Дар Вазорати мудофиаи Тоҷикистон тарҳрезии либоси хизматчиёни ҳарбӣ дар шакли ягонаи миллӣ баррасӣ гардид
ДУШАНБЕ, 21.08.2025. /АМИТ «Ховар»/. Дар Вазорати мудофиаи Ҷумҳурии Тоҷикистон доир ба масъалаи тарҳрезӣ намудани либоси хизматчиёни ҳарбии Қувваҳои Мусаллаҳ ва кормандони мақомоти ҳифзи ҳуқуқ дар шакли ягонаи миллӣ машварати корӣ баргузор гардид. Дар ин хусус АМИТ «Ховар» бо истинод ба маркази матбуот ва иттилооти Вазорати мудофиаи ҷумҳурӣ хабар медиҳад.
Иброз гардид, ки дар солҳои соҳибистиқлолӣ марҳила ба марҳила дар сохторҳои ҳарбии мамлакат тартиби пӯшидани сару либоси низомӣ ба танзим дароварда шуда, дар умум намуди ягонаи сару либоси ҳарбӣ амалӣ гардид. Имрӯз мутобиқгардонии сару либоси ҳамарӯзаи хизматчиёни ҳарбӣ ва дигар кормандони сохторҳои қудратӣ ба шароити иқлими Тоҷикистон, интихоби намуди матоъ ва тарзи дурусти дӯхти он иқдоми наҷибонаи роҳбарияти давлату Ҳукумати мамлакат маҳсуб мешавад.
Сару либоси низомӣ, ки онро хизматчёни ҳарбии Қувваҳои Мусаллаҳ, ҳайати шахсии сохторҳои қудратӣ ва мақомоти ҳифзи ҳуқуқ ба бар менамоянд, на танҳо рамзи ифтихору шарафмандӣ, балки таҷассуми симои воқеии давлату миллат дар арсаи байналмилалӣ ба шумор меравад.
Таъкид гардид, ки дар интихоби сару либоси нав ва дӯхти он ҳама меъёрҳои ҳатмии ҳарбӣ бо риояи унсурҳои миллӣ бояд ба инобат гирифта шавад.
АКС: Маркази матбуот ва иттилооти Вазорати мудофиаи Ҷумҳурии Тоҷикистон
РӮЗИ ТАЪСИСИ ВОҲИДҲОИ ТАЪЙИНОТИ МАХСУСИ МИЛИТСИЯ. Кормандони ин ниҳод вазифаҳои душвору масъулиятнок бар зимма доранд
Дар Минск вохӯрии вазирони корҳои дохилии Тоҷикистон ва Беларус баргузор гардид
Изҳороти Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон
«МУҚОВИМАТ БО КОРРУПСИЯ ДАР СОҲАИ ТИҶОРАТ». Дар Душанбе таҳти ин унвон форуми байналмилалӣ баргузор мешавад
Дар Душанбе оид ба усулҳои нави ҷамъоварии маълумот дар самти муқовимат ба савдои одамон ҷаласа доир шуд
Нақшаи даъвати тирамоҳии шаҳрвандони Тоҷикистон ба сафи Артиши миллӣ пурра иҷро гардид
Ҳайати Тоҷикистон дар конференсияи 26-уми байналмилалии раисони судҳои олии кишварҳои ҷаҳон иштирок намуд
ҚОИДАҲОИ БЕХАТАРӢ АЗ СӮХТОРРО РИОЯ НАМОЕД! Дар Тоҷикистон беш аз 900 ҳодисаи сӯхтор ба қайд гирифта шудааст
Нақшаи даъвати ҳарбӣ дар Тоҷикистон 98 фоиз иҷро гардид
Милитсияи пойтахт дар муассисаҳои таълимӣ 115 ҳолати истеъмоли чилим ва сигорҳои электрониро ошкор намуд
Нисбат ба беш аз 1300 волидайн барои бемасъулиятӣ дар тарбияи фарзанд санади маъмурӣ тартиб дода шуд
Ба ноҳияи Лахш як экскаватор ва як мошини пуриқтидори сӯхторхомӯшкунӣ ворид карда шуд
