Ҳамкорӣ байни Тоҷикистон ва Фаронса дар соҳаи авиатсия тақвият меёбад
ДУШАНБЕ, 13.10.2025 /АМИТ «Ховар»/. 13 октябр Директори Агентии авиатсияи граждании назди Ҳукумати Ҷумҳурии Тоҷикистон Ҳабибулло Назарзода бо Сафири Фавқулодда ва Мухтори Ҷумҳурии Фаронса дар Ҷумҳурии Тоҷикистон хонум Элза Пинёл мулоқот намуда, масъалаҳои ба роҳ мондани ҳамкорӣ бо ширкати истеҳсолкунандаи киштиҳои ҳавоии «Airbus» ва ширкатҳои сармоягузории Ҷумҳурии Фаронса барои рушди соҳаи авиатсияи гражданӣ ва ҷалби сармояи хориҷиро баррасӣ намуданд.
АМИТ «Ховар» бо истинод ба Агентии авиатсияи граждании назди Ҳукумати Ҷумҳурии Тоҷикистон иттилоъ медиҳад, ки ҷонибҳо ҳамзамон масъалаи ба роҳ мондани парвозҳои мустақим байни Тоҷикистон ва Фаронсаро баррасӣ карданд.
Директори Агентии авиатсияи граждании назди Ҳукумати Ҷумҳурии Тоҷикистон иброз намуд, ки баъди қабули Қарори Ҳукумати Ҷумҳурии Тоҷикистон «Дар бораи ҷорӣ намудани сиёсати осмони кушод» Ҷамъияти саҳомии кушодаи «Фурудгоҳи байналмилалии Душанбе» ба ҳама намуди хизматрасониҳо тахфиф эълон намуд.
Агентии авиатсияи гражданӣ омода аст, ки бо ширкатҳои ҳавопаймоии фаронсавӣ ба воситаи 4 фурудгоҳи Тоҷикистон: Ҷамъияти саҳомии кушодаи «Фурудгоҳи байналмилалии Душанбе», Ҷамъияти саҳомии кушодаи «Фурудгоҳи байналмилалии Хуҷанд», Ҷамъияти саҳомии кушодаи «Фурудгоҳи байналмилалии Кӯлоб» ва Ҷамъияти саҳомии кушодаи «Фурудгоҳи байналмилалии Бохтар» ҳамкорӣ намояд.
Чунин вохӯриҳо дар рушди соҳаи авиатсияи граждании Тоҷикистон нақши муассир мегузоранд.
АКС: Агентии авиатсияи граждании назди Ҳукумати Ҷумҳурии Тоҷикистон
Бахшида ба Рӯзи таъсиси мақомоти гумрук дар Душанбе маҷлиси тантанавӣ баргузор гардид
Ширкати «ACWA Power» дар доираи татбиқи тарҳи энергетикӣ дар Тоҷикистон неругоҳи офтобӣ месозад
22 ЯНВАР — РӮЗИ КОРМАНДОНИ МАҚОМОТИ ГУМРУК. Таъмини амнияти иқтисодии Тоҷикистон рисолати асосии ин мақомот аст
Дар Форуми иқтисодии СПЕКА нишондиҳандаҳои гардиши савдои хориҷии Тоҷикистон муаррифӣ карда шуд
Ҳамкории Тоҷикистон ва Бонки аврупоии сармоягузорӣ дар соҳаи гидроэнергетика тақвият меёбад
Дар «Тоҷикаэронавигатсия» масъалаи муқовимат ба коррупсия баррасӣ карда шуд
Барои татбиқи лоиҳа оид ба ҷорӣ намудани нақлиёти ҷамъиятии барқӣ дар Хатлон созишномаҳои қарзӣ ва грантӣ ба имзо расиданд
Дурнамои ҳамкории иқтисодӣ ва афзоиши гардиши савдои Тоҷикистон ва Британияи Кабир баррасӣ гардид
Дар Минтақаи озоди иқтисодии «Данғара» татбиқи лоиҳаҳои нави сармоягузорӣ бо сармоягузорони Чин баррасӣ гардид
Ҳайати Тоҷикистон дар намоишгоҳи «Ҳафтаи байналмилалии сабз» дар шаҳри Берлини Олмон иштирок дорад
ФЕСТИВАЛИ АНОРПАРВАРОН. Чӣ бояд кард, то дар бозорҳо анори тоҷикӣ фаровон гардад?
Фурудгоҳҳои байналмилалии Душанбе, Бохтар ва Кӯлоб навсозӣ мешаванд
