Ҳамкории Тоҷикистон бо Барномаи Рушди СММ дар доираи лоиҳаҳои муштарак муҳокима гардид

ДУШАНБЕ, 20.08.2025 /АМИТ «Ховар»/. Масъалаҳои марбут ба ҳамкории дуҷониба ва шарикӣ дар доираи лоиҳаҳои муштарак, аз ҷумла навсозии Саҳми дар сатҳи миллӣ муайяншуда (NDC 3.0) зимни мулоқоти Раиси Кумитаи ҳифзи муҳити зисти назди Ҳукумати ҷумҳурӣ Баҳодур Шерализода бо намояндаи доимии Барномаи Рушди Созмони Милали Муттаҳид дар Тоҷикистон Судипто Мукерҷӣ баррасӣ карда шуданд.

АМИТ «Ховар» бо истинод ба Кумитаи ҳифзи муҳити зисти назди Ҳукумати ҷумҳурӣ иттилоъ медиҳад, ки мусоҳибон ҳамзамон таҳияи Гузориши ҳафтуми миллӣ оид ба гуногунии биологӣ, Нақшаи молиявӣ барои гуногунии биологӣ (BIOFIN), инчунин имконияти ҳамкорӣ дар доираи GEF-9 ва Фонди ҷаҳонии гуногунии биологиро баррасӣ намуданд.

Масъалаҳои марбут ба коркарди лоиҳаи истифода ва безараргардонии полихлоршудаи бифенилӣ (ПХБ) ва омодасозии Гузориши дуҷонибаи техникӣ (BTR) низ муҳокима гардиданд.

АКС: Кумитаи ҳифзи муҳити зисти назди Ҳукумати Ҷумҳурии Тоҷикистон