Ба ифтихори 34-солагии Истиқлоли давлатӣ дар Ёвон 7 иншоот ба истифода дода мешавад
ЁВОН, 04.09.2025./АМИТ«Ховар»/. Ба истиқболи ҷашни 34-солагии Истиқлоли давлатии Ҷумҳурии Тоҷикистон дар деҳаи Саъдӣ Шерозии Ҷамоати шаҳраки Ҳаёти нави ноҳияи Ёвон бинои иловагии Муассисаи таҳсилоти миёнаи умумии №54 мавриди истифода қарор мегирад. Дар ин хусус ба хабарнигори минтақавии АМИТ «Ховар» Субҳониддини Маҳмуд мудири шуъбаи маорифи ноҳияи Ёвон Раҷабмурод Муродализода иттилоъ дод.
Директори Муассисаи таҳсилоти миёнаи умумии №54 Оимноз Бойқозиева иброз намуд, ки «солҳои пеш ба мушкилии нарасидани ҷойи нишаст ва синфхонаҳо гирифтор будем. Хушбахтона, бо дастгирии Мақомоти иҷроияи ҳокимияти давлатии ноҳияи Ёвон ва саҳми сокинону соҳибкорони деҳа бинои иловагии муассисаи таълимиро иборат аз 8 синфхона бо ҷойгиршавии 200 хонанда дар як баст бунёд намудем. Дар ин бино кабинетҳои фаннӣ низ ҷойгир карда шудаанд. Бинои иловагӣ бо мизу курсиҳои нав ва дигар таҷҳизоту аёният муҷаҳҳаз гардонида шудааст».
Тибқи иттилои мудири бахши сохтмон ва меъмории ноҳияи Ёвон Темур Раҷабзода, бахшида ба ҷашни 34-солагии Истиқлоли давлатӣ дар ҷамоатҳои шаҳраку деҳоти ноҳияи Ёвон 7 иншоот- се бинои истиқоматии баландошёна бо 274 хонаи истиқоматӣ, бинои иловагии Муассисаи таҳсилоти миёнаи умумии №83 дар деҳаи Ғарчашмаи Ҷамоати деҳоти Даҳана бо 7 синфхонаи иловагӣ ва дар Ҷамоати деҳоти Обшорону Ҷамоати шаҳраки Ёвон мағозаҳои замонавию марказҳои хизматрасонӣ ба истифода дода мешаванд.
Бояд гуфт, ки дар ноҳияи Ёвон бунёду навсозии 561 иншооти таъйиноти гуногун ба нақша гирифта шудааст. То ин давра 502 иншоот мавриди истифода қарор дода шуда, дар иншооти боқимонда корҳои сохтмонӣ идома доранд.
АКС: АМИТ «Ховар»
Роҳи Ҳисор-шаҳраки Айнӣ пурра мумфарш гардида, мавриди истифода қарор гирифт
Пешвои миллат Эмомалӣ Раҳмон дар шаҳри Ваҳдат бо нашъунамои дарахтони хоҷагии ниҳолпарварӣ, намоиши маҳсулоти кишоварзӣ ва рафти кишти такрорӣ шинос шуданд
Президенти Ҷумҳурии Тоҷикистон Эмомалӣ Раҳмон дар шаҳри Ваҳдат корхонаи «Роял Бебӣ Тоҷикистон»-ро ба таври фосилавӣ ифтитоҳ намуданд
Сарвари давлат Эмомалӣ Раҳмон дар шаҳри Ваҳдат ба фаъолияти ҶДММ «Зиннат Гач» оғоз бахшиданд
Пешвои миллат Эмомалӣ Раҳмон дар шаҳри Ваҳдат корхонаи истеҳсоли хишти Ҷамъияти дорои масъулияти маҳдуди «Талант»-ро ба истифода доданд
Президенти Ҷумҳурии Тоҷикистон Эмомалӣ Раҳмон дар шаҳри Ваҳдат бинои шуъбаи Кумитаи давлатии амнияти миллиро ифтитоҳ намуданд
Сарвари давлат Эмомалӣ Раҳмон дар шаҳри Ваҳдат Муассисаи таҳсилоти миёнаи умумии №152-ро ифтитоҳ намуданд
Пешвои миллат Эмомалӣ Раҳмон дар шаҳри Ваҳдат бинои нави Беморхонаи кӯдаконаи зидди силро ба истифода доданд
Дар Амстердам 34-солагии Истиқлоли давлатии Тоҷикистонро таҷлил намуданд
35-СОЛАГИИ ИСТИҚЛОЛИ ДАВЛАТӢ. Дар шаҳру деҳоти Исфара корҳои ободонию созандагӣ вусъат меёбанд
Ҳифзи истиқлолу озодии давлат ва миллат аз рушди илму маориф вобастагӣ дорад
Дар Тоҷикистон ба соҳаи сохтмон зиёда аз 16 миллиард сомонӣ сармоягузорӣ равона карда шудааст
