Султон Раҳимзода ҷониби Қазоқистонро барои иштирок дар Форуми байналмилалии сармоягузории «Душанбе-Инвест 2025» даъват намуд
ДУШАНБЕ, 08.08.2025 /АМИТ «Ховар»/. 8 август дар ҳошияи ҷаласаи 19-уми Комиссияи байниҳукуматии Тоҷикистону Қазоқистон оид ба ҳамкории иқтисодӣ вохӯрии Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Султон Раҳимзода бо муовини вазири корҳои хориҷии Ҷумҳурии Қазоқистон Алибек Куантиров баргузор гардид. Дар ин хусус ба АМИТ «Ховар» аз Кумитаи давлатии сармоягузорӣ ва идораи амволи давлатии Ҷумҳурии Тоҷикистон иттилоъ доданд.
Зимни мулоқот масоили вазъи кунунӣ ва дурнамои рушди ҳамкории сармоягузории дуҷониба, аз ҷумла татбиқи лоиҳаҳои муштарак дар соҳаҳои афзалиятноки иқтисод мавриди баррасӣ қарор гирифт.
Ҷонибҳо ҳамчунин роҳҳои такмил додани фазои сармоягузорӣ, тақвияти заминаи ҳуқуқии ҳамкорӣ ва густариши робитаҳои мустақими доираҳои тиҷоратии ҳарду давлатро муҳокима намуданд.
Таъкид гардид, ки ҷонибҳо барои идомаи ҳамкории созанда омодагӣ доранд ва иҷрои тавофуқоти ҳосилшударо, ки ба таҳкими шарикии иқтисодӣ равона шудаанд, устуворона ҷонибдорӣ менамоянд.
Раиси Кумитаи давлатии сармоягузорӣ ва идораи амволи давлатӣ ҳамчунин ҷониби Қазоқистонро барои иштироки фаъолона дар Форуми байналмилалии сармоягузории «Душанбе-Инвест 2025», ки 14–16 октябри соли равон дар шаҳри Душанбе баргузор мегардад, даъват намуд.
Ҷониби Қазоқистон барои иштирок дар ин чорабинӣ изҳори омодагӣ намуда, баргузории чунин чорабиниҳоро фурсати муносиб барои шиносоӣ бо имконоти сармоягузорӣ ва тавсеаи робитаҳои тиҷоратию иқтисодии давлатҳо арзёбӣ кард.
АКС: Кумитаи давлатии сармоягузорӣ ва идораи амволи давлатии Ҷумҳурии Тоҷикистон
Вазири рушди иқтисод ва савдои Тоҷикистон дар чорабинии сатҳи баланди СПЕКА иштирок намуд
Файзиддин Қаҳҳорзода бо намояндагони Институти ҷаҳонии рушди сабз ва Комиссияи иқтисодӣ ва иҷтимоии СММ вохӯрӣ намуд
Ҷалби сармоя ба соҳаи фармасевтикаи Тоҷикистон бо иштироки сармоягузорони Чин баррасӣ гардид
Тоҷикистон ва Олмон ҳамкории иқтисодию тиҷоратиро густариш медиҳанд
Хуршед Мирзо дар Форуми дуюми Тян-Шон оид ба дастовард ва иқтидори инноватсионии Тоҷикистон маълумот пешниҳод намуд
Дар шаҳри Бӯстон хати нави истеҳсолӣ ва зеристгоҳи барқӣ ифтитоҳ гардид
Ҷаласаи шарҳи маҷмуии лоиҳаҳои сармоягузории давлатии аз ҷониби Бонки Осиёии рушд маблағгузоришаванда доир шуд
Лоиҳаҳои афзалиятноки инфрасохтори нақлиётии Тоҷикистон дар «Paris InfraWeek 2026» муаррифӣ гардиданд
Дар Душанбе оид ба афзалияти иқлимии Тоҷикистон дар остонаи COP31 ва муаррифии NDC 3.0 ҳамоиш доир шуд
Ҳайати Тоҷикистон дар Форуми дуюми Тян-шон оид ба ҳамкории иқтисодӣ дар Осиёи Марказӣ иштирок намуд
Дар Левакант ҷамъоварии ҳосили пахта беш аз 100 фоиз таъмин гардид
Ҷараёни иҷрои Стратегияи Ҷумҳурии Тоҷикистон дар соҳаҳои илм, технология ва инноватсия барои давраи то соли 2030 баррасӣ шуд
