Байни «Сомон Эйр» ва ширкати чинии «Shanghai Haizhu Engineering & Design Group» Ёддошти ҳамкорӣ ба имзо расид
ДУШАНБЕ, 28.10.2025 /АМИТ «Ховар»/. Байни ширкати ҳавопаймоии «Сомон Эйр» ва ширкати чинии «Shanghai Haizhu Engineering & Design Group» Ёддошти ҳамкорӣ ба имзо расид, ки он таҳияи асосноккунии техникию иқтисодии лоиҳаи ангарро дар бар мегирад, иттилоъ медиҳад АМИТ «Ховар» бо истинод ба ширкати ҳавопаймоии «Сомон Эйр».
Ин санад дар доираи мулоқоти роҳбарияти ширкати ҳавопаймоии «Сомон Эйр» бо намояндагони ширкати чинии «Shanghai Haizhu Engineering & Design Group Co., Ltd» (HIZ) ба имзо расид.
Ёдовар мешавем, ки «Shanghai Haizhu Engineering & Design Group Co., Ltd» аз ширкатҳои пешсафи Ҷумҳурии Мардумии Чин буда, дар соҳаи тарроҳӣ ва сохтмони зерсохтори авиатсионӣ муваффақ аст. Он ба даҳгонаи беҳтарин ширкатҳои сохтмонии фурудгоҳҳои Чин шомил мебошад.
Дар ҷараёни музокирот ҷонибҳо дурнамои ҳамкориро дар самти рушди зерсохторҳои фурудгоҳии Ҷумҳурии Тоҷикистон баррасӣ намуданд. Ба масъалаҳои тарроҳӣ ва сохтмони биноҳои (ангар) хизматрасонии техникӣ ба ҳавопаймоҳо таваҷҷуҳ зоҳир карда шуд.
Ширкати «Shanghai Haizhu Engineering & Design Group Co., Ltd», ки соли 2001 таъсис ёфтааст, дар соҳаи тарроҳии меъморӣ ва сохтмони иншооти бузурги зерсохторҳои авиатсионӣ дорои таҷрибаи бисёрсола мебошад. Ҳамкорӣ бо ин ширкати бонуфуз барои муосирсозии зерсохтори техникии авиатсионии Тоҷикистон ва рушди иқтидори хизматрасонии техникии ҳавопаймоҳо имкониятҳои навро фароҳам меорад.
АКС: «Сомон Эйр»
Ҳайати Тоҷикистон дар намоишгоҳи «Ҳафтаи байналмилалии сабз» дар шаҳри Берлини Олмон иштирок дорад
ФЕСТИВАЛИ АНОРПАРВАРОН. Чӣ бояд кард, то дар бозорҳо анори тоҷикӣ фаровон гардад?
Фурудгоҳҳои байналмилалии Душанбе, Бохтар ва Кӯлоб навсозӣ мешаванд
Ҳамкории Тоҷикистон ва Покистон дар соҳаҳои иқтисоду тиҷорат густариш меёбад
Данғара – Гулистон — аввалин роҳи мошингарди Тоҷикистон, ки бо тарҳи «роҳҳои сабз» навсозӣ мешавад
Беш аз 22 фоиз сармоягузории ба рушди Шабакаи нақлиётии АвруОсиё равонашуда ба кишварҳои Осиёи Марказӣ рост меояд
«ТОҶИКИСТОН-2026». Дар Душанбе Намоишгоҳи байналмилалии универсалӣ доир мегардад
Ҳамкории Тоҷикистон бо Иттиҳоди Аврупо дар соҳаи энергетика ва захираҳои об густариш меёбад
Татбиқи лоиҳаҳои сармоягузорӣ дар самти энергияи барқароршаванда байни Тоҷикистон ва Ҳиндустон баррасӣ шуд
ИСЛОҲОТ ДАР НИЗОМИ ИҶОЗАТДИҲӢ. Тоҷикистон фазои маъмуриро барои соҳибкорону сармоягузорон мусоидтар намуд
Дар Тоҷикистон кадом бахши кишоварзӣ аз андоз аз арзиши иловашуда ва боҷи гумрукӣ пурра озод мебошад?
Лоиҳаи «Барномаи давлатии рушди инноватсионии соҳаи пахтакорӣ барои солҳои 2026-2030» таҳия мегардад
