126 ҳазор нусха китоби «Шоҳнома»-и Абулқосим Фирдавсӣ ба сокинони ноҳияи Рӯдакӣ тақдим мегардад
РӮДАКӢ, 01.10.2025 /АМИТ «Ховар»/. Дар ноҳияи Рӯдакӣ шоҳасари безаволи Абулқосим Фирдавсӣ- «Шоҳнома» аз ҷониби гурӯҳи корӣ ба сокинон тақдим мегардад. Ин асари бебаҳо ба собиқадорони Ҷамоати деҳоти Сарикиштии ин ноҳия, аз ҷумла ба нависанда Кароматулло Мирзо, собиқадор Эмомалӣ Забиров, деҳқони асил Ҳаитмаҳмад Каримов тақдим гардид. Дар ин хусус ба хабарнигори минтақавии АМИТ «Ховар» Субҳониддини Маҳмуд аз Мақомоти иҷроияи ҳокимияти давлатии ноҳияи Рӯдакӣ иттилоъ доданд.
Тибқи иттилои масъулин, ба ноҳия 126 ҳазор нусха китоби «Шоҳнома»-и Абулқосим Фирдавсӣ ворид гардидааст. Имрӯзҳо аъзои гурӯҳи корӣ китоби мазкурро дар ҷамоатҳои шаҳраку деҳоти ноҳия ба ҳар хонавода тақдим доранд. Ин иқдом ба баланд бардоштани ҳувияти миллӣ, бедор намудани ҳисси ватандӯстӣ, огоҳӣ аз таърихи гузаштаи миллати тоҷик ва дарки дурусти таърих аз ҷониби шаҳрвандон нигаронида шудааст.
Бояд гуфт, ки «Шоҳнома»-и Абулқосим Фирдавсӣ яке аз асарҳои безаволи адабиёти тоҷик буда, арзишҳои таърихӣ, фарҳангӣ ва маънавии миллати тоҷикро инъикос менамояд. Пешвои миллат муҳтарам Эмомалӣ Раҳмон борҳо таъкид намудаанд, ки мутолиаи чунин китобҳо барои худшиносӣ, худогоҳӣ ва ифтихори миллӣ аҳамияти калон дорад. Аз ҷониби Сарвари давлат туҳфа гардидани ин китоб ба ҳар хонавода иқдоми арзишманд, арҷгузорӣ ба таъриху фарҳанги миллати бостонӣ ва тамаддунофари тоҷик буда, ба таҳкими худшиносии миллии ҳар оила ва ҳар сокини ноҳия таъсири амиқ мерасонад.
Сокинони ноҳияи Рӯдакӣ ин туҳфаи арзишмандро бо шодмонӣ ва ҳисси хушҳолӣ пазируфта, ба Пешвои миллат миннатдории самимӣ баён намуданд.
АКС: Мақомоти иҷроияи ҳокимияти давлатии ноҳияи Рӯдакӣ
«ҲИФЗИ МЕРОС». Бо мақсади муаррифии сазовори таъриху фарҳанги миллати тоҷик маҷаллаи илмӣ ба нашр расид
РӮЗҲОИ ФАРҲАНГИ ЧИН ДАР ТОҶИКИСТОН. Дар Донишкадаи давлатии фарҳанг ва санъат барномаи фарҳангӣ доир шуд
«МАВЛОНО ВА ТАМАДДУНИ ИНСОНӢ». Ин китоби Президенти Ҷумҳурии Тоҷикистон дар озмуни байналмилалӣ сазовори ҷойи якум гардид
Байни АМИТ «Ховар» ва Агентии иттилоотии «S.P.A»-и Арабистони Саудӣ Ёддошти тафоҳум оид ба ҳамкорӣ дар соҳаи мубодилаи иттилоот ба имзо расид
Дар Эрон Фестивали байналмилалии «Фаҷр» баргузор гардид
Сокинони шаҳри Бӯстон соҳиби туҳфаи арзандаи Пешвои миллат — «Шоҳнома»-и Ҳаким Фирдавсӣ мегарданд
Раиси Маҷлиси Бузурги Миллии Туркия дар Осорхонаи миллии Тоҷикистон бо таъриху фарҳанги миллати тоҷик шинос шуд
Дар Ҷумҳурии Тоҷикистон Рӯзҳои фарҳанги Ҷумҳурии Мардумии Чин ифтитоҳ шуданд
Ҳайати ҳунарии Ҷумҳурии Мардумии Чин бо Осорхонаи миллии Тоҷикистон шинос шуд
Раиси Маҷлиси Бузурги Миллии Туркия бо мамнуъгоҳи таърихию фарҳангии Ҳисор шинос шуд
Рӯзҳои фарҳанги Ҷумҳурии Мардумии Чин дар Ҷумҳурии Тоҷикистон ифтитоҳ меёбанд
Туҳфаи арзандаи Пешвои миллат — «Шоҳнома»-и Абулқосим Фирдавсӣ ба 60 ҳазор оилаи шаҳри Панҷакент тақдим мегардад
