Дар шаҳри Ҳисор беш аз 9000 кӯдак ба синфи якум қабул гардид
ҲИСОР, 13.08.2025 /АМИТ «Ховар»/. Муассисаҳои таълимии шаҳри Ҳисор имсол зиёда аз 9024 нафар хонандагони синфи якумро қабул намуданд, ки 4234 нафари онҳо духтарон мебошанд. Ҳамчунин дар 11 кӯдакистони фаъоли шаҳр 252 кӯдак ва дар 55 синфхонаи нав таъмиршудаи 22 муассисаи таълимии шаҳри Ҳисор 2500 нафар кӯдаконро ба гурӯҳҳои маркази инкишофи кӯдак қабул менамоянд. Дар ин хусус ба мухбири минтақавии АМИТ «Ховар» Субҳониддини Маҳмуд масъулини маорифи шаҳри Ҳисор иттилоъ доданд.
Бо талошу заҳмати сокинони шаҳри Ҳисор, соҳибкорон ва дастгирии Мақомоти иҷроияи ҳокимияти давлатии шаҳр дар соли нави таҳсил ду кӯдакистони нави хусусӣ барои 340 кӯдак, 6 бинои иловагӣ дар назди шаш муассисаи таълимию як мактаби нав дар деҳаи Уртабузи ҷамоати шаҳраки Шарора мавриди истифода қарор дода мешаванд. Дар онҳо дар маҷмуъ 3860 нафар хонандагон дар ду баст бо ҷойи нишаст таъмин мегарданд.
Имрӯзҳо бахшида ба ҷашни 35-солагии Истиқлоли давлатӣ сохтмони 4 муассисаи нави таълимӣ, биноҳои иловагии назди 14 муассисаи таълимӣ ва корҳои сохтмонии синфхонаҳои маркази инкишофи кӯдак дар назди 9 муассисаи таълимӣ идома доранд, ки дар рӯзҳои муайяншуда ба истифода дода мешаванд.
Масъулини Мақомоти иҷроияи ҳокимияти давлатии шаҳри Ҳисор иттилоъ доданд, ки соли 2025 аз ҳисоби буҷети шаҳри Ҳисор барои таъмири муассисаҳои таълимӣ 7 миллиону 883 ҳазору 850 сомонӣ ва барои таҷҳизонидани муассисаҳои таълимӣ 6 миллиону 776 ҳазору 209 сомонӣ пешбинӣ шудааст. Танҳо дар муассисаи таълимии рақами яки шаҳри Ҳисор имрӯзҳо аз ҳисоби буҷети маҳаллӣ ба маблағи 57 ҳазор сомонӣ таъмири ҷорӣ гузаронида шудааст.
Кумитаи волидайни хонандагон дар таъмири дохили синфхонаҳои муассисаҳои таълимии шаҳри Ҳисор саҳми калон дорад. Синфхонаҳои муассисаҳои таълимии шаҳри Ҳисор бо кумаки кумитаи волидайн пурра таъмир карда шуда, ба қабули хонандагон дар соли нави таҳсил омода мебошанд.
АКС: Мақомоти иҷроияи ҳокимияти давлатии шаҳри Ҳисор
МУШКИЛОТИ КИТОБҲОИ ДАРСӢ. Оё китобҳои дарсӣ ба синни хонандагон мувофиқат менамоянд?
Дар шаҳри Ваҳдат шуъбаи Бозрасии давлатии автомобилӣ ба истифода дода шуд
Байни Донишгоҳи технологии Тоҷикистон ва ширкати «DI Lab Inc» шартномаи ҳамкорӣ ба имзо расид
Роҳи Ҳисор-шаҳраки Айнӣ пурра мумфарш гардида, мавриди истифода қарор гирифт
Форуми байналмилалӣ оид ба ҳамкории Тоҷикистон ва СММ ба хотири рушди устувор баргузор шуд
Пешвои миллат Эмомалӣ Раҳмон дар шаҳри Ваҳдат бо нашъунамои дарахтони хоҷагии ниҳолпарварӣ, намоиши маҳсулоти кишоварзӣ ва рафти кишти такрорӣ шинос шуданд
Президенти Ҷумҳурии Тоҷикистон Эмомалӣ Раҳмон дар шаҳри Ваҳдат корхонаи «Роял Бебӣ Тоҷикистон»-ро ба таври фосилавӣ ифтитоҳ намуданд
Сарвари давлат Эмомалӣ Раҳмон дар шаҳри Ваҳдат ба фаъолияти ҶДММ «Зиннат Гач» оғоз бахшиданд
Пешвои миллат Эмомалӣ Раҳмон дар шаҳри Ваҳдат корхонаи истеҳсоли хишти Ҷамъияти дорои масъулияти маҳдуди «Талант»-ро ба истифода доданд
Президенти Ҷумҳурии Тоҷикистон Эмомалӣ Раҳмон дар шаҳри Ваҳдат бинои шуъбаи Кумитаи давлатии амнияти миллиро ифтитоҳ намуданд
Сарвари давлат Эмомалӣ Раҳмон дар шаҳри Ваҳдат Муассисаи таҳсилоти миёнаи умумии №152-ро ифтитоҳ намуданд
Пешвои миллат Эмомалӣ Раҳмон дар шаҳри Ваҳдат бинои нави Беморхонаи кӯдаконаи зидди силро ба истифода доданд
