Лоиҳаҳои сохтмони НБО-и «Роғун» ва таҷдиди НБО-и «Норак» бо ҳайати Бонки ҷаҳонӣ баррасӣ гардид

ДУШАНБЕ, 16.09.2025 /АМИТ «Ховар»/. Масоили рушд ва тақвияти ҳамкорӣ дар соҳаи энергетика байни Ҷумҳурии Тоҷикистон ва Бонки ҷаҳонӣ дар меҳвари мулоқоти Вазири энергетика ва захираҳои оби Ҷумҳурии Тоҷикистон Далер Ҷумъа бо ҳайати Бонки ҷаҳонӣ қарор гирифт. Дар ин хусус АМИТ «Ховар» бо истинод ба Вазорати энергетика ва захираҳои оби Ҷумҳурии Тоҷикистон иттилоъ медиҳад.
Дар мулоқот ҷонибҳо лоиҳаҳои сохтмони Неругоҳи барқи обии «Роғун», таҷдиди Неругоҳи барқи обии «Норак» ва «Барномаи солимгардонии молиявии соҳаи энергетика»-ро баррасӣ намуданд.
АКС: Вазорати энергетика ва захираҳои оби Ҷумҳурии Тоҷикистон