Дар Ёвон ба муносибати 34-солагии Истиқлоли давлатӣ дар Хона-интернати пиронсолон ва маъюбон чорабинии идона баргузор гардид
ДУШАНБЕ, 10.09.2025 /АМИТ «Ховар»/. Дар доираи таҷлил аз ҷашни 34-солагии Истиқлоли давлатии Ҷумҳурии Тоҷикистон дар Муассисаи давлатии Хона-интернати пиронсолон ва маъюбони ноҳияи Ёвон бо ташаббуси Мақомоти иҷроияи ҳокимияти давлатии ноҳия ва дастгирии роҳбарияти ҶСК «Муқим-1» чорабинӣ ва зиёфати идона доир гардид. Дар ин хусус ба АМИТ «Ховар» аз Мақомоти иҷроияи ҳокимияти давлатии ноҳияи Ёвон хабар доданд.
Дар чорабинӣ раиси ноҳияи Ёвон Икромиддин Вализода зимни суханронӣ аҳамияти дастгирии табақаҳои эҳтиёҷмандро дар сиёсати иҷтимоии давлат таъкид намуда, тазаккур дод, ки ғамхорӣ ба пиронсолон ва маъюбон яке аз самтҳои муҳимтарини фаъолияти Ҳукумати мамлакат мебошад.
Изҳор карда шуд, ки пиронсолон ва маъюбон дороии маънавӣ ва такягоҳи таҷрибаи наслҳои имрӯза мебошанд ва ҷомеа ҳамеша бояд ба қадри онҳо расад.
Дар идома таъкид гардид, ки истиқлолияти давлатӣ ба мардуми Тоҷикистон имконият дод, то дар роҳи бунёди давлати демократӣ, ҳуқуқбунёд ва иҷтимоӣ ба дастовардҳои назаррас ноил гарданд. Бо роҳбарии Пешвои миллат муҳтарам Эмомалӣ Раҳмон дар кишвар барои беҳбудии сатҳи зиндагии мардум корҳои бузурги созанда амалӣ мегарданд, ки дар ин раванд саҳми соҳибкорон ва шахсони саховатманд басо арзанда мебошад.
Иброз гардид, ки маъюбӣ маънои нотавонӣ надорад. Имрӯз маъюбон бо вуҷуди маҳдудият дар соҳаҳои варзиш, санъат ва ҳунармандӣ дастовардҳои назаррас доранд ва ҳамчун аъзои фаъоли ҷомеа бо ирода, матонат ва дониш намунаи ибратанд.
Дар анҷом гуфта шуд, ки Мақомоти иҷроияи ҳокимияти давлатии ноҳияи Ёвон дар ҳамбастагӣ бо ҷомеаи шаҳрвандӣ ва соҳибкорон барои дастгирии шахсони дорои маъюбият ва фароҳам овардани шароити шоиста пайваста талош хоҳад кард.
АКС: Мақомоти иҷроияи ҳокимияти давлатии ноҳияи Ёвон
Президенти Ҷумҳурии Тоҷикистон Эмомалӣ Раҳмон дар шаҳри Бохтар бинои нави маъмурӣ ва хобгоҳро дар қисми ҳарбии 3503-и Қӯшунҳои дохилии Вазорати корҳои дохилӣ ифтитоҳ намуданд
Сарвари давлат Эмомалӣ Раҳмон дар шаҳри Бохтар бинои иловагии таълимии Коллеҷи тиббии инноватсиониро мавриди истифода қарор доданд
Пешвои миллат Эмомалӣ Раҳмон дар шаҳри Бохтар бинои хобгоҳи донишҷӯёни Донишгоҳи давлатии Бохтар ба номи Носири Хусравро ифтитоҳ намуданд
Президенти Ҷумҳурии Тоҷикистон Эмомалӣ Раҳмон ба таври фосилавӣ як иншооти соҳаи маориф ва як корхонаи саноатиро дар минтақаи саноатии шаҳри Левакант ифтитоҳ намуданд
Сарвари давлат Эмомалӣ Раҳмон дар шаҳри Бохтар Муассисаи таҳсилоти миёнаи умумии №17-ро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Бохтар бинои баландошёнаи истиқоматии хайриявии Эҳсонро бо маркази савдо ва хизматрасонӣ ба истифода доданд
Сарвари давлат Эмомалӣ Раҳмон дар шаҳри Бохтар ҶДММ «Шифобахши Аср»-ро ба истифода доданд
Президенти Ҷумҳурии Тоҷикистон Эмомалӣ Раҳмон 7 муассисаи соҳаи маорифро ба таври фосилавӣ ифтитоҳ намуда, бо лоиҳаҳои бунёди 4 муассисаи соҳаи маориф ва 1 иншооти соҳаи варзиш шинос шуданд
Пешвои миллат Эмомалӣ Раҳмон дар шаҳри Бохтар бинои Муассисаи таҳсилоти томактабии хусусӣ ва маркази инкишофи кӯдакро ба истифода доданд
Президенти Ҷумҳурии Тоҷикистон Эмомалӣ Раҳмон дар ноҳияи Ҷалолидини Балхӣ ба фаъолияти Корхонаи макарони «Руми Паста» оғоз бахшиданд
Сарвари давлат Эмомалӣ Раҳмон дар ноҳияи Ҷалолиддини Балхӣ корхонаи орди ба номи Маҷид Ҳафизовро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар ноҳияи Ҷайҳун Муассисаи таҳсилоти миёнаи умумии рақами 53-ро ба истифода доданд
