Бонки миллии Тоҷикистон ҳамкориро бо Бонки миллии Швейтсария тақвият медиҳад
ДУШАНБЕ, 20.10.2025 /АМИТ «Ховар»/. Масъалаҳои муҳими ҳамкории мутақобил байни Бонки миллии Тоҷикистон ва Бонки миллии Швейтсария дар мулоқоти Раиси Бонки миллии Тоҷикистон Фирдавс Толибзода бо раиси Бонки миллии Швейтсария Мартин Шлегел дар Вашингтон баррасӣ гардиданд.
АМИТ «Ховар» бо истинод ба Бонки миллии Тоҷикистон иттилоъ медиҳад, ки ҷонибҳо ҳамзамон роҳҳои таҳкими робитаҳои касбӣ ва густариши ҳамкориро дар бахшҳои сиёсати пулӣ, устувории молиявӣ, идоракунии хавфҳо ва афзоиши иқтидори кадрӣ баррасӣ намуданд.
Раиси Бонки миллии Тоҷикистон аз сатҳи ҳамкории ҳарду ниҳоди молиявӣ, ки зиёда аз 25 сол идома дорад, изҳори қаноатмандӣ намуд. Иброз гардид, ки дар ин давра лоиҳаҳои зиёди кумакҳои техникӣ дар самти идоракунии захираҳои байналмилалӣ, сиёсати пулию қарзӣ ва идоракунии хавфҳо бо дастгирии Бонки миллии Швейтсария амалӣ карда шудаанд. Ҷумҳурии Тоҷикистон ҳоло нишондиҳандаҳои мусбати рушди иқтисодӣ дошта, сиёсати пулии мамлакат ба таъмини суботи нархҳо, таҳкими низоми бонкӣ ва рушди устувори иқтисодӣ нигаронида шудааст.
Ҳамзамон ҷонибҳо оид ба ифтитоҳи суратҳисобҳои муросилотӣ, тавсеаи муомилоти молиявӣ, тақвияти пардохтҳои байналмилалӣ, ҳамкории тиҷоратию сармоягузорӣ, рушди молияи “сабз” ва устуворӣ ба хавфҳои иқлимӣ суҳбат намуданд. Изҳор дошта шуд, ки табодули таҷриба, машваратҳои коршиносӣ ва барномаҳои омӯзишӣ метавонанд дар таҳкими иқтидори дастурӣ ва рушди насли нави мутахассисони соҳа мусоидат намоянд.
Дар анҷоми мулоқот ҷонибҳо изҳор доштанд, ки робитаҳо байни бонкҳои марказии ҳарду давлат бо назардошти манфиатҳои дуҷониба минбаъд низ дар сатҳи баланд идома меёбанд.
АКС: Бонки миллии Тоҷикистон
Дар ҷаласаи машваратии мудирони Хазинаи байналмилалии асъор шарҳи вазъи монетарии минтақа пешниҳод гардид
Алӣ Ғиёсуддин Муҳаммад: «Тоҷикистон имкон дорад бо истифода аз захираҳои табиӣ ба яке аз давлатҳои пешрафтаи ҷаҳон табдил гардад»
ҚУРБИ АСЪОР: 1 рубли русӣ аз 0.1132 то 0.1130 сомонӣ муқаррар шудааст
АСАЛ ДАВОИ ДАРД. Имрӯз дар Душанбе «Фестивали занбӯрпарварон, намоиш ва фурӯши асал» баргузор гардид
Дар Тоҷикистон 250 навъи харбуза парвариш карда мешавад
ИСТИФОДАИ САМАРАНОКИ ЗАМИН. Кишоварзони шаҳри Панҷакент дар беш аз 2600 гектар кишти такрорӣ гузарониданд
МАСЛИҲАТИ МУТАХАССИС. Истеъмоли биринҷ ҷисми инсонро фарбеҳ менамояд
МЕҲРГОН ЯКЕ АЗ ИДҲОИ БОСТОНИИ МИЛЛАТ. Иқтибосҳо аз суханрониҳои Президенти Тоҷикистон оид ба аҳамияти ин ҷашн
Ҳайати Тоҷикистон дар ҷаласаҳои гурӯҳи кишварҳои аъзои Хазинаи байналмилалии асъор ва Гурӯҳи Бонки ҷаҳонӣ иштирок намуд
Лоиҳаи бунёди хатти баландшиддати интиқоли барқи сабзи КАСА – 1000 дар қисмати Тоҷикистон, Қирғизистон ва Покистон ба анҷом расидааст
Дар Хатлон ҳаҷми истеҳсоли маҳсулоти саноатӣ беш аз 7 фоиз зиёд гардидаст
Тоҷикистон ва Узбекистон дар самтҳои рушди ҳукумати электронӣ, таҳияи платформаҳо ва ҳамгироии рақамӣ ба мувофиқа расиданд
