Имконоти гидроэнергетикии Тоҷикистон дар Конфронси 29-уми ҷаҳонии сармоягузорӣ дар Шарҷа муаррифӣ гардид
ДУШАНБЕ, 23.10.2025 /АМИТ «Ховар»/. Омодагии устувори Тоҷикистон барои таҳкими иқтисоди пойдор ва устувор тибқи «Стратегияи ҷалби сармоягузорӣ то соли 2040» дар Конфронси 29-уми ҷаҳонии сармоягузорӣ, ки дар шаҳри Шарҷаи Амороти Муттаҳидаи Араб баргузор шуд, таъкид гардид. Дар ин хусус АМИТ «Ховар» бо истинод ба Кумитаи давлатии сармоягузорӣ ва идораи амволи давлатии Ҷумҳурии Тоҷикистон иттилоъ медиҳад.
Дар Конфронси 29-уми ҷаҳонии сармоягузорӣ муовини якуми Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Фаррух Юсуфзода афзалияти асосии миллӣ- гузариш ба иқтисоди «сабз», ҷалби сармоягузории «сабз», таҷдиди соҳаи саноат ва таҳкими инфрасохтори рақамиро дар мамлакат махсус таъкид намуд.
Таваҷҷуҳи махсус ба имконоти бузурги гидроэнергетикии Тоҷикистон ва нақши стратегии он дар пешбурди энергияи «сабз» ва барқароршаванда дар минтақа зоҳир гардид.
Конфронси 29-уми ҷаҳонии сармоягузорӣ аз ҷониби Идораи сармоягузории Шарҷа (Sharjah FDI Office), Созмони ҷаҳонии пешбурди сармоягузорӣ (WAIPA) ва Вазорати сармоягузории Амороти Муттаҳидаи Араб ташкил шуд. Дар он вазирон, роҳбарони агентиҳои сармоягузорӣ ва намояндагони бахши хусусии беш аз 70 давлати ҷаҳон иштирок ва роҳҳои таҳкими ҳамкорию стратегияи инноватсионии сармоягузории устуворро баррасӣ намуданд.
АКС: Кумитаи давлатии сармоягузорӣ ва идораи амволи давлатии Ҷумҳурии Тоҷикистон
Ҷашни байналмилалии Наврӯз дар Бонки миллии Тоҷикистон дар сатҳи баланд таҷлил гардид
Дар Душанбе истифода ва ҳифзи захираҳои обии мамлакат дар шароити тағйирёбии иқлим баррасӣ гардид
Ҷаласаи сеюми Гурӯҳи кории муштараки Тоҷикистону Покистон оид ба савдо, сармоягузорӣ ва нақлиёт баргузор шуд
Бонки миллии Тоҷикистон ба Эъломияи Кейптаун ҳамроҳ шуд
35-СОЛАГИИ ИСТИҚЛОЛИ ДАВЛАТӢ. Дар ноҳияи Восеъ сохтмони иншооти таъйиноти гуногун идома дорад
Дар Душанбе натиҷаҳои COP30 ва раванди такмилсозии NDC 3.0-и Тоҷикистон баррасӣ гардид
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
Дар ноҳияи Деваштич Маркази ҷумҳуриявии инноватсия ва технологияҳо дар соҳаи картошкапарварӣ таъсис дода мешавад
Бахшида ба Рӯзи байналмилалии ҳимояи ҳуқуқи истеъмолкунандагон корҳои фаҳмондадиҳӣ доир гардид
ИМРӮЗ-РӮЗИ БАЙНАЛМИЛАЛИИ ҲИМОЯИ ҲУҚУҚИ ИСТЕЪМОЛКУНАНДАГОН. Зиёда аз 86 тонна маҳсулоти бесифати бозорҳои истеъмолӣ нобуд карда шуд
Байни ширкати ҳавопаймоии хусусии «Shohin Airlines» ва Бунёди сармоягузории аврупоӣ Созишномаи сармоягузорӣ ба имзо расид
Ҷаласаи Гурӯҳи кории байниидоравӣ оид ба мониторинг ва арзёбии ҳуҷҷатҳои банақшагирии стратегӣ доир гардид
