«ДӮСТӢ-2025». Машқҳои зиддитеррористии Тоҷикистон ва Покистон баргузор гардиданд
ДУШАНБЕ, 12.08.2025. /АМИТ «Ховар»/. Дар Машқгоҳи таълимии «Фахробод»-и Вазорати мудофиаи Тоҷикистон, воқеъ дар гарнизони Хатлон бо иштироки қариб 100 нафар хизматчиёни ҳарбӣ машқҳои зиддитеррористии дуҷонибаи ҷузъу томи таъйиноти махсуси Қувваҳои Мусаллаҳи Ҷумҳурии Тоҷикистон ва Ҷумҳурии Исломии Покистон таҳти унвони «Дӯстӣ-2025» баргузор гардиданд. Дар ин хусус ба АМИТ «Ховар» аз Маркази матбуот ва иттилооти Вазорати мудофиаи Ҷумҳурии Тоҷикистон хабар доданд.
Ба ин машқҳо гурӯҳҳои таъйиноти махсус, ҷузъу томи ҳамлаовари десантӣ ва пиёданизом ҷалб гардида, роҳу усулҳои истифодаи силоҳу муҳиммоти ҳозиразамони ҳарбӣ ва дигар лавозимоти ҷангиро дар самти мубориза бар зидди терроризм намоиш доданд.
Бо дастгирии Ҳукумати Ҷумҳурии Тоҷикистон ва саҳми Вазорати мудофиаи мамлакат дар Машқгоҳи таълимии «Фахробод»-и Қӯшунҳои зудамали Қувваҳои Мусаллаҳ барои дар сатҳи баланд баргузор намудани ҳама гуна машқҳои низомии сатҳи минтақавию байналмилалӣ шароити мусоид фароҳам оварда шудааст.
Машқҳои муштараки «Дӯстӣ-2025» барои тавсеаи маҳорати саҳроии ҷузъу томи таъйиноти махсус ҳангоми гузаронидани чорабиниҳо дар шароити кӯҳсор ва иншоот, такмил додани тобоварии ҷисмонӣ ва устувории руҳию ахлоқии ҳайати шахсӣ, ташкили ҳамоҳангсозӣ ва мубодилаи таҷриба байни ҷузъу томи таъйиноти махсуси Ҷумҳурии Тоҷикистон ва Ҷумҳурии Исломии Покистон заминаи воқеӣ фароҳам овард.
Зимни ҷамъбасти машқҳои зиддитеррористӣ иброз шуд, ки мустаҳкам гардидани робитаи дӯстӣ байни кишварҳо, муборизаи дастҷамъона бар зидди терроризму экстремизм ва таъмини сулҳу субот дар ҳамаи кишварҳои олам дар сиёсати хориҷии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон мавқеи устувор дорад.
Дар шароити имрӯза, ки афзоиши хатарҳои терроризму экстремизми байналмилалӣ, муомилоти ғайриқонунии маводи мухаддир ва дигар амалҳои номатлуби ҷомеа шиддат мегирад, баргузории машқҳои муштараки зиддитеррористии «Дӯстӣ-2025» байни давлатҳои ба ҳам дӯсту бародар муҳим ва саривақтӣ арзёбӣ гардид.
Зимни натиҷагирӣ аз даври ниҳоии машқҳои васеи низомӣ ба як зумра иштирокчиёни фаъоли тамринҳои муштарак медалу ифтихорнома ва туҳфаҳои гуногуни хотиравӣ тақдим карда шуданд.
АКС: Маркази матбуот ва иттилооти Вазорати мудофиаи Ҷумҳурии Тоҷикистон
Дар шаҳри Ваҳдат шуъбаи Бозрасии давлатии автомобилӣ ба истифода дода шуд
Прокурорҳои генералии Тоҷикистон ва Узбекистон масоили муқовимат ба ҷинояткории фаромиллиро баррасӣ намуданд
10 РӮЗИ АМАЛИЁТИ ШАРТИИ «ТАСМАИ БЕХАТАРӢ» ВА «СКУТЕР». Зиёда аз 1000 ҳолати риоя нагардидани қоидаҳои ҳаракат дар роҳ ошкор гардид
Прокурори генералии Тоҷикистон дар ҷаласаи 6-уми прокуророни генералии давлатҳои аъзои СҲИ иштирок намуд
Ҷаласаи навбатии Кумитаи сардорони ситоди Қувваҳои Мусаллаҳи кишварҳои ИДМ баргузор гардид
БОВАРӢ БА ФОЛБИНУ СОҲИР МЕТАВОНАД БА АҚЛ ВА ФИКРИ ИНСОН ЗАРАР РАСОНАД. Ва ё чаро одамон ба фолбинҳо бовар мекунанд?
ҚОИДАҲОИ ҲАРАКАТ ДАР РОҲРО РИОЯ НАМОЕД! Бо иштироки мототсикл ва скутер 140 ҳодисаи роҳу нақлиёт сабт гардидааст
Ҷаласаи Мушовараи якҷояи вазоратҳои корҳои дохилии Ҷумҳурии Тоҷикистон ва Федератсияи Россия баргузор гардид
Дар Душанбе ҷаласаи ҳамоҳангсози сохторҳои қудратӣ ва мақомоти ҳифзи ҳуқуқ доир гардид
Ҷаласаи комиссияи даъвати ҷумҳуриявӣ оид ба омодагӣ ба даъвати тирамоҳии хизмати ҳарбӣ доир шуд
Наҷотдиҳандагони Тоҷикистон дар тамринҳои байналмилалии ҷустуҷӯӣ ва наҷотдиҳӣ дар Британияи Кабир иштирок намуданд
Gallup: Тоҷикистон аз ҷиҳати амну субот ва эътимоду боварии шаҳрвандон ба мақомоти ҳифзи ҳуқуқ дар ҷойи якум қарор гирифт
