НИШАСТИ МАТБУОТӢ. Сатҳи таваррум дар шашмоҳаи якуми соли 2025 1,8 фоизро ташкил намуд
ДУШАНБЕ, 01.08.2025 /АМИТ «Ховар»/. Сатҳи таваррум дар шашмоҳаи якуми соли 2025 1,8 фоизро ташкил намуд, ки нисбат ба ҳамин давраи соли 2024 0,1 банди фоизӣ кам мебошад. Чунин иброз намуд имрӯз Раиси Бонки миллии Тоҷикистон Фирдавс Толибзода дар нишасти матбуотӣ ба хабарнигорон.
Раиси Бонки миллии Тоҷикистон афзуд, ки ин нишондиҳанда асосан аз ҳисоби болоравии нархи маҳсулоти хӯрокворӣ 2,9 фоиз ва арзиши хизматрасониҳои пулӣ 3,4 фоиз ба амал омад.
Таварруми солона моҳи июни соли равон дар ҳудуди поёнии нишондиҳандаи мақсаднок -5 фоиз ±2 банди фоизӣ қарор дошта, 3,6 фоизро ташкил дод, ки нисбат ба ҳамин давраи соли қаблӣ 0,1 банди фоизӣ зиёд мебошад.
Ҳамзамон Фирдавс Толибзода иброз дошт, ки Бонки миллии Тоҷикистон дар шашмоҳаи якуми соли 2025 фаъолияти худро тибқи қонунгузории соҳавӣ ва вазифагузориҳое, ки аз Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ «Дар бораи самтҳои асосии сиёсати дохилӣ ва хориҷии Ҷумҳурии Тоҷикистон» бармеоянд, инчунин дар асоси «Самтҳои асосии сиёсати пулию қарзии Ҷумҳурии Тоҷикистон барои соли 2025 ва давраи миёнамуҳлат» амалӣ намуд, ки зимни он рушди босуботи молиявию иқтисодӣ таъмин карда шуд.
Марзия САИДЗОДА,
АМИТ «Ховар»
АКС: АМИТ «Ховар»
Дар шаҳру ноҳияҳои Хатлон корҳои безараргардонӣ бар зидди малах идома доранд
Ба кормандони Хадамоти гумруки Тоҷикистон тақвияти чораҳои зиддикоррупсионӣ тавзеҳ дода шуд
Дар Тоҷикистон дар беш аз 23 ҳазор гектар пунбадона кишт намудаанд
«ДОЛОНИ САБЗ». Роҳи «Данғара-Гулистон» дар доираи ин барнома навсозӣ карда мешавад
Дар Душанбе таҳкими ҳамкории Тоҷикистон бо БОР дар соҳаи обу энергетика баррасӣ шуд
ҚУРБИ АСЪОР: 1 доллари ИМА аз 9.5751 то 9.6000 сомонӣ муқаррар шудааст
Дар минтақаҳои кӯҳии Тоҷикистон саршумори бузи кӯҳии Морхӯр ба ҳисоб гирифта шуд
Марҳилаи дуюми лоиҳаи «Сохтмони шабакаҳои барқӣ дар деҳоти Ромит» оғоз гардид
Мубориза бо коррупсия омили калидии таҳкими давлатдории миллӣ аст
Дар ноҳияи Бобоҷон Ғафуров соҳаи саноат рушд меёбад
Кишоварзони шаҳри Панҷакент дар 2500 гектар картошкаи барвақтӣ кишт менамоянд
