Дар Душанбе масъалаи ҷамъоварии омори тандурустӣ дар доираи стандартҳои байналмилалӣ баррасӣ шуд
ДУШАНБЕ, 03.10.2025. /АМИТ «Ховар»/. Масъалаи ҳамкории ҷамъоварии маълумоти омории соҳаи тандурустӣ, аз ҷумла хароҷоти саломатӣ аз рӯи таҳқиқоти буҷаи хонаводаҳо зимни вохӯрии директори Агентии омори назди Президенти Ҷумҳурии Тоҷикистон Ҷамшед Нурмаҳмадзода бо роҳбари намояндагии Созмони ҷаҳонии тандурустӣ дар Тоҷикистон Виктор Олсавски баррасӣ гардид. Дар ин хусус ба АМИТ «Ховар» аз Агентии омори назди Президенти Ҷумҳурии Тоҷикистон хабар доданд.
Ҳамзамон дар ҷараёни вохӯрӣ масъалаи гузаронидани таҳқиқоти васеи ҷаҳонӣ дар соҳаи тандурустӣ, ки дар ҳамкорӣ бо Вазорати тандурустӣ ва ҳифзи иҷтимоии аҳолии Ҷумҳурии Тоҷикистон бо дастгирии молиявӣ ва техникии Созмони ҷаҳонии тандурустӣ ба нақша гирифта шудааст, мавриди баррасӣ қарор гирифт.
Иброз гардид, ки ин таҳқиқот барои таҳияи сиёсати самараноки давлатӣ ва қабули қарорҳои асоснок дар соҳаи тандурустӣ заминаи боэътимод фароҳам меорад. Он ба Ҳукумати мамлакат ва шарикони рушд дар таҳияи барномаҳои иҷтимоӣ, хусусан барои табақаҳои осебпазир кумак мекунад.
«Ин таҳқиқот дар баробари таҳкими заминаҳои иттилоотӣ барои баҳогузории иҷрои ҳадафҳои миллии солимии аҳолӣ, инчунин мониторинги ҷараёни татбиқи санадҳои муҳими давлатӣ, аз ҷумла «Стратегияи ҳифзи солимии аҳолии Ҷумҳурии Тоҷикистон барои давраи то соли 2030», «Стратегияи пешгирӣ, назорати бемориҳои ғайрисироятӣ ва осеббардорӣ дар Ҷумҳурии Тоҷикистон барои давраи то соли 2040» ва баҳодиҳии амалишавии индикаторҳои «Стратегияи миллии рушди Ҷумҳурии Тоҷикистон барои давраи то соли 2030» нақши муассир хоҳад дошт»,-таъкид гардид дар вохӯрӣ.
Дар фарҷоми вохӯрӣ ҷонибҳо оид ба тақвияти ҳамкории тарафайн дар самти ҷамъоварии маълумоти омори тандурустӣ дар доираи методология ва стандартҳои байналмилалӣ ба мувофиқа расиданд.
АКС: Агентии омори назди Президенти Ҷумҳурии Тоҷикистон
Ҷашни байналмилалии Наврӯз дар Бонки миллии Тоҷикистон дар сатҳи баланд таҷлил гардид
Дар Душанбе истифода ва ҳифзи захираҳои обии мамлакат дар шароити тағйирёбии иқлим баррасӣ гардид
Ҷаласаи сеюми Гурӯҳи кории муштараки Тоҷикистону Покистон оид ба савдо, сармоягузорӣ ва нақлиёт баргузор шуд
Бонки миллии Тоҷикистон ба Эъломияи Кейптаун ҳамроҳ шуд
35-СОЛАГИИ ИСТИҚЛОЛИ ДАВЛАТӢ. Дар ноҳияи Восеъ сохтмони иншооти таъйиноти гуногун идома дорад
Дар Душанбе натиҷаҳои COP30 ва раванди такмилсозии NDC 3.0-и Тоҷикистон баррасӣ гардид
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
Дар ноҳияи Деваштич Маркази ҷумҳуриявии инноватсия ва технологияҳо дар соҳаи картошкапарварӣ таъсис дода мешавад
Бахшида ба Рӯзи байналмилалии ҳимояи ҳуқуқи истеъмолкунандагон корҳои фаҳмондадиҳӣ доир гардид
ИМРӮЗ-РӮЗИ БАЙНАЛМИЛАЛИИ ҲИМОЯИ ҲУҚУҚИ ИСТЕЪМОЛКУНАНДАГОН. Зиёда аз 86 тонна маҳсулоти бесифати бозорҳои истеъмолӣ нобуд карда шуд
Байни ширкати ҳавопаймоии хусусии «Shohin Airlines» ва Бунёди сармоягузории аврупоӣ Созишномаи сармоягузорӣ ба имзо расид
Ҷаласаи Гурӯҳи кории байниидоравӣ оид ба мониторинг ва арзёбии ҳуҷҷатҳои банақшагирии стратегӣ доир гардид
