Маркази миллии тестӣ: сатҳи истифодаи хизматрасонии онлайнӣ аз ҷониби довталабон нигаронкунанда аст
ДУШАНБЕ, 06.08.2025. /АМИТ «Ховар»/. Бо мақсади осон намудани раванди бақайдгирӣ ва сарфаи вақти довталабону кормандони нуқтаҳои бақайдгирӣ дар заминаи сомонаи Маркази миллии тестии назди Президенти Ҷумҳурии Тоҷикистон хизматрасонии онлайнии «Пешномнависӣ» фаъолият менамояд. Ҳарчанд аз амалӣ гардидани ин хизматрасонӣ панҷ сол гузашта бошад ҳам, таҳлилҳо нишон доданд, ки довталабон аз ин хизматрасониҳо кам истифода мебаранд ва қонеъкунанда нест. Чунин изҳори нигаронӣ карда шуд 5 август дар нишасти матбуотии Маркази миллии тестии назди Президенти Ҷумҳурии Тоҷикистон.
Иброз гардид, ки низоми онлайнии «Пешномнависӣ» ба довталаб имкон медиҳад, ки маълумоти заруриро омода намуда, ба яке аз нуқтаҳои бақайдгирӣ барои расман номнавис кардани худ ҳозир шавад. Таҳлилҳои солҳои пеш нишон доданд, ки аз шумораи умумии шахсоне, ки аз ин хизматрасонӣ истифода мебаранд, ҳиссаи хеле камашон ба нуқтаи бақайдгирӣ ҳозир шуда, бо пешниҳоди рақами инфиродӣ расман аз қайд гузаштаанд.
Инчунин бо мақсади омодагии довталабон ба Имтиҳонҳои марказонидаи дохилшавӣ низоми онлайнии «Худро бисанҷ» барои довталабон таҳия карда шудааст. Онҳо имкон доранд ба ин восита дараҷаи донишу малакаи худро санҷида, бо намунаи саволу масъалаҳо барои Имтиҳонҳои марказонидаи дохилшавӣ ва тарзи иҷрои тестҳои имтиҳонӣ шинос шаванд.
Аммо, мутаассифона, омори истифода аз ин хизматрасонӣ низ нишон медиҳад, ки на ҳамаи довталабон аз он истифода мекунанд. Ҳол он ки ба ҳар довталаб донистани тарзи иҷрои тест хеле муҳим аст, зеро ин имкон медиҳад, ки ӯ дар вақти имтиҳони воқеӣ ба хато роҳ надиҳад, бахусус варақаи ҷавобҳоро дуруст пур кунад.
Ёдовар мешавем, ки солҳои охир таваҷҷуҳ ба иқтисоди рақамӣ ба яке аз ҳадафҳои муҳими ҳукумат табдил ёфтааст. Ин аст, ки Президенти Ҷумҳурии Тоҷикистон муҳтарам Эмомалӣ Раҳмон дар Паём ба Маҷлиси Олӣ бо мақсади вусъат бахшидан ба равандҳои инноватсионӣ ва истифодаи ҳамаҷонибаи имконияти технологияҳои рақамӣ дар иқтисодиёт пешниҳод намуданд, ки солҳои 2025 – 2030 Солҳои рушди иқтисоди рақамӣ ва инноватсия эълон карда шаванд.
Бояд гуфт, ки яке аз ҷанбаҳои муҳими ин раванд гузариш ба гардиши ҳуҷҷатҳои электронӣ дар мақомоти давлатӣ мебошад. Он на танҳо зарурати техникӣ, балки қадами муассир дар самти беҳтар намудани фаъолияти сохторҳои давлатӣ, баланд бардоштани шаффофият, фаврият, бехатарии гардиши ҳуҷҷатҳо ва беҳтар намудани сифати хизматрасонӣ ба шаҳрвандон мебошад.
Моҳинави НАВРӮЗ,
АМИТ «Ховар»
АКС: АМИТ «Ховар»
Дар Донишгоҳи давлатии омӯзгории Тоҷикистон бахшида ба Рӯзи Артиши миллӣ ҳамоиши фарҳангӣ баргузор гардид
Ҷаласаи кории ҳайати комиссияи ҷумҳуриявии озмуни «Шоҳномахонӣ» баргузор шуд
Зиракии сиёсӣ ва худшиносии миллӣ-омили муқовимат ба таҳдидҳои замони муосир
«КИТОБ — БЕҲТАРИН АРМУҒОН». Ба китобхонаи Донишгоҳи давлатии ҳуқуқ, бизнес ва сиёсати Тоҷикистон беш аз 200 китоб тақдим гардид
Дар Донишгоҳи давлатии ҳуқуқ, бизнес ва сиёсати Тоҷикистон оид ба рушди илму маориф ҳамоиш баргузор шуд
Дар назди Донишгоҳи байналмилалии забонҳои хориҷии Тоҷикистон ду шурои нави диссертатсионӣ таъсис ёфт
Дар Донишгоҳи давлатии Бохтар даври муассисавии Озмуни ҷумҳуриявии «Фурӯғи субҳи доноӣ китоб аст» баргузор гардид
ИЛМУ МАОРИФ БА ОЯНДАИ БОСАОДАТИ ДАВЛАТУ МИЛЛАТ ТАВЪАМ АСТ. Андешаҳо дар ҳошияи Паёми Президенти Тоҷикистон ба Маҷлиси Олӣ
Ҷаласаи гурӯҳи кории Озмуни ҷумҳуриявии «Илм – фурӯғи маърифат» баргузор шуд
Дар Душанбе дар нуҳ сол беш аз 54 мактаб ва 42 муассисаи томактабӣ сохта шудааст
Оид ба тамоюлҳои рушди психологияи муосир ва татбиқи он дар низоми таҳсилоти рақамӣ конференсияи байналмилалӣ доир шуд
«ИЛМ – ФУРӮҒИ МАЪРИФАТ». Барои баргузории ин озмуни ҷумҳуриявӣ зиёда аз 9 миллион сомонӣ ҷудо гардид
