Корхонаҳои коркарди хушкмеваи Тоҷикистон дар намоишгоҳи байналмилалии «Anuga» иштирок доранд
ДУШАНБЕ, 06.10.2025. /АМИТ «Ховар»/. 13 корхонаи коркарди хушкмеваҳо аз Тоҷикистон дар намоишгоҳи бузурги байналмилалии «Anuga», ки аз 4 то 8 октябр дар шаҳри Кёлни Олмон баргузор мегардад, иштирок доранд. Дар ин хусус ба АМИТ «Ховар» аз Палатаи савдо ва саноати Ҷумҳурии Тоҷикистон хабар доданд.
Тавре иттилоъ дода шуд, ин сафар ва иштироки корхонаҳои Тоҷикистон дар намоишгоҳ дар доираи лоиҳаи Маркази тиҷорати байналмилалӣ (МТБ) – «Пешбурди тиҷорат дар Шарқ: Кишварҳои Балкан ва Осиёи Марказӣ» (TPE), ки маблағгузораш Swiss Cooperation — Tajikistan мебошад, амалӣ мегардад.
Намоишгоҳ барои корхонаҳои коркарди хушкмеваи тоҷик имкон фароҳам меорад, то маҳсулот ва имконияти худро муаррифӣ ва тарғиб намоянд, ҳамкории минбаъдаи тиҷоратиро баррасӣ намуда, бо раванд ва тамоюлоти нави бозори ҷаҳонӣ шинос шаванд.
Бо ҳадафи пешбурд ва тарғиби лаззати табиӣ ва беназири хушкмеваҳои Тоҷикистон ғурфаи мамлакат мизбони меҳмонони сершуморе хоҳад буд, ки барои чашидани таъми табиӣ ва нодири маҳсулоти мо меоянд ва дари имконоти нави тиҷоратиро боз мекунанд.
Намоишгоҳи байналмилалии «Anuga» яке аз бузургтарин намоишгоҳҳои тиҷоратӣ дар ҷаҳон ба шумор меравад, ки ба ғизо ва нӯшокиҳо бахшида шудааст. Намоишгоҳ таърихи 100-сола дошта, муҳимтарин макони вохӯрии намояндагони саноати хӯрокворӣ ва нӯшокиҳо мебошад.
АКС: Палатаи савдо ва саноати Ҷумҳурии Тоҷикистон
Ҷашни байналмилалии Наврӯз дар Бонки миллии Тоҷикистон дар сатҳи баланд таҷлил гардид
Дар Душанбе истифода ва ҳифзи захираҳои обии мамлакат дар шароити тағйирёбии иқлим баррасӣ гардид
Ҷаласаи сеюми Гурӯҳи кории муштараки Тоҷикистону Покистон оид ба савдо, сармоягузорӣ ва нақлиёт баргузор шуд
Бонки миллии Тоҷикистон ба Эъломияи Кейптаун ҳамроҳ шуд
35-СОЛАГИИ ИСТИҚЛОЛИ ДАВЛАТӢ. Дар ноҳияи Восеъ сохтмони иншооти таъйиноти гуногун идома дорад
Дар Душанбе натиҷаҳои COP30 ва раванди такмилсозии NDC 3.0-и Тоҷикистон баррасӣ гардид
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
Дар ноҳияи Деваштич Маркази ҷумҳуриявии инноватсия ва технологияҳо дар соҳаи картошкапарварӣ таъсис дода мешавад
Бахшида ба Рӯзи байналмилалии ҳимояи ҳуқуқи истеъмолкунандагон корҳои фаҳмондадиҳӣ доир гардид
ИМРӮЗ-РӮЗИ БАЙНАЛМИЛАЛИИ ҲИМОЯИ ҲУҚУҚИ ИСТЕЪМОЛКУНАНДАГОН. Зиёда аз 86 тонна маҳсулоти бесифати бозорҳои истеъмолӣ нобуд карда шуд
Байни ширкати ҳавопаймоии хусусии «Shohin Airlines» ва Бунёди сармоягузории аврупоӣ Созишномаи сармоягузорӣ ба имзо расид
Ҷаласаи Гурӯҳи кории байниидоравӣ оид ба мониторинг ва арзёбии ҳуҷҷатҳои банақшагирии стратегӣ доир гардид
