиссияи олии аттестатсионии назди Президенти Ҷумҳурии Тоҷикистон барои ташкили ҳимояи якдафъаина 35 дархост ворид шудааст, ки 33-тои он ба коркарди иловагӣ баргардонида шуд. Аз ин шумора 14 дархост ба самти илмҳои табиӣ- табиӣ-математикӣ ва техникӣ, 6-то ба самти илмҳои тиббӣ, фарматсевтӣ, биологӣ, байторӣ, аграрӣ ва 15-то ба самти илмҳои ҷамъиятӣ-гуманитарӣ рабт дорад.
Аз 3151 диссертатсияи воридшуда ҳимояи 238 адад ё 7,6%-и онҳоро ҳимояи якдафъаина ташкил менамояд.
Моҳинави НАВРӮЗ,
Тоҳири САИД (АКС)
АМИТ «Ховар»
Дар Донишгоҳи давлатии Хуҷанд озмуни «Беҳтарин эҷодкори достонҳои «Шоҳнома»» ҷамъбаст гардид
Дар Донишгоҳи давлатии молия ва иқтисоди Тоҷикистон оид ба ҳифз, эҳё ва рушди забони миллӣ машварати омӯзишӣ доир шуд
Қабули довталабон барои таҳсил дар муассисаҳои таҳсилоти олии Ҷумҳурии Мардумии Чин оғоз гардид
Дар Донишгоҳи байналмилалии забонҳои хориҷии Тоҷикистон даври муассисавии Озмуни ҷумҳуриявии «Шоҳномахонӣ» доир шуд
«БАҲОРИ МАЪРИФАТ: МОДАР, ҚАЛАМ ВА НАВРӮЗ».Таҳти ин унвон дар Душанбе ҳамоиши идона доир шуд
Дар Донишгоҳи техникии Тоҷикистон оид ба таҳсилоти муҳандисӣ ва технологияҳои рақамӣ конфронс баргузор шуд
Донишгоҳи технологии Тоҷикистон бо панҷ муассисаи таҳсилоти олии Узбекистон созишномаи ҳамкорӣ ба имзо расонид
Байни Донишгоҳи давлатии Бохтар ва се донишгоҳи Узбекистон созишномаи ҳамкорӣ ба имзо расид
Байни Институти илмию таҳқиқотии сайёҳӣ ва соҳибкорӣ ва Донишкадаи соҳибкорӣ ва педагогии Деҳнави Узбекистон санади ҳамкорӣ ба имзо расид
ТАЪТИЛИ БАҲОРӢ. Хонандагони муассисаҳои таълимии Тоҷикистон чанд рӯз истироҳат мекунанд?
Густариши ҳамкории Тоҷикистон ва Узбекистон дар соҳаи маориф ва илм баррасӣ гардид
Ректорони муассисаҳои таҳсилотии Узбекистон бо зарфияти таълимӣ ва илмии Донишгоҳи байналмилалии сайёҳӣ ва соҳибкории Тоҷикистон шинос шуданд
