Ҳайати Тоҷикистон дар муҳокимаи масъалаҳои муҳими иқтисодию молиявӣ дар доираи ИДМ иштирок намуд
ДУШАНБЕ, 26.09.2025 /АМИТ «Ховар»/. 24 сентябр дар шаҳри Еревани Ҷумҳурии Арманистон ҷаласаи навбатии Шурои ҳамоҳангсози роҳбарони мақомоти тафтиши андозии (молиявии) кишварҳои аъзои Иттиҳоди Давлатҳои Мустақил баргузор гардид, ки дар он ҳайати Агентии назорати давлатии молиявӣ ва мубориза бо коррупсияи Ҷумҳурии Тоҷикистон таҳти роҳбарии муовини директори Агентӣ Фирӯз Камолзода иштирок намуд.
Тавре ба АМИТ «Ховар» аз Агентии назорати давлатии молиявӣ ва мубориза бо коррупсия хабар доданд, дар ҷаласа намояндагони Озарбойҷон, Арманистон, Беларус, Қазоқистон, Қирғизистон, Федератсияи Русия, Узбекистон ва Кумитаи иҷроияи Иттиҳоди Давлатҳои Мустақил низ иштирок намуданд.
Зимни ҷаласа аз натиҷаи фаъолияти Шуро дар самти таҳкими сулҳу субот ва амнияти иқтисодӣ барои давраи соли 2025 натиҷагирӣ карда шуд.
Таъкид гардид, ки солҳои охир фаъолияти Шуро густариш ёфта, он дар таҳкими амнияти иқтисодии давлатҳои аъзои Иттиҳоди Давлатҳои Мустақил нақши калидӣ мебозад.
Илова бар ин, иштирокчиён дар доираи ҷаласа масъалаҳои муҳими мубориза бо ҷиноятҳои иқтисодӣ ва коррупсионӣ, ҷиноятҳои бо истифода аз дороиҳои рақамӣ содиршаванда, муқовимат ба маблағгузории терроризм ва ҷиноятҳои ба андоз алоқамандро, ки бо истифода аз интернет ва воситаҳои рақамии пардохт содир мешаванд, баррасӣ намуда, вобаста ба тарзу усулҳои ошкоркунии ҷиноятҳо дар ин самт табодули афкор намуданд.
Вобаста ба рӯзномаи ҷаласа қарорҳои дахлдор қабул гардида, бо назардошти вазъи кунунии ҷомеаи ҷаҳонӣ даъват карда шуд, ки барои боз ҳам пурзӯр намудани мубориза бо ҷинояткории фаромиллӣ ҳамкорӣ дар доираи Шуро тақвият дода шавад.
АКС: Агентии назорати давлатии молиявӣ ва мубориза бо коррупсияи Ҷумҳурии Тоҷикистон
Бахшида ба Рӯзи таъсиси мақомоти гумрук дар Душанбе маҷлиси тантанавӣ баргузор гардид
Ширкати «ACWA Power» дар доираи татбиқи тарҳи энергетикӣ дар Тоҷикистон неругоҳи офтобӣ месозад
22 ЯНВАР — РӮЗИ КОРМАНДОНИ МАҚОМОТИ ГУМРУК. Таъмини амнияти иқтисодии Тоҷикистон рисолати асосии ин мақомот аст
Дар Форуми иқтисодии СПЕКА нишондиҳандаҳои гардиши савдои хориҷии Тоҷикистон муаррифӣ карда шуд
Ҳамкории Тоҷикистон ва Бонки аврупоии сармоягузорӣ дар соҳаи гидроэнергетика тақвият меёбад
Дар «Тоҷикаэронавигатсия» масъалаи муқовимат ба коррупсия баррасӣ карда шуд
Барои татбиқи лоиҳа оид ба ҷорӣ намудани нақлиёти ҷамъиятии барқӣ дар Хатлон созишномаҳои қарзӣ ва грантӣ ба имзо расиданд
Дурнамои ҳамкории иқтисодӣ ва афзоиши гардиши савдои Тоҷикистон ва Британияи Кабир баррасӣ гардид
Дар Минтақаи озоди иқтисодии «Данғара» татбиқи лоиҳаҳои нави сармоягузорӣ бо сармоягузорони Чин баррасӣ гардид
Ҳайати Тоҷикистон дар намоишгоҳи «Ҳафтаи байналмилалии сабз» дар шаҳри Берлини Олмон иштирок дорад
ФЕСТИВАЛИ АНОРПАРВАРОН. Чӣ бояд кард, то дар бозорҳо анори тоҷикӣ фаровон гардад?
Фурудгоҳҳои байналмилалии Душанбе, Бохтар ва Кӯлоб навсозӣ мешаванд
