Дар бораи нақши Пешвои миллат дар таҳкими Истиқлоли давлатӣ ҳамоиши идона доир шуд
ДУШАНБЕ, 06.09.2025 /АМИТ «Ховар»/. 4 сентябр бо ташаббуси Хадамоти иҷрои назди Ҳукумати Ҷумҳурии Тоҷикистон якҷо бо Иттифоқи нависандагони Тоҷикистон таҳти унвони «Нақши Пешвои миллат дар таҳкими Истиқлоли давлатӣ» бахшида ба 34-солагии Истиқлолияти давлатии Ҷумҳурии Тоҷикистон ҳамоиши идона баргузор гардид. Дар ин хусус ба АМИТ «Ховар» аз Хадамоти иҷро хабар доданд.
Сардори Хадамоти иҷро Аҳтам Абдуллозода иброз дошт, ки «имрӯз истиқлолият бо шарофати роҳбарии хирадмандонаи Президенти Ҷумҳурии Тоҷикистон муҳтарам Эмомалӣ Раҳмон ба рамзи нангу номуси миллӣ, манбаи ифтихор ва сарчашмаи худшиносиву худогоҳии ҳар фарди тоҷик табдил ёфтааст. Неруманд гардидани пояҳои давлатдорӣ, пешрафти соҳаҳои иқтисодиву иҷтимоӣ, таҳкими амнияти миллӣ ва болоравии нуфузи Тоҷикистон дар арсаи байналмилалӣ натиҷаи заҳмату талошҳои хастагинопазир ва самараи меҳнатҳои шабонарӯзии Пешвои миллат маҳсуб мешавад».
Бояд ҳар фарди тоҷик аз неъмати истиқлолу озодӣ шукрона намояд ва бо эҳсоси баланди худшиносиву худогоҳии миллӣ, арҷгузорӣ ба талошҳои пайвастаи давлату Ҳукумати мамлакат қиматтарин ганҷинаи ноёби миллат — Истиқлоли давлатиро пос дошта, барои якпорчагии ватани маҳбуб, пойдории ваҳдати миллӣ, таъмини сулҳу субот ва муқаддасоти давлатӣ талош намояд.
Раиси Иттифоқи нависандагони Тоҷикистон Низом Қосим истиқлолиятро калиди озодӣ ва рамзи бедории миллӣ арзёбӣ намуда, бо ишора ба нақши адабиёт дар пойдории истиқлолият иброз дошт, ки адабиёт ҳамеша сутуни маънавии давлатдорӣ ва шиносномаи руҳонии миллат будааст. Агар истиқлолият пояи сиёсию ҳуқуқии озодии давлат бошад, адабиёт маънавияту маърифати онро мустаҳкам месозад. Каломи шоир ва андешаи нависанда метавонад дар қалби миллат нур афканда, барояш роҳнамои маънавӣ бошад.
Дар ҷамъомад як зумра адибону шоирони мамлакат бо ҷоизаҳои адабии ба номи «Мирзо Турсунзода», «Садриддин Айнӣ» ва кормандони Хадамоти иҷро барои хизматҳои арзанда, масъулиятшиносӣ ва саҳми назаррас дар пешбурди сиёсати давлатии соҳаи истеҳсолоти иҷро бо мукофотҳои соҳавӣ, аз ҷумла «Корманди фахрии мақомоти иҷро», ифтихорномаҳо ва рутбаҳои дараҷавию тахассусӣ қадрдонӣ гардиданд.
Барномаи фарҳангӣ бо иштироки ҳунармандони ҷумҳурӣ ба чорабинӣ фазои идона бахшид.
АКС: Хадамоти иҷрои назди Ҳукумати Ҷумҳурии Тоҷикистон
Президенти Ҷумҳурии Тоҷикистон Эмомалӣ Раҳмон дар шаҳри Бохтар бинои нави маъмурӣ ва хобгоҳро дар қисми ҳарбии 3503-и Қӯшунҳои дохилии Вазорати корҳои дохилӣ ифтитоҳ намуданд
Сарвари давлат Эмомалӣ Раҳмон дар шаҳри Бохтар бинои иловагии таълимии Коллеҷи тиббии инноватсиониро мавриди истифода қарор доданд
Пешвои миллат Эмомалӣ Раҳмон дар шаҳри Бохтар бинои хобгоҳи донишҷӯёни Донишгоҳи давлатии Бохтар ба номи Носири Хусравро ифтитоҳ намуданд
Президенти Ҷумҳурии Тоҷикистон Эмомалӣ Раҳмон ба таври фосилавӣ як иншооти соҳаи маориф ва як корхонаи саноатиро дар минтақаи саноатии шаҳри Левакант ифтитоҳ намуданд
Сарвари давлат Эмомалӣ Раҳмон дар шаҳри Бохтар Муассисаи таҳсилоти миёнаи умумии №17-ро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Бохтар бинои баландошёнаи истиқоматии хайриявии Эҳсонро бо маркази савдо ва хизматрасонӣ ба истифода доданд
Сарвари давлат Эмомалӣ Раҳмон дар шаҳри Бохтар ҶДММ «Шифобахши Аср»-ро ба истифода доданд
Президенти Ҷумҳурии Тоҷикистон Эмомалӣ Раҳмон 7 муассисаи соҳаи маорифро ба таври фосилавӣ ифтитоҳ намуда, бо лоиҳаҳои бунёди 4 муассисаи соҳаи маориф ва 1 иншооти соҳаи варзиш шинос шуданд
Пешвои миллат Эмомалӣ Раҳмон дар шаҳри Бохтар бинои Муассисаи таҳсилоти томактабии хусусӣ ва маркази инкишофи кӯдакро ба истифода доданд
Президенти Ҷумҳурии Тоҷикистон Эмомалӣ Раҳмон дар ноҳияи Ҷалолидини Балхӣ ба фаъолияти Корхонаи макарони «Руми Паста» оғоз бахшиданд
Сарвари давлат Эмомалӣ Раҳмон дар ноҳияи Ҷалолиддини Балхӣ корхонаи орди ба номи Маҷид Ҳафизовро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар ноҳияи Ҷайҳун Муассисаи таҳсилоти миёнаи умумии рақами 53-ро ба истифода доданд
