НИШАСТИ МАТБУОТӢ. Соли 2025 дар минтақаи Кӯлоб 20 иншоот бунёд мегардад
ДУШАНБЕ, 29.07.2025 /АМИТ «Ховар»/. Бахшида ба 35-солагии Истиқлоли давлатӣ соли 2025 аз ҷониби Раёсати сохтмони асосии вилояти Хатлон дар минтақаи Кӯлоб сохтмони 20 иншоот ба нақша гирифта шудааст. Дар ин хусус сардори Раёсати сохтмони асосии вилояти Хатлон дар минтақа Аскаршо Соҳибзода зимни нишасти матбуотӣ ба хабарнигорон маълумот дод.
Ба иттилои Аскаршо Соҳибзода, сохтмони ин иншоот аз ҳисоби ҳамаи манбаъҳои маблағгузорӣ ба нақша гирифта шудааст. Иншооти соҳаи маориф, тандурустӣ, фарҳанг, соҳаи идоракунии давлатӣ ва соҳаи энергетикӣ аз ин ҷумла мебошанд.
Дар идомаи нишасти матбуотӣ иттилоъ дода шуд, ки аз соли 2024 то ин давра якчанд иншоот, аз ҷумла бинои Ҷамоати деҳоти Тутиёни ноҳияи Муъминобод, бинои Муассисаи таҳсилоти миёнаи умумии №10 барои 240 хонанда дар деҳаи Тудании Ҷамоати деҳоти Шуроободи ноҳияи Шамсиддини Шоҳин, бинои Муассисаи таҳсилоти миёнаи умумии №20 барои 240 хонанда дар деҳаи Дараи Боҳурии Ҷамоати деҳоти ба номи Сафар Амиршоеви ноҳияи Балҷувон сохта шуда, наҳри дохилии ҷамоати шаҳраки Баҳманруди ноҳияи Темурмалик барқарор гардид. Ҳамзамон Маркази назорати санитарию эпидемиологии ноҳияи Шамсиддини Шоҳин ва дигар иншоот ба истифода дода шуданд.
То охири сол сохта, ба истифода додани 20 иншооти дигар дар назар аст.
Сулаймони ХОЛ,
АМИТ «Ховар»
АКС аз манбаъҳои боз
Дар Донишгоҳи давлатии Кӯлоб оид ба таҳкими ватандӯстӣ ва худшиносии миллӣ ҳамоиш доир шуд
НИШАСТИ МАТБУОТӢ. Нақшаи чорабиниҳои 35-солагии Истиқлоли давлатӣ дар ноҳияи Фирдавсӣ 77 фоиз иҷро шуд
НИШАСТИ МАТБУОТӢ. Дар самти бунёди муассисаҳои томактабӣ дар ноҳияи Шоҳмансур чӣ тадбирҳо андешида мешаванд?
35-СОЛАГИИ ИСТИҚЛОЛИ ДАВЛАТӢ. Дар вилояти Хатлон 6640 иншоот мавриди истифода қарор гирифтааст
35-СОЛАГИИ ИСТИҚЛОЛИ ДАВЛАТӢ. Дар Истаравшан беш аз ҳазор иншооти таъйиноти гуногун ба истифода дода шуд
«БАРНОМАИ РУШДИ РОҲҲОИ ОБОДИ ДЕҲОТ БАРОИ СОЛҲОИ 2023-2028». Ва ё чӣ қадар роҳҳои маҳаллӣ таъмир гардиданд?
Дар Тоҷикистон теъдоди муассисаҳои томактабӣ меафзояд
Пешвои миллат Эмомалӣ Раҳмон рамзи «35-солагии Истиқлолияти давлатии Ҷумҳурии Тоҷикистон»-ро тасдиқ намуданд
НИШАСТИ МАТБУОТӢ. Ба истиқболи 35-солагии Истиқлоли давлатӣ беш аз 90 фоизи иншооти банақшагирифташуда ба истифода дода шудаанд
НИШАСТИ МАТБУОТӢ. Соли 2025 дар Тоҷикистон 113 муассисаи тиббӣ ба истифода дода шуд
НИШАСТИ МАТБУОТӢ. Бахшида ба 35-солагии Истиқлоли давлатӣ зиёда аз 28 ҳазор иншоот ба истифода дода шуд
Озмуни ҷумҳуриявии «Эмомалӣ Раҳмон — бунёдгузори Ваҳдати миллӣ» баргузор мешавад
