Дар Шуғнон то охири сол неругоҳи барқи офтобӣ ба истифода дода мешавад
ДУШАНБЕ, 25.10.2025 /АМИТ «Ховар»/. Дар деҳаи Рожи ноҳияи Шуғнони Вилояти Мухтори Кӯҳистони Бадахшон корҳои насби панелҳои офтобӣ дар доираи лоиҳаи сохтмони неругоҳи барқи офтобӣ бо иқтидори умумии 3 мегаватт (0,5 МВт иқтидори системаҳои нигоҳдории энергия (батарея)) оғоз ёфтанд. Дар ин хусус АМИТ «Ховар» бо истинод ба Вазорати энергетика ва захираҳои оби Ҷумҳурии Тоҷикистон иттилоъ медиҳад.
Татбиқи лоиҳа ба тавсеаи истифодаи манбаъҳои барқароршавандаи энергия ва таъмини устувории таъминоти неруи барқ дар минтақа мусоидат менамояд.
Неругоҳ дар баландии 2 ҳазору 660 метр аз сатҳи баҳр бунёд карда мешавад. Корҳои сохтмонӣ аз ҷониби ширкати ватании Ҷамъияти саҳомии кушодаи «Тоҷикгидроэлектромонтаж» бо истифода аз таҷриба ва технологияҳои муосир анҷом дода мешаванд.
Дар айни замон 40 фоизи корҳои сохтмонӣ ба анҷом расида, дар назар аст, ки неругоҳ то охири соли равон ба истифода дода шавад.
АКС: Вазорати энергетика ва захираҳои оби Ҷумҳурии Тоҷикистон
Дар Тоҷикистон шумораи субъектҳои фаъолияткунанда 4 фоиз зиёд гардидааст
Дар Хатлон ҳаҷми умумии истеҳсоли маҳсулоти кишоварзӣ беш аз 30 миллиард сомониро ташкил додааст
РУШДИ САНОАТ. Дар Тоҷикистон шумораи коргоҳу корхонаҳои истеҳсолӣ ба 4 ҳазор мерасад
Чаро имсол дар Тоҷикистон истеҳсоли асал кам гардидааст?
Дар Душанбе Конфронси байналмилалӣ оид ба зеҳни сунъӣ «AI Conf 2025» баргузор шуд
Ҳаҷми истеҳсоли маҳсулоти саноатӣ дар Суғд ба беш аз 28 миллиард сомонӣ расид
«AI CONF». Дар доираи конфронси байналмилалӣ намоишгоҳи иноватсионӣ баргузор гардид
Дар Душанбе оид ба мониторинг ва арзёбии ҳуҷҷатҳои банақшагирии стратегӣ дар соли 2025 ҷаласа доир шуд
Беш аз 46 ҳазор сайёҳи дохилию хориҷӣ бо мавзеъҳои зебои Данғара шинос гардиданд
Даври омӯзишии «Асосҳои моликияти зеҳнӣ» санҷиш, ҳифзу ҳимоя ва ҳуқуқвайронкуниҳои ин соҳаро фаро гирифт
Дар ноҳияи Мастчоҳ нақшаи ҷамъоварии пахта қариб 80 фоиз иҷро гардидааст
Дар Душанбе масъалаи татбиқи хизматрасонии давлатии мақомоти андоз дар шакли электронӣ баррасӣ шуд
