Кишоварзони ноҳияи Бобоҷон Ғафуров имсол беш аз 18 ҳазор тонна пахта ҷамъоварӣ менамоянд

ДУШАНБЕ, 08.10.2025. /АМИТ «Ховар»/. Кишоварзони ноҳияи Бобоҷон Ғафуров нақша доранд, ки имсол 18 ҳазору 254 тонна пахта ҷамъоварӣ намоянд.
Тавре ба АМИТ «Ховар» аз Мақомоти иҷроияи ҳокимияти давлатии ноҳияи Бобоҷон Ғафуров иттилоъ доданд, то 7 октябр кишоварзон 9748,7 тонна пахта ҷамъоварӣ намудаанд, ки 53,4 фоизи нақшаро ташкил медиҳад.
Дар ноҳия корхонаи коркарди пахтаи «Юсуф Саркор» фаъолият менамояд. Корхонаи коркарди пахта бо хоҷагиҳои деҳқонӣ шартнома ба имзо расонида, онҳоро дар давраи кишту парвариши пахта дастгирӣ намуд.
Дар айни замон коркарди аввалини пахта бо истифодаи дастгоҳу таҷҳизоти муосир оғоз гардидааст. Иқтидори истеҳсолии коргоҳ имкон медиҳад, ки пахта сари вақт қабул ва коркард карда шавад.
АКС: Мақомоти иҷроияи ҳокимияти давлатии ноҳияи Бобоҷон Ғафуров