35-СОЛАГИИ ИСТИҚЛОЛИ ДАВЛАТӢ. Дар Бадахшон 11 мактаб ва 45 муассисаи томактабӣ сохта мешавад
ДУШАНБЕ, 02.10.2025. /АМИТ «Ховар»/. Дар асоси дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон танҳо дар се соли охир дар Вилояти Мухтори Кӯҳистони Бадахшон 25 муассисаи нави таълимӣ ва 36 муассисаи томактабӣ бунёд карда шуд. Ин раванд идома ёфта, то таҷлили 35-солагии Истиқлоли давлатии Тоҷикистон боз 11 мактаб ва 45 муассисаи томактабӣ мавриди истифода қарор мегиранд. Дар ин хусус ба АМИТ «Ховар» аз Мақомоти иҷроияи ҳокимияти давлатии Вилояти Мухтори Кӯҳистони Бадахшон хабар доданд.
Ёдовар мешавем, ки Президенти мамлакат муҳтарам Эмомалӣ Раҳмон 28 июни соли равон зимни мулоқот бо роҳбарон ва фаъолони Вилояти Мухтори Кӯҳистони Бадахшон дар шаҳри Хоруғ иброз доштанд, ки давоми солҳои соҳибистиқлолӣ дар шаҳру ноҳияҳои вилоят ба маблағи 500 миллион сомонӣ 221 бинои нави таълимӣ бо 44 ҳазор ҷойи нишаст сохта, ба истифода дода шудааст.
Танҳо дар доираи сафари кории Сарвари давлат моҳи июн дар шаҳру ноҳияҳои вилоят 32 муассисаи томактабӣ барои 1570 ҷойи нишаст мавриди истифода қарор дода шуд.
Президенти Ҷумҳурии Тоҷикистон муҳтарам Эмомалӣ Раҳмон ба масъулини дахлдор дастуру супориш доданд, ки дар 5 соли оянда барои фарогирии 50 фоизи кӯдакони синни томактабӣ 800 муассисаи томактабӣ ва 1000 муассисаи таҳсилоти миёнаи умумӣ бунёд намоянд.
Иттилоъ дода шуд, ки соли 2024 аз ҷониби Ҳукумати мамлакат беш аз 400 нафар ҷавонони вилоят барои таҳсил ба муассисаҳои таҳсилоти олии хориҷи мамлакат фиристода шуданд.
Дар замони соҳибистиқлолӣ беш аз 6 ҳазору 400 нафар ҷавонони вилоят муассисаҳои таҳсилоти олии касбии кишварҳои хориҷиро хатм карданд.
Бояд гуфт, ки тибқи нақшаи қабули донишҷӯён ба муассисаҳои таҳсилоти олии касбии мамлакат, дар асоси квотаи президентӣ барои ҷавонони вилоят ҳар сол 200 ҷой пешбинӣ гардидааст.
«Дар маҷмуъ, аз соли 1997 то инҷониб аз вилоят 4 ҳазор нафар, аз ҷумла беш аз 2 ҳазор нафар духтарон тибқи квотаи президентӣ ба донишгоҳу донишкадаҳои ҷумҳурӣ дохил шудаанд. Қисми зиёди онҳо дар бахшҳои мухталифи шаҳру ноҳияҳои вилоят ва мамлакат аллакай муваффақона фаъолият доранд»,-баён доштанд Сарвари давлат.
АКС: Мақомоти иҷроияи ҳокимияти давлатии Вилояти Мухтори Кӯҳистони Бадахшон
Дар Суғд ҳаҷми маблағгузорӣ аз ҷониби аҳолӣ беш аз 3 маротиба зиёд шудааст
Ба муносибати 35-солагии Истиқлоли давлатӣ ва Рӯзи Парчами Тоҷикистон дар Рашт панҷ иншоот ба истифода дода шуд
Бахшида ба Рӯзи Парчами давлатӣ дар ноҳияи Рӯдакӣ ҳамоиши тантанавӣ доир шуд
Сарвазири Тоҷикистон Қоҳир Расулзода дар ноҳияҳои Абдураҳмони Ҷомӣ ва Дӯстӣ бо корҳои ободонию созандагӣ ва саривақт ҷамъоварӣ намудани ҳосили пахта шинос шуд
35-СОЛАГИИ ИСТИҚЛОЛИ ДАВЛАТӢ. Дар Балҷувон 180 иншооти таъйиноти гуногун ба истифода дода шуд
Пешвои миллат Эмомалӣ Раҳмон дар Фурудгоҳи байналмилалии Хуҷанд бинои Маҷмааи хизматрасонии техникии парвозҳоро ба истифода доданд
Сарвари давлат Эмомалӣ Раҳмон 3 қитъаи роҳи мошингарди Деҳмой-Конибодом — Деҳмой-Бобоҷон Ғафуров, Бобоҷон Ғафуров-Хистеварз ва Кучкак-Конибодомро мавриди баҳрабардорӣ қарор доданд
Дар Кувайт ҷашнҳои давлатии Тоҷикистон таҷлил гардиданд
Пешвои миллат Эмомалӣ Раҳмон таври фосилавӣ 6 иншооти таъйиноти гуногунро дар ноҳияи Бобоҷон Ғафуров ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар ноҳияи Бобоҷон Ғафуров коргоҳи истеҳсоли маҳсулоти пластикии ҶДММ «Чавроқ»-ро мавриди баҳрабардорӣ қарор доданд
Сарвари давлат Эмомалӣ Раҳмон дар шаҳри Гулистон ба таври фосилавӣ як иншооти соҳаи тандурустӣ, ду корхонаи саноатӣ ва як сардхонаро ифтитоҳ намуданд
Пешвои миллат Эмомалӣ Раҳмон дар шаҳри Гулистон корхонаи истеҳсоли ранг ва хокаи хушки сохтмонии ҶДММ «Тиглат»-ро ба истифода доданд
