Дар хоҷагиҳои кишоварзии Ҳисор маъракаи пахтачинӣ оғоз гардид
ДУШАНБЕ, 04.09.2025 /АМИТ «Ховар»/. Дар хоҷагиҳои кишоварзии шаҳри Ҳисор маъракаи пахтачинӣ оғоз гардид, иттилоъ медиҳад АМИТ «Ховар» бо истинод ба Мақомоти иҷроияи ҳокимияти давлатии шаҳри Ҳисор.
Дар оғози пахтачинӣ роҳбарияти шаҳри Ҳисор ва вакили Маҷлиси намояндагони Маҷлиси Олии Ҷумҳурии Тоҷикистон иштирок намуда, дар пахтазори хоҷагии кишоварзии «50-солагии Октябр» бо роҳбарону масъулони хоҷагӣ ва чинакчиёну кишоварзон суҳбат намуданд. Ҳамзамон ба деҳқонони хоҷагӣ барои парвариши ҳосили баланд изҳори сипос намуданд.
Дар саҳроҳои хоҷагӣ пахта хуб нашъунамо карда, умед аст, ки имсол пахтакорон ҳосили дилхоҳ мерӯёнанд.
Таъкид гардид, ки обу ҳавои зудтағйирёбандаи фасли тирамоҳ моро водор месозад, ки суръати чиниши пахтаро вусъат бахшида, барои сари вақт ҷамъоварӣ намудани ҳосил аз тамоми воситаю имконият истифода барем.
Дар идомаи суҳбат бо кишоварзон оид ба раванди ҷаҳонишавии олами сиёсӣ, иқтисодӣ, иҷтимоӣ ва фарҳангӣ, тағйирёбии иқлим дар сайёра, инчунин масъалаҳои ҳифзи асолат, арзишҳо ва қонунҳои миллӣ, анъана ва расму оинҳои миллӣ, таълиму тарбияи дурусти фарзандон, хосса духтарон ва ба меҳнат, илму ҳунар роҳнамоӣ кардани онҳо, пешгирӣ аз ҷаҳолату хурофотпарастӣ ва дигар масъалаҳои иҷтимоӣ ибрози назар карда шуд.
АКС: Мақомоти иҷроияи ҳокимияти давлатии шаҳри Ҳисор
Имрӯз дар шаҳри Душанбе ҳаво то 39 дараҷа гарм мешавад
27 июл дар Донишгоҳи давлатии тиҷорати Тоҷикистон ва Донишгоҳи славянии Тоҷикистон-Русия нишасти матбуотӣ баргузор мегардад
Донишгоҳи давлатии Бохтар ҳамкории байналмилалиро бо муассисаҳои хориҷӣ густариш медиҳад
Шаҳрвандон ва соҳибкорон тавассути ПОС – терминалҳо ва ҳамёнҳои электронӣ 3,7 миллион амалиёти ғайринақдӣ анҷом доданд
Имрӯз дар баъзе ноҳияҳои Тоҷикистон чангу ғубор боқӣ мемонад
Имрӯз дар доманакӯҳҳои Тоҷикистон ҳаво то 34 дараҷа гарм мешавад
Дар ду басти истироҳатгоҳи «Дурахшон» 230 нафар кӯдакону наврасон ба фароғат фаро гирифта шуданд
Имрӯз дар водиҳои Тоҷикистон ҳаво то 32 дараҷа гарм мешавад
