Даромади буҷети Вилояти Мухтори Кӯҳистони Бадахшон 105,1 фоиз иҷро гардидааст
ДУШАНБЕ, 09.08.2025. /АМИТ «Ховар»/. Дар шашмоҳаи якуми соли равон нақшаи қисми даромади буҷети вилоят бо назардошти андози иҷтимоии ғайрибуҷетӣ 105,1 фоиз иҷро гардида, ба буҷет 139,6 миллион сомонӣ ворид шуд, ки нисбат ба нақша 6,8 миллион сомонӣ зиёд мебошад. Дар ин хусус зимни нишасти матбуотӣ Раиси Вилояти Мухтори Кӯҳистони Бадахшон Алишер Мирзонабот иттилоъ дод.
Гуфта шуд, ки давоми шаш моҳи соли равон тавассути воситаҳои электронии пардохтӣ 760 ҳазору 652 амалиёти ҳисоббаробаркунии ғайринақдии пардохти молу хизматрасонӣ ба маблағи 550 миллиону 17 ҳазор сомонӣ анҷом дода шудааст. Ин нишондиҳанда нисбат ба ҳамин давраи соли 2024 аз рӯи шумораи амалиёт 68 фоиз ва аз рӯи ҳаҷми маблағи гузаронида 6 маротиба афзоиш ёфтааст.
Раиси вилоят изҳор намуд, ки дар давраи ҳисоботӣ ба рушди соҳибкорӣ таваҷҷуҳи асосӣ зоҳир гардид. Мутобиқи маълумот, дар вилоят 9839 субъект ба қайд гирифта шудааст. Аз ҷумла, 9074 соҳибкори инфиродӣ ва 765 нафар шахсони ҳуқуқӣ ба андозбандӣ ҷалб гардидаанд, ки нисбат ба соли пеш 1057 субъекти хоҷагидор зиёд шудааст.
Иттилоъ дода шуд, ки дар вилоят 13 лоиҳаи давлатии сармоягузорӣ ба маблағи умумии 283,3 миллион доллар амалӣ шуда, маблағи умумии азхудшуда 217,1 миллион доллар ё 76,6 фоизи умумии лоиҳаҳоро ташкил медиҳад.
АКС: Мақомоти иҷроияи ҳокимияти давлатии Вилояти Мухтори Кӯҳистони Бадахшон
Ба «Трести чарогоҳу мелиоративӣ»-и Вазорати кишоварзии Тоҷикистон ду мошини махсуси чорвокашонӣ дастрас шуд
Кабк «Парандаи сол-2026» интихоб гардид
ИСТИФОДАИ САМАРАНОКИ ЗАМИН. Дар ноҳияи Ҷайҳун ҷамъоварии ҳосили сабзӣ аз кишти такрорӣ идома дорад
Дар Бонки миллии Тоҷикистон масъалаи сифати аудити берунаи ташкилотҳои суғуртавӣ баррасӣ гардид
Дар Душанбе татбиқи лоиҳаҳои муҳими стратегӣ дар соҳаи нақлиёт байни Тоҷикистон ва Чин баррасӣ гардид
«Саноатсодиротбонк» барои дастгирии соҳибкорӣ ва иқтисоди «сабз» «Иқдоми нав дар Соли нав»-ро роҳандозӣ менамояд
«Саҳифаи интернетии мутамарказ барои муқоисаи нархҳо/пешниҳодҳо»-и хизматрасониҳои молиявӣ таҳия карда мешавад
Байни Тоҷикистону Ҷопон Барномаи ҳамкории тиҷоративу иқтисодӣ барои солҳои 2026-2028 қабул карда мешавад
Доир ба имконоти рушди устувор ва сайёҳии экологии Резервати биосферии «Ромит» конфронси илмӣ баргузор гардид
Иҷрои «Стратегияи миллии мутобиқшавӣ ба тағйирёбии иқлими Ҷумҳурии Тоҷикистон барои давраи то соли 2030» натиҷагирӣ гардид
Дар вилояти Суғд ба маблағи беш аз 836 миллион доллар сармоягузории ватанию хориҷӣ ҷалб гардидааст
Воридоти панелҳои офтобӣ ба Тоҷикистон аз пардохти андоз аз арзиши иловашуда озод карда мешавад
