Раёсат дар Шурои байнидавлатии муқовимат ба коррупсияи ИДМ аз Тоҷикистон ба Арманистон гузашт
ДУШАНБЕ, 03.10.2025. /АМИТ «Ховар»/. Раёсат дар Шурои байнидавлатии муқовимат ба коррупсияи давлатҳои аъзои Иттиҳоди Давлатҳои Мустақил аз Ҷумҳурии Тоҷикистон ба Арманистон гузашт. Қарори дахлдор имрӯз зимни ҷаласаи Шуро дар Ереван қабул карда шуд. Дар ин хусус ба АМИТ «Ховар» аз Агентии назорати давлатии молиявӣ ва мубориза бо коррупсияи Ҷумҳурии Тоҷикистон хабар доданд.
Дар ҷаласа директори Агентии назорати давлатии молиявӣ ва мубориза бо коррупсияи Ҷумҳурии Тоҷикистон Сулаймон Султонзода, прокуророни генералии Арманистон, Қирғизистон, муовинони прокуророни генералии Русия, Беларус, директори Агентии муқовимат ба коррупсияи Ҷумҳурии Узбекистон ва муовини раиси Кумитаи давлатии амнияти миллии Ҷумҳурии Қазоқистон иштирок намуданд.
Зимни ҷаласа бо қарори дахлдор Прокурори генералии Ҷумҳурии Арманистон Анна Вардапетян ҳамчун раиси Шурои байнидавлатии муқовимат ба коррупсия дар солҳои 2025-2026 таъйин карда шуд.
Дар идома Сулаймон Султонзода вобаста ба корҳои анҷомдодашуда дар давраи раисӣ дар Шуро ва таҷрибаи Ҷумҳурии Тоҷикистон дар самти муқовимат ба коррупсия сухан гуфт.
Дар охири ҷаласа барои фаъолияти Шурои байнидавлатии муқовимат ба коррупсия дар солҳои 2025 — 2026 қарорҳои дахлдор қабул карда шуда, доир ба таъмини иҷро ба аъзои Шуро ирсол гардид.
Иштирокдорони ҷаласа изҳор намуданд, ки қарорҳои қабулгардида барои пурзӯр гардидани муқовимат ба коррупсия дар сатҳи байналмилалӣ мусоидат менамоянд.
АКС: Агентии назорати давлатии молиявӣ ва мубориза бо коррупсияи Ҷумҳурии Тоҷикистон
Ҷашни байналмилалии Наврӯз дар Бонки миллии Тоҷикистон дар сатҳи баланд таҷлил гардид
Дар Душанбе истифода ва ҳифзи захираҳои обии мамлакат дар шароити тағйирёбии иқлим баррасӣ гардид
Ҷаласаи сеюми Гурӯҳи кории муштараки Тоҷикистону Покистон оид ба савдо, сармоягузорӣ ва нақлиёт баргузор шуд
Бонки миллии Тоҷикистон ба Эъломияи Кейптаун ҳамроҳ шуд
35-СОЛАГИИ ИСТИҚЛОЛИ ДАВЛАТӢ. Дар ноҳияи Восеъ сохтмони иншооти таъйиноти гуногун идома дорад
Дар Душанбе натиҷаҳои COP30 ва раванди такмилсозии NDC 3.0-и Тоҷикистон баррасӣ гардид
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
Дар ноҳияи Деваштич Маркази ҷумҳуриявии инноватсия ва технологияҳо дар соҳаи картошкапарварӣ таъсис дода мешавад
Бахшида ба Рӯзи байналмилалии ҳимояи ҳуқуқи истеъмолкунандагон корҳои фаҳмондадиҳӣ доир гардид
ИМРӮЗ-РӮЗИ БАЙНАЛМИЛАЛИИ ҲИМОЯИ ҲУҚУҚИ ИСТЕЪМОЛКУНАНДАГОН. Зиёда аз 86 тонна маҳсулоти бесифати бозорҳои истеъмолӣ нобуд карда шуд
Байни ширкати ҳавопаймоии хусусии «Shohin Airlines» ва Бунёди сармоягузории аврупоӣ Созишномаи сармоягузорӣ ба имзо расид
Ҷаласаи Гурӯҳи кории байниидоравӣ оид ба мониторинг ва арзёбии ҳуҷҷатҳои банақшагирии стратегӣ доир гардид
