НИШАСТИ МАТБУОТӢ. Маҷмуи маҳсулоти кишоварзии ноҳияи Сангвор дар шаш моҳ ба 49 миллиону 900 ҳазор сомонӣ баробар гардид
САНГВОР, 28.07.2025 /АМИТ «Ховар»/. Раиси ноҳияи Сангвор Маҳмадшоҳ Давлатзода зимни нишасти матбуотӣ иброз намуд, ки кишоварзӣ дар ноҳия соҳаи асосӣ ва афзалиятнок ба ҳисоб рафта, зиёда аз 70 фоизи аҳолии қобили меҳнат дар ин соҳа фаъолият мекунад. Тибқи нақшаи дурнамо, имсол дар хоҷагиҳои ҷамоавӣ ва хоҷагиҳои деҳқонии ноҳия дар 330 гектар ғаладонагӣ, дар 800 гектар картошка, дар 83 гектар сабзавот, дар 24 гектар зағир, дар 67 гектар лубиёгӣ ва дар 10 гектар хӯроки чорво кишт карда шудааст.
Дар баробари хоҷагиҳои деҳқонӣ ҳар сокини ноҳия замини наздиҳавлигӣ ва заминҳои хоҷагии ёрирасонро самаранок истифода намуда, зироати барвақтӣ, аз қабили картошка, помидор, бодиринг, карам, қаламфури булғорию тез, сирпиёз ва дигар зироат кишт намуда, барои зимистонгузаронии хонаводаи худ захира менамояд. Маҷмуи маҳсулоти кишоварзии ноҳияи Сангвор дар шаш моҳи соли 2025 ба 49 миллиону 900 ҳазор сомонӣ баробар гардид, ки ин нишондиҳанда нисбат ба ҳамин давраи соли 2024 се миллиону 91 ҳазор сомонӣ зиёд мебошад.
Зимни нишасти матбуотӣ гуфта шуд, ки Корхонаи воҳиди давлатии «Бонки амонатгузории Ҷумҳурии Тоҷикистон «Амонатбонк»» дар ноҳияи Сангвор ба 103 корхонаи буҷетӣ ва ғайрибуҷетӣ тавассути кортҳои бонкӣ хизмат мерасонад. Шумораи истифодабарандагони кортҳои пластикӣ дар ноҳия ба 6 ҳазору 143 нафар расида, ба ин восита ҳамаи амалиёти бонкӣ ба таври ғайринақдӣ гузаронида мешавад. Корхона дар шашмоҳаи якуми соли равон ба сокинони ноҳияи Сангвор барои рушди соҳаи кишоварзию соҳибкорӣ ва дигар соҳаҳо 3 миллиону 909 ҳазору 185 сомонӣ қарзҳои имтиёзнок дод, ки ба зиндагии шоистаи сокинон мусоидат менамояд.
Зимни нишасти матбуотӣ иброз гардид, ки барои дар сатҳи баланд пешвоз гирифтани ҷашни 35-солагии Истиқлолияти давлатӣ дар ноҳияи Сангвор бунёди 80 иншооти соҳаҳои гуногуни хоҷагии халқ ба нақша гирифта шуда, як қисми он мавриди истифода қарор дода шудааст. Соли 2025 барои сохтмони асосии ноҳия аз буҷети маҳаллӣ 740 ҳазор сомонӣ пешбинӣ гардидааст.
Субҳониддини МАҲМУД,
АМИТ «Ховар»
АКС: АМИТ «Ховар»
35-СОЛАГИИ ИСТИҚЛОЛИ ДАВЛАТӢ. Дар ноҳияи Вахш корхонаи истеҳсоли маҳсулоти полиэтиленӣ ба фаъолият оғоз намуд
35-СОЛАГИИ ИСТИҚЛОЛИ ДАВЛАТӢ. Дар Бадахшон корҳои созандагию бунёдкорӣ вусъат меёбанд
СОЛИ ОБОДОНИВУ СОЗАНДАГӢ. Дар ҳудуди ёдгориҳои таърихии ноҳияи Данғара ҳашари тозагӣ ва сабзкорӣ гузаронида шуд
СОЛИ СОЗАНДАГИЮ БУНЁДКОРӢ. Дар деҳаи Нурафшони шаҳри Турсунзода толори варзишӣ ба истифода дода шуд
Дар ноҳияи Мастчоҳ корхонаи истеҳсоли равғани пахта бунёд мешавад
35-СОЛАГИИ ИСТИҚЛОЛИ ДАВЛАТӢ. Соли 2026 дар Хатлон бунёди зиёда аз 1500 иншооти нав ба нақша гирифта шудааст
НИШАСТИ МАТБУОТӢ. Дар Вилояти Мухтори Кӯҳистони Бадахшон 1469 иншооти ҷашнӣ бунёд гардид
35 соли Истиқлоли давлатии Тоҷикистон дар масири худшиносӣ ва худогоҳии миллӣ
ДАРАХТ БИНШОН! Дар шафати роҳи Бохтар–Душанбе маъракаи ниҳолшинонӣ баргузор гардид
НИШАСТИ МАТБУОТӢ. Дар шаҳри Турсунзода 546 синфхонаи иловагӣ ва 11 муассисаи томактабӣ сохта мешавад
НИШАСТИ МАТБУОТӢ. Ба истиқболи 35-солагии Истиқлоли давлатӣ дар ноҳияи Рӯдакӣ 369 иншоот бунёд мешавад
35-СОЛАГИИ ИСТИҚЛОЛИ ДАВЛАТӢ. Ба ин муносибат дар пойтахт рӯзҳои фарҳангии шаҳру ноҳияҳо баргузор мешаванд
