Муовини Сарвазири Тоҷикистон дар Конфронси минтақавии сатҳи баланд вобаста ба пешгирии зӯроварӣ нисбат ба кӯдакон иштирок намуд
ДУШАНБЕ, 15.10.2025 /АМИТ «Ховар»/. Муовини Сарвазири Ҷумҳурии Тоҷикистон, Раиси Комиссияи назди Ҳукумати Ҷумҳурии Тоҷикистон оид ба ҳуқуқи кӯдак Дилрабо Мансурӣ дар Конфронси сатҳи баланд вобаста ба пешгирии зӯроварӣ нисбат ба кӯдакон, ки 13-14 октябр дар шаҳри Бухарести давлати Руминия баргузор гардид, иштирок намуд.
Тавре АМИТ «Ховар» хабар медиҳад, конфронс аз ҷониби Ҳукумати Руминия ва Дафтари минтақавии ЮНИСЕФ дар Аврупо ва Осиёи Марказӣ дар ҳамкорӣ бо Намояндаи махсуси Созмони Милали Муттаҳид оид ба пешгирии зӯроварӣ нисбат ба кӯдак ташкил карда шуд.
Муовини Сарвазири Ҷумҳурии Тоҷикистон ислоҳоти калидиеро, ки Ҳукумати Ҷумҳурии Тоҷикистон дар соҳаи ҳифзи кӯдакон ба роҳ мондааст, муаррифӣ намуд.
Иброз гардид, ки Ҷумҳурии Тоҷикистон таҳти роҳнамоиҳои Президенти Ҷумҳурии Тоҷикистон муҳтарам Эмомалӣ Раҳмон тавассути ислоҳоти ҳамаҷониба вобаста ба пешгирии зӯроварӣ нисбат ба кӯдакон дар пешбурди ҳуқуқи кӯдак ва ҳифзи ҳуқуқи онҳо ба пешравиҳои назаррас ноил гардид.
Ҳукумати Ҷумҳурии Тоҷикистон ҳама шаклҳои зӯроварӣ нисбат ба кӯдаконро ба таври қонунӣ манъ намуда, лоиҳаи барномаи миллиро таҳия намудааст. Он пурзӯр намудани низоми миллӣ, беҳтар намудани ҳамоҳангсозӣ ва васеъ намудани хизматрасонӣ дар ҷомеаро барои таъмини он, ки ҳар кӯдак дар бехатарӣ ва бо иззату эътибор ба воя расад, пешбинӣ менамояд.
«Бо такя ба ин дастовардҳо нақшаҳои ояндаи мо дар саросари ҷумҳурӣ таъсис додани марказҳои типи Барнаҳус ва такмил додани механизмҳои арзу шикоят дар мактабҳо мебошанд»,-таъкид дошт Дилрабо Мансурӣ.
Дар рӯзи дуюми конфронс мулоқотҳои дуҷониба ва ҷаласаҳои фаннӣ бо таваҷҷуҳ ба пешгирӣ, дастгирии оила ва равишҳои байнисоҳавӣ идома ёфта, барои давлатҳои Аврупо ва Осиёи Марказӣ платформаи арзишманд барои табодули таҷриба ва ҳалли масъалаҳои марбут ба пешгирии зӯроварӣ нисбат ба кӯдак фароҳам оварда шуд.
Конфронси сатҳи баланд вобаста ба пешгирии зӯроварӣ нисбат ба кӯдакон бо натиҷагирӣ аз баргузории нахустин конфронси ҷаҳонии сатҳи олӣ дар шаҳри Боготаи Колумбия як сол қабл бо фарогирии ҳайати ҳукуматӣ аз минтақаи Аврупо ва Осиёи Марказӣ доир гардид.
АКС аз манбаъҳои боз
Бахшида ба Рӯзи Конститутсия бо иштироки судяҳо конфронси ҷумҳуриявии илмӣ-амалӣ баргузор гардид
«КОНСТИТУТСИЯ- ШОҲСУТУНИ ДАВЛАТИ ОБОДИ МО». Таҳти ин унвон дар Кумитаи хоҷагии манзилию коммуналӣ ҳамоиш доир гардид
Ҳаракати навбатии пиряхи Деҳдал мушоҳида гардид
Дар Академияи миллии илмҳо бахшида ба 31-солагии Конститутсия конференсияи илмию амалӣ баргузор шуд
Музаффар Ашуриён: «Конститутсияи Тоҷикистон санади тақдирсоз ва муайянкунандаи сарнавишти халқу миллати мо мебошад»
Дар пойтахт Симпозиуми байналмилалии «Саҳми Абӯалӣ ибни Сино дар рушди илм, фалсафа ва тамаддуни ҷаҳонӣ» идома дорад
Доир ба нақши Конститутсия дар рушди давлатдории миллӣ ҳамоиш баргузор гардид
Моҳи ноябр Тоҷикистонро чӣ гуна ҳаво интизор аст?
Ҳуҷраи кории аввалин президенти Академияи фанҳои Тоҷикистон Садриддин Айнӣ навсозӣ гардид
Дар Душанбе Форуми ёздаҳуми миллӣ оид ба волоияти қонун оғоз гардид
Симпозиуми байналмилалӣ таҳти унвони «Саҳми Абуалӣ ибни Сино дар рушди илм, фалсафа ва тамаддуни ҷаҳонӣ» оғоз гардид
Дар вилояти Свердловски Федератсияи Русия дар мавзуи рушди саноатикунонии Тоҷикистон вохӯрӣ доир шуд
